လမ်းပေါ်က ဆေးသားတွေအတိုင်းလျှောက်ရင် လမ်းမပျောက်နိုင်…
နှင်းတွေဝေနေသော Stettin မြို့
ဓါတ်ရထားမှတ်တိုင်… ဟိုနားဒီနားစီး လက်မှတ်ခ ပိုလန်ငွေ 2.4 PLN (US$ 1.00 or 5.00 DKr)
ကားဂိတ်က ကွမ်းယာဆိုင်လေး…
သွားဆေးခန်း၊ တချို့ဒိန်းမတ်တွေ ပိုလန်မှာ ဈေးသက်သာ၍ သွားလာနှုတ်ကြသည်။
နှစ်ဦးသား လျှောက်လာကြတော့ လူလည်း အတော်ညောင်းလာသည်။ မြေပုံညွှန်းအရ ဘုရားရှစ်ခိုးကျောင်း ၂ ခုကို သွားရအုံးမှာဆိုပေမယ့် ဖြတ်လမ်းကနေ ဟိုတယ်ကို ပြန်ချင်နေပါပြီ။ လမ်းလည်ခေါင် မြေပုံတကိုင်ကိုင် လုပ်နေတုံး Are you guys lost? ဆိုပြီး အကူအညီပေးဖို့ မေးလာတဲ့ မြို့ခံပိုလန်သား တဦးကြောင့် ဟိုတယ်အမြန်ပြန်ရောက်မယ့် လမ်းကိုသိလိုက်ရ၏။ သူက တဆက်တည်း မင်းတို့ ဖိလစ်ပိုင်က သင်္ဘောသား တွေလားဟု မေးလာရာ ကျနော်တို့က မဟုတ်ပါ… We’re from Burma ဆိုတော့ ခေါင်းခါ၍ သူမသိပါဟု ဆိုလေသည်။ Burma ကို မသိသည့် ဥရောပတိုက်သားတဦးကို Myanmar ဟု ထပ်မံရှင်းပြရန်လိုမည်ဟု ကျနော်မထင်ပါ။ ဟိုတယ် အပြန်လမ်း၌ လမ်းဘေးတချို့နေရာတွင် တောင်းစားနေသူ အချို့ကို အံ့သြဖွယ်ရာ တွေ့လိုက်ရသည်။ ချမ်းချမ်းစီးစီးမှာ အနွေးထည်တွေဝတ်ပြီး တောင်းစားနေသူများကို လမ်းသွားလမ်းလာများ က ပေးကမ်းနေတာကိုတော့ မတွေ့ရ။ ပိုလန်သည် ဆိုဗီယက် အုပ်စုဝင် နိုင်ငံဟောင်း၊ ဘာလင်တံတိုင်းပြိုပြီး နောက်ပိုင်း ဒီမိုကရေစီနှင့် ဈေးကွက်စီးပွားရေးလမ်းကြောင်းပေါ်အတက် စီးပွားရေးကို ရှော့ခ်ရိုက်ကုသခဲ့ရသည် ဟု အဆိုရှိသည်။ ရှော့ခ်ရိုက်ကုသခြင်းကြောင့် မည်သူတွေကို နစ်နာထိခိုက်စေခဲ့သလဲ။ ဘာပဲဖြစ်ဖြစ် မှားနေတာကို မှန်အောင်ပြင်နိုင်စွမ်းရှိသည့် ပိုလန်နိုင်ငံခေါင်းဆောင်များကိုတော့ ချီးကျူးရပါမည်။
ဟိုတယ်ပြန်ရောက်တော့ ခဏတဖြုတ်နားပြီး ဈေးဝယ်ထွက်ဖို့ ပြင်ဆင်ရသည်။ ခရစ်စမတ်အကြိုနေ့ ဖြစ်လေတော့ဆိုင်တွေ အစောကြီးပိတ်မှာမို့ အချိန်ရသလောက်မှာ လဲထားတဲ့ ပိုလန်ငွေတွေ ကုန်အောင် ၀ယ်မယ်ဟု စိတ်ကူးရင်း ရှော့ပင်းစင်တာများဆီသို့ ခြေဦးလှည့်ခဲ့ပါတော့သည်။ ။
No comments:
Post a Comment