(၂၉) လူစုံ၊ လူမျိုးပေါင်းစုံ၊ လူတန်းစားပေါင်းစုံ (ကြေးမုံဦးသောင်း)

မာကျောက်ကစားဝိုင်း တရုတ်များကို ဖမ်းသကဲ့သို့ စစ်အစိုးရက အရပ်သူအရပ်သားများကို အကြောင်းအမျိုးမျိုး နှင့် ဖမ်းဆီးနေကြသောကြောင့် အင်းစိန်ထောင်ထဲသို့ ရောက်လာကြသူများ အားလုံးတို့၏ ဇာတ်လမ်းများမှာ အမျိုးမျိုးအဖုံဖုံ ဆန်းကြယ်လှတော့သည်။
အစိုးရ၏ ထိပ်သီးအာဏာရှင်ကြီး ဗိုလ်ချုပ်ကြီးနေ၀င်းကိုယ်တိုင်က သူမလိုလားသူများကို ဖမ်းဆီးအမိန့်ပေးလေရာ လက်အောက်စစ်ဗိုလ်များကလည်း မိမိတို့ မလိုလားသူအား လက်လွတ်စပယ် ဖမ်းမိန့်ပေးလေ့ရှိသည်။
ငွေဇင်ယော် ဦးကြင်သည် ကုန်သည်ကြီးတဦးဖြစ်သည်။ ကောင်းရောင်းကောင်းဝယ် လုပ်ကိုင်စားသောက်သူ အရပ်သားတဦးသာ ဖြစ်သည်။ ဂျုံစက်နှင့် ဆီစက်နှစ်လုံး ပိုင်ဆိုင်သည်။ သူ၏နေအိမ်မှာ ပြည်လမ်းပေါ်တွင် ရှိသည်။ အေဒီလမ်းထိပ်အနီး မလှမ်းမကမ်းတွင် ရှိသည်။ မိသားစုကြီးမားသောကြောင့် အိမ်ကောင်းကောင်း ဆောက်လုပ်နေထိုင်သည်။
ဝန်တိုမိစ္ဆာကြီးမားသော ဗိုလ်ချုပ်ကြီးနေ၀င်းက ဤကဲ့သို့ အရပ်သားများ တင့်တင့်တယ်တယ် နေသည်ကို မကြည့်နိုင်၊ မရှူစိမ့်နိုင်ဘဲ များစွာ မနာလိုလေ့ရှိသည်။ ထိုကြောင့် အေဒီလမ်း နေအိမ်မှ နေ့စဉ်စစ်ရုံးကို ကားနှင့် သွားသည့်အခါတိုင်း ဒေါသမီးတောက်ပြီး သူက “လမ်းပေါ်မှာ နန်းတော်ဆောက်တဲ့ မအေ -ိုး တွေ” ဟု ညစ်ညစ် ညမ်းညမ်း ဆဲလေ့ရှိသည်။
ဗိုလ်ချုပ်နေ၀င်း၏ နံဘေးမှာ အမြဲလိုက်ပါရသူ စစ်စုံထောက်ကြီး ဗိုလ်မှူးကြီးလွင်က နားငြီးလှသောကြောင့် ဦးကြင်၏ အပြစ်ကို ရှာသည်။ အပြစ်မတွေ့သောကြောင့် ဆိုင်းထားရာမှ ဆီဈေးတက်သဖြင့် ဆီကုန်သည်များကို ဖမ်းသောအခါတွင် ဦးကြင်ကိုပါ ရောနှောကာ ဖမ်းလိုက်သည်။ ဦးကြင်ခမျာ ဗိုလ်ချုပ်နေ၀င်းသွားလာသော လမ်းပေါ်မှာ အိမ်ကောင်းကောင်းဆောက်နေမိသောကြောင့် ထောင် (၇) နှစ် ခံရရှာလေသည်။
တကြိမ်တွင်မူ ဗောင်းတော်ညိတ် စိတ်တော်သိ ဖမ်းဆီးလေ့ရှိသူ စစ်စုံထောက်ကြီးများ အကြပ်ရိုက်သွားခဲ့ဖူးသည်။ မြေနီကုန်းလမ်းဆုံတွင် ကားဖြတ်မောင်းသွားစဉ်၌ လမ်းပေါ်မှ လူတယော်ကို မြင်မိရာမှ ဗိုလ်ချုပ်ကြီးနေ၀င်းက “ဟ - ဒီကောင်ရှိသေးသကိုး” ဟု မှတ်ချက်ချသည်။ စစ်စုံထောက်ကြီးတို့က ထိုမည်သော “ဒီအကောင်” ဆိုသူကို ထိုည မှာပင် ဖမ်းလိုက်ကြလေသည်။
တလခန့်ကြာသောအခါတွင်မူ ဗိုလ်ချုပ်ကြီးနေ၀င်းက “ဒီကောင်ကို ငါခိုင်းစရာ ရှိတယ်။ တလောက မြေနီကုန်းမှာ ကားပေါ်က တွေ့လိုက်ပါတယ်။ ရှာပြီးခေါ်ခဲ့ကွာ” ဟု အမည်နာမ ပြောပြီး ခိုင်းတော့သည်။
စစ်စုံထောက်ကြီးများ မျက်သလဲဆံပျာ ဖြစ်သွားကြရှာတော့သည်။ သူတို့က ဖမ်းဆီးထားသော ဒီအကောင်ဆိုသူကို ကပျာကရာ အင်းစိန်ထောင်ထဲက ဆွဲထုတ်ပြီး “ကျနော်တို့ လူမှားပြီး ဖမ်းမိတာပါ။ ဖမ်းတယ် ဆိုတာ အဖိုးကြီး မသိပါစေနဲ့” ဟု ရှိခိုးတောင်းပန်ပြီး အိမ်တော်သို့ ခေါ်သွားရရှာသည်။
ပြောမယုံ ကြုံဖူးမှသိ ဟူသော ဖြစ်ရပ်မျိုးတို့သည် များပြားလှသည်။ မန္တလေးတွင် သတင်းစာ အော်ဟစ်ရောင်းနေသူ လူငယ်တဦးကို အာဏာပါဝါပြလိုသူ လက်နက်ချ ကွန်မြူနစ်အရာရှိတဦးက ရဲဌာနကို သွားပြီး “ဒီကောင်ကို ဖမ်းလိုက်” ဟု အမိန့်ပေးသောကြောင့် ဖမ်းထားခဲ့သည်။ လွှတ်ချိန်ကျသောအခါတွင် မည်သည့်အရာရှိက မည်သည့်အတွက်ကြောင့် ဖမ်းမိန့်ပေးခဲ့သည်ကို မှတ်တမ်းမရှိသဖြင့် ကြာမြင့်စွာ ထိန်းသိမ်း ထားရသည်ဟု ထောင်မှူးတဦးက ကိုယ်တွေ့ ပြောပြသည်။
တနေ့သ၌ အကျဉ်းသားသစ် (၃) ဦးတို့သည် တင်မောင်တို့၏ အခန်းသို့ ရောက်လာကြသည်။ လပွတ္တာမှ မော်တော်ပဲ့ကိုင်နှင့် စက်သမားများ ဖြစ်ကြသည်။ “ဘာမှုနဲ့ ဖမ်းခံရသလဲ” ဟု မေးကြသောအခါတွင် သူတို့ကိုယ်တိုင် မည်သည့်အတွက်ကြောင့် အဖမ်းခံရသည်ကို မသိရပါဟု ဖြေကြရှာလေသည်။
ဂဃနဏ မေးကြသောအခါတွင်မူ သူတို့က လမ်းမတော်ဆိပ်ကမ်းတွင် မော်တော်ဆိုက်ကပ်ထားပြီး အားလပ် သောကြောင့် စာရေးကြီးကို မော်တော်အပ်ကာ ရုပ်ရှင်ကြည့်ရန် ထွက်လာသည် ဆိုပါ၏။ ရွှေတောင်တန်းလမ်းကို ဖြတ်လာခိုက် မိုးသည်းထန်စွာ ရွာလာသောကြောင့် အိမ်တအိမ်၏ တံစက်မြိတ်အောက်တွင် ၀င်ရောက် မိုးခိုကြ သည်။ မိုးအစဲတွင် ခရီးဆက်မည်အပြု၌ အိမ်ထဲမှ စစ်စုံထောက်တစု ထွက်လာပြီး ဘောင်ဒရီလမ်းကို ခေါ်သွား ကြပြီး (၃) ရက်တိုင်တိုင် စစ်ဆေးကြသည် ဆိုသည်။
ဘယ်သူကို သိသလား၊ ဘယ်ဝါနှင့် ဆက်သွယ်ဖူးသလား စစ်မေးကြသောအခါ ရန်ကုန်မြို့တွင် လမ်းမတော် ဆိပ်ကမ်းနှင့် ရုပ်ရှင်ရုံမှတပါး မည်သူကိုမှ မသိရှာကြသည့် လပွတ္တာသားများ ဖြစ်သဖြင့် မည်သည့်ကိစ္စကိုမှ မဖြေနိုင်သောကြောင့် အင်းစိန်ထောင်သို့ ပို့လိုက်သည်ဆိုပါ၏။
နောက်တနေ့တွင် ဘောင်ဒရီစစ်ထောင်၌ ကျန်ရစ်ခဲ့သော လွယ်အိတ်တလုံးကို လာပို့သောအခါ “ခင်ဗျားတို့ ပစ္စည်းတွေ စုံရဲ့လား စစ်ဆေးပါ” ဟု တပ်ကြပ်ကြီးက မေး၏။
စက်ဆရာတဦးက “ကျနော် ကျန်ရစ်ခဲ့တဲ့ သွားကလေးတချောင်း မပါလာပါလား” ဟု မရဲတရဲ ပြောရှာသောအခါ “-၀ါးကနဲ” ပွဲကျသွားသည်။ အကျဉ်းသားအားလုံးက ၀ိုင်းရယ်ကြသဖြင့် တပ်ကြပ်ကြီးပင်လျှင် မျက်နှာပျက်သွားရှာ သည်။
သူတို့ဇာတ်လမ်းက မပြီးဆုံးသေးပါ။ ဆက်ရန်ရှိသေးသည်။ မော်တော်ပဲ့ကိုင်ဆရာ၏ ဇနီးက သူမ၏ ခင်ပွန်းကို များစွာ ချစ်ရှာဟန်တူသည်။ ပဲ့ကိုင်ဆရာကလည်း မာတုကာမများနှင့် စပ်လျဉ်း၍ ခြေဆော့၊ လက်ဆော့၊ ခြေမငြိမ်၊ လက်မငြိမ် ယောက်ျားတဦး ဖြစ်ဟန်တူ၏။ ခက်သည်မှာ သူ၏ဇနီးက ဆတ်ဆတ်ထိမခံသော အမျိုးသမီး ဖြစ်ပုံရသည်။ (၁၀) ရက်ကြာသောအခါတွင် သတင်းစာများထဲ၌ ခပ်စွာစွာရေးထားသည့် ကြော်ငြာတစောင် ပါလာတော့၏။
“ကျမယောက်ျား ပဲ့ကိုင် ကိုဟိုဒင်း အိမ်ကို ပြန်မလာပါ။ လက်ခံထားရှိတဲ့ အမျိုးသမီးများကို လင်ခိုးမှုနဲ့ တရားဥပဒေ အရ အရေးယူပါမည်။ ကျမသာ တရားဝင်မယားကြီး ဖြစ်ပါသည်” တဲ့။
ကိုပဲ့ကိုင်က ထောင်မှူးကိုတွြေ့ပီး “ကယ်ပါဦး ထောင်မှူးကြီးရယ်၊ အဖမ်းခံရတာက အရေးမကြီးပါဘူး။ ကျနော်ရဲ့ မယားက စွာပါတယ်။ တော်တော်ကြာ အပြစ်မရှိတဲ့ အရပ်ထဲက ကောင်မတွေကို ရန်တွေ့လား၊ ပါးရိုက်လား လုပ် ပါတော့မယ်” ဟု တိုင်တည်လေတော့မှ မစွာကြယ်၏ ကြော်ငြာကို စစ်ဗိုလ်များထံ တင်ပြပြီး သူတို့ (၃) ဦးကို လွှတ်ပေးလိုက်ရပါသည်။
စစ်ဗိုလ်များကို အင်းစိန်ထောင်သို့ ပို့သောအခါတွင် နိုင်ငံရေးအကျဉ်းသားများနှင့် အတူ မထားဘဲ သီးခြား အိမ်ကလေးများနှင့် ထားရှိသည်။ စစ်ဗိုလ်ဟောင်းများကိုမူ တင်မောင်တို့နှင့်အတူ ထားရှိသည်။
အထောက်တော်သတင်းစာမှ ဗိုလ်ကြီးသိန်းနိုင်၊ မိုးကုတ်မှ ဗိုလ်ကြီးဟောင်းသန်းတင် စသည်တို့ကို တွေ့ခဲ့ရသည်။ ဗိုလ်ကြီးဟောင်းသန်းတင်က နိုင်ငံရေး ကင်းရှင်းသူ ဖြစ်ပါလျက် မိသားစုက သခင်သာခင်နှင့် ဆွေမျိုးတော်သော ကြောင့် ဖမ်းသည်ဆိုပါ၏။
ထောင်ထဲရောက်စက မခံချင်လွန်းသဖြင့် ညစဉ်ညတိုင်း သန်းခေါင်ကျော်တွင် “ကြားကြားသမျှ ရဲဘော်တွေ ပြန်ပြောပေးကြပါ။ ဗိုလ်ချုပ်ကြီးနေ၀င်းကို သစ္စာရှိတဲ့ ဗိုလ်ကြီးသန်းတင်ကို ဖမ်းထားပါတယ်” ဟု အော်ဟစ်သော ကြောင့် တိုက်ပိတ်ခံရရှာသေးသည်။
ဗိုလ်ကြီးဟောင်း ဦးမြလှိုင်ရောက်လာသောအခါတွင် ပေဖူးလွှာမဂ္ဂဇင်းပိုင်ရှင်အဖြစ် ရင်းနှီးခဲ့သဖြင့် “ဘာလို့ရောက်လာတာလဲဗျာ” ဟု မေးသောအခါ “စစ်ဗိုလ်တွေ မကောင်းပါဘူးဗျာ” ဟု သူက ညည်းညူသည်။ ဦးမြလှိုင်တွင် ဂျပန်မှ ဂျပန်မိတ်ဆွေတဦးထံ၌ ငွေအနည်းငယ်ရှိသည်ဟု ဆိုသည်။ လူဝင်မှုဌာန အကြီးအကဲ ဗိုလ်မှူးသန်းညွန့် ဂျပန်ခရီးထွက်သဖြင့် မိတ်ဆွေကို တွေ့ပြီး ငွေတောင်းခဲ့ပါ။ မည်သည့်ပစ္စည်းဝယ်ခဲ့ပါဟု မှာလိုက်မိ သည် ဆိုပါသည်။
“ဗိုလ်သန်းညွန့် ပြန်လာလို့ ဖုန်းဆက်ခေါ်တော့ နံနက်စောစောမှာ သူ့အိမ်သွားပြီး ပစ္စည်းနဲ့ ငွေကို ယူပါတယ်။ ပြုံးလို့ကြည်လို့ ဆောင်ရွက်ပေးတာကြောင့် ကျေးဇူးတင်စွာနဲ့ ပြန်လာခဲ့တော့ သူ့ရဲ့ဝင်းရှေ့မှာ အသင့်စောင့်နေနှင့် တဲ့ အမ်အိုင်ကောင်က ဆွဲခေါ်လာတာပါပဲ ဆရာရေ” တဲ့။
ထောင်ထဲက အကျဉ်းသားများကို စီးပွားသောင်းကျန်း၊ စာပေသောင်းကျန်း၊ လောင်းကစားသောင်းကျန်း စသည် ဖြင့် သတ်မှတ်ထားကြရာ၌ တင်မောင်တို့၏ အခန်းသို့ ရောက်ရှိလာသူ လူငယ်သစ်တဦးက သူ၏ အမှုအကြောင်းကို မေးကြသောအခါ မည်သို့မှ မပြောဘဲ နှုတ်ပိတ်နေသည်။ ပဟေဠိဖြစ်နေသောကြောင့် သူ၏ အမှုကို စုံစမ်းပေးရန် မိတ်ဆွေများက သတင်းထောက်တယောက်ဖြစ်သော တင်မောင်အား တာဝန်ပေးသဖြင့် အမျိုးမျိုး အဖုံဖုံ စကားလှည့်ပြီး မေးရသည်။ (၃) ရက်ခန့်ကြာတော့မှ သူ၏ အမှုကို သိရပါသည်။
သူ့အမည်က ကိုကြည်မွှေးတဲ့။ ကုန်သည် လူလွတ်တဦး ဖြစ်ပါသည်။ ညတညတွင် ငါ့ဝမ်းပူဆာ မနေသာ သောကြောင့် နာမည်ကျော် ဒေါ်ပု၏ နန်းပြာဿဒ်သို့ သွားခဲ့မိသည် ဆိုပါသည်။ အမျိုးသမီးတဦးကို ရွေးပြီး တညတာ အတွက် ငွေကျပ် (၁၀၀) ပေးပြီး ဆန္ဒမီးကို ငြိမ်းအေးစေခဲ့သည် ဆိုပါသည်။
“ကောင်မလေးက ချောတာမို့ သနားတာနဲ့ ငွေ (၂၀) ဆု ပေးခဲ့ပါတယ်ဗျာ။ အဲဒါကို ငနဲမက ပိုပေးပါဦး အကိုကြီးရယ်လို့ ဇွတ်ကပ်တောင်းနေတာကြောင့် ဟေ့-ဟေ့ (၂၀) ထက် ပိုမပေးနိုင်ဘူး။ ငါက ကုန်သည်ကွ၊ ကုန်သည်။ စစ်ဗိုလ်မဟုတ်ဘူးလို့ ပြောပြီး တွန်းထားခဲ့တယ်။ အိမ်ရောက်လို့ တနာရီတောင် မအိပ်ရသေးဘူး၊ စစ်သားတွေ လာပြီး ဖမ်းတာပါပဲဗျာ” တဲ့။
မလျော်ကန်တဲ့ဒေသမှာ သွားပြီး တပ်မတော်၏ ဂုဏ်သိက္ခာကို ဖျက်မှုကြောင့် ကိုကြည်မွှေးခမျာ အင်းစိန်ထောင် တွင် (၆) နှစ် ခံခဲ့ရရှာပါ၏။ ။

ဟမ်းဘာ့ဂ် နွေဦး

အီစတာပွဲတော်မှာ အလုပ်တွေ ကျောင်းတွေ ပိတ်သည်မို့ ဟမ်းဘာ့ဂ် (ဂျာမနီ) ကိုသွားလည် ဖို့ စီစဉ်ထားခဲ့သည်။ ရထားဖြင့် သွားရမည်မို့ ခလေးနှစ်ယောက်ကလည်း ပျော်နေကြသည်။ တကယ်တမ်း ရထားဖြင့်လာသည့်နေ့မှာ တော့ ဂျာမနီနယ်စပ် မရောက်ခင် လမ်းခုလပ်မှာ ရထားလမ်းတွေ ပြင်နေသောကြောင့် ရထားကုမ္ပဏီမှ စီစဉ်ပေးထားသော ဘတ်စ်ကားများဖြင့် ၂ ကြိမ် ပြောင်းစီးခဲ့ရသည်။ ဒိန်းမတ်ရထားတွေက ဂျာမန်ရထားနှင့် ယှဉ်လျှင် ရထားတွဲတွေ ညံ့ဖျင်းသလို၊ အချိန်ကလည်း မမှန်လှ။ ရထားကလည်းနောက်ကျ၊ လမ်းမှာလည်း ဘတ်စ်ကား ၂ ခါ ပြောင်းစီးရခဲ့ရသဖြင့် နယ်စပ် Padborg ဘူတာမှာ စောင့်နေသည့် ဂျာမန်ရထားကို မှီတယ်ဆိုရုံလေး ဖြစ်ခဲ့ရသည်။ ဂျာမန် နယ်ထဲအရောက် ရထားပေါ်မှာ ရဲနှစ်ယောက်က ပတ်စ်ပို့ လာမေးသည်။ ဒိန်းမတ်ရောက် ဒုက္ခသည်တွေကို ထုတ်ပေးထားသည် Travel document ကို ထုတ်ပြတော့ ကျနော်တို့ နာမည် တွေကို ကြည့်ပြီး သူတို့ အချင်းချင်း ရီနေကြသည်။ ကျနော့် last name က နှစ်လုံးထဲ၊ ပြီးတော့ အဲဒီနှစ်လုံးက တူနေလိုက်သေးသည်။ နာမည်ကို ကြည့်ပြီး ဂျာမန်ရဲက ရီသည်မှာ ဒါနဲ့ပါ ဆိုရင် ဒုတိယအကြိမ် ဖြစ်၏။ လွန်ခဲ့သည့် နှစ်နှစ်လောက်က ဂျာမနီနယ်စပ်ကို ဘတ်စ်ကားဖြင့် ဈေးဝယ်အသွားတုံးကလည်း ပထမအကြိမ် ရဲတွေ ပြုံးစိစိ ဖြစ်ခဲ့ကြသေးသည်။
ဟမ်းဘာ့ဂ် ဘူတာကိုတော့ ရထားက အချိန်မှန် ရောက်ပါသည်။ ဘူတာမှာ လာကြိုနေသူက ကိုဗလကြီးနှင့် ကိုခင်မောင်ဦး တို့ဖြစ်၏။ ကိုခင်မောင်ဦးကားဖြင့် ကျနော်တို့တည်းမည့် ကိုဗလကြီးတို့ အိမ်ကို လိုက်ပို့ပေးသည်။
အီစတာ ပွဲတော်နေ့ မနက် မြို့ထဲလျှောက်လည်တော့ ဟမ်းဘာ့ဂ်မြို့သည် နွေဦး၏ နေရောင်ခြည် အောက်တွင် လှပ၍ နေပါတော့သည်။
ဓါတ်ပုံများ

(၂၈) ထူးဆန်းသော ထိန်းသိမ်းခံများ (ကြေးမုံဦးသောင်း)

တင်မောင်အား ထားရှိသော အင်းစိန်ထောင်၊ အဆောင် (၄) မှာ များစွာ ရှည်လျားကြီးမားသော နှစ်ထပ် အဆောက်အအုံကြီး ဖြစ်သည်။ အကျဉ်းသား (၆၀) ထားသော အခန်းရှည်ကြီး (၄) ခု ရှိသဖြင့် အထက်အောက် အကျဉ်းသား (၄၈၀) ဆန့်သည်။ အခြား သီးသန့်ခန်းများလည်း ရှိသေးသည်။ အခန်း အားလုံး ပြည့်သလောက် ဖြစ်နေလေပြီ။
ထမင်းကျွေးချိန်တွင် ရောနှောကျွေးကြသဖြင့် တခန်းနှင့် တခန်း ဆက်ဆံ ပြောဆိုနိုင်ကြသည်။ အဆောင် ဘေးမှ ကွင်းပြင်မှာ အတူလမ်းလျှောက်၊ အတူရေချိုးကြရသဖြင့် ဘောလီဘော၊ ခြင်းလုံး စသည့် အားကစားပါ ပူးပေါင်း ကစားနိုင်ကြသည်။ နိုင်ငံရေး အကျဉ်းသားများ သာမက ငွေဇင်ယော်ဆီစက် ဦးကြင်၊ ဆပ်ပြာစက်သူဌေး မဒါး ညီအစ်ကို စသော ကုန်သည်များပါ ထားရှိသည်။ အပြင်လောကတွင် အားလုံးလိုလို သိကြေစေကာမူ တင်မောင်အား မည်သူနှင့်မှ စကားမပြောရ၊ ဆက်ဆံမှု မပြုရဟု သီးခြား အမိန့်ပေးထားသည်။ တဘက်ခန်းမှ စိန်ခင်မောင်ရီ၊ ကိုလှထွေးတို့ကို ခိုးဝှက်ဆက်သွယ်ရသည်။ သူတို့က ငှက်ပျောသီးကလေး၊ ထန်းလျက်ကလေး ပေးသည်ကိုပင် လျှို့ဝှက်ပေးကြရသည်။ တနေ့ ရေချိုးခွင့် (၁၅) မိနစ်သာ အပြင်ထွက်ခွင့်ရသည်။ တနှစ်လုံးလုံး အဆောင်ပြင်ကို မထွက်ရဟု ချုပ်ချယ်ထား ခဲ့လေသည်။
မည်သို့ ချုပ်ချယ်ထားစေကာမူ ဖြစ်နိုင်သောနည်းနှင့် ဆက်သွယ်ကြသည်။ ထောင်ထဲတွင် သတင်းစာ ထုတ်နိုင်ကြသည်အထိ အောင်မြင်စွာ ဆက်နိုင်ခဲ့ကြသည်။
နေးရှင်းအယ်ဒီတာ ဦးလောရုံက တဘက်မှာရှိသော အဆောင် (၃) မှာ နေရသည်။ ထောင်သက် အရှည်ဆုံး သတင်းစာဆရာကြီး ဖြစ်သည်။ လှမ်းကာ စကားပြော၍ မကြားနိုင်သဖြင့် လက်ဟန် ခြေဟန်နှင့် ဆက်သွယ်ရသည်။ စာရေးသူ ရောက်သောနေ့က “တောင့်ထားကွ” ဟု လက်မောင်း ကြွက်သားများကို ညှစ်ပြပြီး အားပေးသောကြောင့် အားမာန်တက်ခဲ့ရသည်။ နောက်ပိုင်းမှ အိုးဝေ အယ်ဒီတာ ဦးညိုမြတို့၊ ဂါးဒီးယန်းအယ်ဒီတာ ဦးစိန်ဝင်းတို့ပါ ရောက်လာကြသည်။
ဦးလောရုံအား တယောက်တည်း ချုပ်ထားသဖြင့် ရေဒီယို နားထောင်ခွင့်ပေးသည်။ သူက နေ့စဉ် ဘီဘီစီ သတင်းများကို နားထောင်ပြီး သင်္ကေတစာနှင့် ဖြန့်ချီသည်။ အင်္ဂလိပ်စာလုံးများကို ပြောင်းပြန်ရေးပြီး လက်ဟန်ခြေဟန်နှင့် ရေးပြသည်ကို မှတ်ရဖတ်ရသည်။ သူပို့သည့် နိုင်ငံခြားသတင်းများနှင့် အကျဉ်းသား သစ်တွေထံမှ ရသည့် သတင်းများကိုပါ စာနှင့်ရေးပြီး လက်ရေးသတင်းစာ ထုတ်နိုင်ကြသည်။
ထောင်တွင်းတွင် သင်တန်းအများရှိသည်။ ဘာသာရေးသင်တန်း၊ စာရင်းအင်းသင်တန်း၊ တရုတ် စကားပြောသင်တန်း … စသည်ဖြင့် ရှိကြသည်။ ရဲဘော်သုံးကျိပ်ဝင် ဗိုလ်စင်္ကြာတောခိုသွားစဉ်၌ မဆီမဆိုင် ဗိုလ်စင်္ကြာ၏ သတ္တုတွင်းလုပ်ငန်းမှ ဖမ်းလာသော ဘူမိဗေဒပညာရှင် အင်္ဂလိပ်ကပြား မစ္စတာ ဟာဒင်းက အင်္ဂလိပ်စာသင်ပေးရာ မြန်မာနိုင်ငံရေးသမားအများတို့က သူ့ထံမှ ပညာယူကြသည်။
တင်မောင်သည် ထောင်ထဲရောက်မှ ဗုဒ္ဓအဘိဓမ္မာကို သင်ကြားရာ ဘုန်းကြီးလူထွက် တဦးက အခြားအခန်းမှ လာရောက်သင်ကြားပေးနေသည်ကို ထောင်ကြပ်များက ကျောခိုင်းထားသဖြင့် ကျေးဇူး တင်ရသည်။
တင်မောင်နေရသည့် အခန်းတွင် တရုတ်အမျိုးသား (၄၄) ဦးနှင့် ကုလားကုန်သည်ကြီးများသာ ရှိသည်။ တရုတ် (၄၄) ဦးတို့၏ အမှုမှာ ဆန်းကြယ်သည်။
တော်လှန်ရေးအစိုးရ တက်လာသောအခါတွင် မြင်းပွဲကြီးကို ပိတ်လိုက်ပြီးနောက် လောင်းကစားပွဲများ၊ ဖဲဝိုင်းများကိုလည်း အရေးယူ နှိပ်ကွပ်သည်။ ထိုအချိန်၊ ထိုကာလ၌ သူတို့လူစုကို တရုတ်အသင်းတခုတွင် မာကျောက်ဖဲကစားမှုနှင့် ဖမ်းပြီး ရုံးတင်သောအခါ တရားသူကြီးက ထောင်ဒဏ်တလ ကျခံစေရန် စီရင်ချက်ချခဲ့သည်။ တလတိတိ အလုပ်ကြမ်းနှင့် ပြစ်ဒဏ်ကျခံပြီးမှ မည်သည့်စစ်ဗိုလ်က မည်သို့သော အကြောင်းကြောင့် အမိန့်ပေးသည်ဟု မသိရဘဲ ထိန်းသိမ်းခံ နိုင်ငံရေးသမားများအဖြစ် ရာဇ၀တ်မှု ထောင်ကများ အဆောင်မှ ရွှေ့ပြီး ဤအဆောင်သို့ ပို့လိုက်သည်ဟု သိရသည်။
သူတို့တတွေသည် သူဌေးသူကြွယ်များလည်း မဟုတ်ကြသည်မှာ သေချာသည်။ လက်လုပ်လက်စား ဆင်းရဲသားများသာ ဖြစ်ကြသည်။ တရုတ်အမျိုးသားတို့ ဓလေ့အတိုင်း အသင်းတိုက်တွင် စုရုံးနေခိုက် ရဲတို့က ၀ိုင်းဖမ်းသဖြင့် ရှိသမျှ လူကုန် ပါလာသည်။ တကယ်အမှန် ဖဲကစားနေသူက (၈) ဦးသာ ရှိသည်။ အားလုံးမှာ ဘေးထိုင်ဘေးကြည့်များသာ ဖြစ်ကြသည်။ လောင်းကြေးကလည်း တ၀ိုင်းလုံးတွင်မှ ကျပ်ငွေ (၂၀) သာ မိသည်။ အသင်းဘေးရှိ ခေါက်ဆွဲဆိုင်မှ ခေါက်ဆွဲလာပို့သူ အလုပ်သမားကိုပါ ဆွဲလာသည်။ တယောက်က အနှိပ်သည်၊ အသင်းလာသူများက တမူးတပဲနှင့် အနှိပ်ခံကြရင်းက အချောင် ထောင်ထဲ ရောက်လာရှာ၏။
ထိုအနှိပ်သည်၏ အမည်က ကိုရှင်ကွိ မည်၏။ ကြံကြံဖန်ဖန် တိုက်တိုက်ဆိုင်ဆိုင် ကိုရှင်ကွိ တယောက် ထောင်ထဲရောက်နေနှင့်သည်မှာ အဆောင်ပြင်သို့ ထွက်ကာ လမ်းလျှောက်ခွင့်မရလေသူ အညောင်းသမား တင်မောင်အဖို့ ဧရာမ အထူးအခွင့်အရေးကြီး ရရှိတော့သည်။
ကံကြမ္မာဟူသည်မှာ များစွာ ဆန်းကြယ်၏။ စိတ်ကူးဥာဏ်နှင့် ရေးကြသည့် ၀တ္ထုရေးသူ စာရေးဆရာများ မလိုက်နိုင်လောက်အောင် ဆန်းကြယ်၏။ အကြင် မာကျောက်ကစားမှုနှင့် အဖမ်းခံရသူတို့က နေ့စဉ် နေ့တိုင်း ညည်းညူကြရာတွင် သူတို့အား ထောင်ဒဏ် တလ ကျခံစေဟု စီရင်လိုက်သည့် တရားသူကြီးကို နေ့စဉ်နေ့တိုင်း ဆဲရေးတိုင်းထွာလေ့ရှိကြသည်။
တနေ့တွင် ယင်းသို့ ဆဲရေးနေသူတဦးအား တင်မောင်က တရားပြမိသည်။ “တရားသူကြီးခမျာလည်း လောင်းကစား ဥပဒေအရ စီရင်ချက်ချရတာ ဖြစ်ပါလိမ့်မယ်။ သူ့ကို ဆဲလို့ အကျိုးမရှိပါဘူး။ အခုလို ဖက်ဆစ်ခေတ်ကြီးမှာ သူလည်းပဲ ခင်ဗျားတို့လို ထောင်ထဲ ရောက်လာနိုင်တာမို့ မေတ္တာပို့ကြပါ” ဟု ပြောရသည်။
တရားချနေခိုက် ပါးစပ်မပိတ်ရခင် ကလေးတွင်ပင် အကျဉ်းသားသစ် (၂) ဦးကို အဆောင်ထဲသို့ ပို့လာသည်။ တဦးက မာကျောက်လောင်းကစားသူများကို ထောင်ဒဏ်အပြစ်ပေး စီရင်ခဲ့သော တရား သူကြီး ဦးစောလှထွေး ကိုယ်တိုင် ဖြစ်နေရှာသည်။ မဦးမချွတ် နိမိတ်ဖတ်ပြီး ပြောမိသည်ကို စိတ်မကောင်း ဖြစ်ရသည်။ တင်မောင်က မပြောစေကာမူလည်း ထောင်ကံဇာတာ ပါသူ ဖြစ်ရှာသည်။ ကရင်အမျိုးသား တရားသူကြီး ဦးစောလှထွေးသည် နိုင်ငံရေးကို စိတ်ဝင်စားသူ မဟုတ်ပါဘဲနှင့် အကြောင်းစုံကို မသိသော မိတ်ဆွေဟောင်းတဦး အိမ်သို့ လာရောက်တည်းခိုသည်ကို လက်ခံမိသော ကြောင့် ထောင်ထဲရောက်လာရရှာသည်။ (၄) နှစ်ခန့် ခံရရှာသည်။
မာကျောက်တရုတ်များက တရားသူကြီးကို မကျေနိုင်၊ မချမ်းနိုင် ဆူပွက်ရန် ထောင်ကြသည်ကို အကြိမ် ကြိမ် တရားချရသည်။ နောက်ရက်အနည်းငယ် ကြာလာမှ တရားသူကြီးနှင့် သူတို့တတွေသည် ဘ၀တူ၊ ညှဉ်းဆဲခံများ ဖြစ်ကြသည်ကို နားလည်လာကြသည်။ မုန့်ပဲ သရေစာများ ဝေမျှ ကျွေးကြရှာသည်အထိ ခင်မင်ရင်းနှီးလာကြသည်။ ဤကဲ့သို့ ဆန်းကြယ်သည့် အဖြစ်အပျက်မျိုးကို ၀တ္ထုများထဲတွင် မတွေ့နိုင်ပါ။ မြန်မာပြည် စစ်အစိုးရခေတ်မှာသာ ဖြစ်နိုင်သော ဖြစ်ရပ်ပါပေ။
မာကျောက်ကစားဝိုင်းတွင် ထိုင်မိရုံနှင့် နှစ်ရှည်လများ ထိန်းသိမ်းခံရသော သူတို့၏ဘ၀ကို မြင်သိရသဖြင့် ဆွေမတော်မျိုးမတော် သူတို့အတွက် များစွာ စိတ်ထိခိုက်ခဲ့ရသည်။ မခံချိ မခံသာ နာကြည်းခဲ့ရသည်။ တင်မောင်အဖို့ အခြားကစားဝိုင်းကြီးတွေကို မြင်တွေ့သိရှိနေသူ ဖြစ်တာကြောင့် မတရားလွန်းသည်ကို သိနေသဖြင့် များစွာ ဇာတ်နာတဲ့ ဖြစ်ရပ်ကို မြင်တွေ့နေရသည်။
ဗိုလ်ချုပ်ကြီးနေ၀င်း၏ ညီအရင်းဖြစ်သူ ဦးသိန်းညွှန့် ခေါ် ဦးညီလေး သည် ရန်ကုန်မြို့၊ ဖိုးစိန်လမ်းရှိ တင်မောင်၏ ခြံချင်းကပ်နေသည့် မြေကွက်ကို ၀ယ်ယူပြောင်းရွှေ့လာသော အိမ်နီးချင်းဖြစ်သည်။ အစ်ကို၏ အရှိန်နှင့် သွင်းကုန်လိုင်စင်လျှောက်ကာ လိုင်စင်ရောင်းစားသည့် ကုန်သည်ဖြစ်သည်။ တဘက်မှ ဖဲဒိုင်ခံစားသူ ဖြစ်၏။
တော်လှန်ရေးအစိုးရတက်လာပြီးနောက် ကစားဝိုင်းအများကို ဖမ်းဆီးချိန်မှ စတင်ပြီး သူ၏ ဖဲဝိုင်းက ကြီးမားလာသည်။ ဖဲကစားသူကို ဟိုတယ်ထမင်းကျွေးပြီး ဖဲကောက်ယူသည့် မျက်နှာကြီး၊ ကြေးကြီးဒိုင် ကြီး ဖြစ်လာပြီး တိုက်တည်သည်။ သာမာန်ရဲများ မဆိုထားဘိ၊ စစ်စုံထောက်များပင် မလာဝံ့ကြသည့် သူ၏ ဖဲဝိုင်းမှာ ပုန်းလျှိုးကွယ်လျှိုးဝိုင်းမဟုတ်၊ ကားကြီးကားငယ် စည်ကားစွာ၊ ထင်လင်းစွာ ဖွင့်ထားသည် ကို မျက်မြင်ကိုယ်တွေ့ သိရှိခဲ့သည်။
ထိုပြင် အိုးဝေဦးညိုမြနှင့်အတူ ဗိုလ်ချုပ်ကြီးနေ၀င်း၏ အစ်ကိုအရင်း သခင်လှထွန်း၏ ခြံကိုလည်း ရောက်ဖူးသည်။ ကြေးကြီးအကောက်ယူသော ဖဲဝိုင်းကြီး ကျင်းပနေသည်။ သူသည်လည်း ဖဲဒိုင်ခံစားသူ ဖြစ်သည်။
ထိုမျှမကသေး၊ ရှိပါသေးသည်။ ဗိုလ်ချုပ်ကြီးနေ၀င်း၏ ဇနီးဟောင်း ဒေါ်တင်တင်ကလည်း ဖဲဒိုင်ခံစားသည်။ ဒေါ်တင်တင်က ပထမ ရန်ကုန် - မော်လမြိုင် မီးရထားလမ်းမှ ထိုင်းနယ်စပ်သို့ ရွှေပို့လို သူများ၊ မှောင်ခိုကုန်သွင်းလိုသော သူများတို့ကို ရွှေသယ် ကုန်သယ် အငှားလိုက်သည်။ စစ်စုံထောက်များ မဖမ်းရဲသည့် ဒေါ်တင်တင်အား မှောင်ခို ကျောက်ကုန်သည်များက အသုံးပြုကြသည်။ နောက်ပိုင်းတွင် ကန်တော်ကြီးစောင်းက တိုက်ကြီးတခုတွင် ဖဲဒိုင်ဖွင့်သည်။ သခင်လှထွန်းနှင့် ဒေါ်တင်တင်ကို ဖဲဝိုင်းထောင်မှုနှင့် ဖမ်းစဉ်က အကျယ်ချုပ် စစ်စုံထောက်ထောင်တွင် ထားပြီး စထရင်းဟိုတယ်က ထမင်း ဟင်း ၀ယ်ပေးရသည်ဟု သိရသည်။
နောက်ပိုင်း ပြန်လွှတ်ပေးပြန်တော့လည်း ဒေါ်တင်တင်က ဖဲဝိုင်းထောင်ပြန်သည်။ ဒေါ်တင်တင်၏ ဖဲဒိုင်ကို အရေးမယူနိုင်သောအခါ စစ်စုံထောက်များက ဖဲကစားသူများကို အရေးယူသည်။ သူတို့က ဖဲရိုက် လာသူများကို ဓာတ်ပုံခိုးရိုက်ကြသည်။ အစိုးရအရာရှိများ ဖြစ်ပါက သက်ဆိုင်ရာ အထက်အရာရှိထံ တင်ပြ ပြီးနောက် ထပ်မသွားပါနှင့်၊ သွားပါလျှင် အလုပ်ဖြုတ်မည်ဟု ခေါ်ပြီး ခြိမ်းခြောက်သည်။ သို့ပင် သော်ငြားလည်း နယ်မှ ကစားသမားများပါ ရန်ကုန်သို့ တက်လာကြသဖြင့် အဓိကရ ၀ိုင်းကြီးမှာ စည်ကား မြဲ စည်ကားသည်။ “ပန်းပန်လျက်ပါ” ဖဲဝိုင်းကြီးဖြစ်၏။
ဤကဲ့သို့ ဗမာ့တပ်မတော် သေနာပတိကြီး တော်လှန်ရေးကောင်စီ ဥက္ကဌကြီး ဗိုလ်ချုပ်ကြီးနေ၀င်း၏ ဆွေတော် ရှစ်သောင်း မျိုးတော်ကောင်းတို့က များစွာ အောက်တန်းကျသော၊ ယုတ်မာသော လောင်းကစားဝိုင်း ဒိုင်လုပ်ငန်းနှင့် ချမ်းသာကြွယ်ဝနေကြပါလျက် တမူးတပဲ ဖဲဝိုင်းကစားမိသူတို့ကို ရက်ရှည်လများ ထောင်ဒဏ်ခတ်သည်။ (၈) နှစ်တိုင်တိုင် ချုပ်နှောင်ထားသည်ကို သိရသော စာရေးသူ အဖို့ ဆွေမတော် မျိုးမစပ်စေကာမူ မခံမရပ်နိုင်အောင် စိတ်ထိခိုက်ခဲ့ရသည်။
ရင်လုံးပြည့်၊ ရင်ဘတ်တခုလုံး ပြည့်အောင် စိတ်ထိခိုက်ခဲ့ရသည်။ ။

ကောင်းမှုတခု နေ့စဉ်ပြု

ကျနော်တို့ အာရှဖက်ကနိုင်ငံတွေဖြစ်တဲ့ ထိုင်း၊ မလေးရှား စတဲ့ နိုင်ငံတွေမှာ ကုန်တိုက်တွေမှာ ဈေးဝယ်ရင် ပစ္စည်းတွေကို အရံသင့် သယ်သွားလို့ရအောင် အလကားပေးတဲ့ ပလပ်စတစ်အိတ်တွေထဲ ဆိုင်က ထည့်ပေးလိုက်တာမျိုး ဒိန်းမတ်မှာ မရှိပါဘူး။ ဒိန်းမတ်က စူပါမားကတ်တွေမှာ ဈေးဝယ်ရင် ပလပ်စတစ်အိတ်ကို ၀ယ်ယူရပြီး ပစ္စည်းတွေကိုလည်း ကိုယ့်ဖာသာကိုယ် ထည့်ရပါတယ်။ ၀ယ်ထားတဲ့ အိတ်ကိုလည်း လွှင့်မပစ်ပဲ သိမ်းထားပြီး နောက်အခေါက်တွေ ဈေးဝယ်သွားတဲ့အခါ ပြန်ယူသွားမှ ဈေးဝယ်တိုင်း အိတ်အသစ်ဝယ်မနေရမှာ ဖြစ်ပါတယ်။ ဒါကလည်း ပတ်ဝန်းကျင်ထိန်းသိမ်းတဲ့အနေနဲ့ ဥပဒေ ပြဌာန်းထားပုံရပါတယ်။ ချွင်းချက်အနေနဲ့ ဒိန်းမတ်က အာရှပစ္စည်းရောင်းတဲ့ဆိုင်တွေကတော့ အခမဲ့ ပလပ်စတစ်အိတ်တွေနဲ့ ထည့်ပေးကြတာ တွေ့ရတယ်။
ဒိန်းမတ်မှာ ကိုကာကိုလာ၊ ပက်ဆီ စတဲ့ အအေးဘူးခွံတွေက တခါသုံးမဟုတ်ပဲ ဆိုင်ကို ပြန်သွင်းရပါတယ်။ မားကတ်မှာ အအေးဘူးဝယ်ကတည်းက ပုလင်းပေါင် ယူထားလိုက်တာပါ။ ပုလင်းပြန်သွင်းတဲ့အခါမှ ငွေပြန်ရပါတယ်။ ဒါပေမယ့် ဂျာမနီနယ်စပ်က ၀ယ်လာတဲ့ အအေးပုလင်းတွေကိုတော့ ပြန်သွင်းလို့ မရပါဘူး။ ဂျာမနီနယ်စပ်က ဈေးလျော့ရောင်းလို့ ၀ယ်လာတဲ့ အအေးပုလင်းတွေနဲ့ အချိုရည်ဘူးတွေဟာ Recycle လုပ်လို့ မရလေတော့ စည်းကမ်းတကျ အမှိုက်မပစ်တဲ့အခါ ပတ်ဝန်းကျင်ညစ်ညမ်းမှုကို ဖြစ်စေတယ်လို့ ဝေဖန်သံတွေ ကြားနေရပါပြီ။
အခုနောက်ပိုင်းမှာတော့ စူပါမားကတ်က ပုလင်းပြန်သွင်းတဲ့နေရာမှာ ခလုတ်တခု အပိုတတ်ထားတာ တွေ့လာရပါတယ်။ ပုလင်းအခွံပြန်သွင်းတဲ့ငွေကို UNICEF ခေါ် ကမ္ဘာ့ခလေးများ ရံပုံငွေအဖွဲ့အတွက် လှူဒါန်းလိုက် ဖို့အတွက် စီစဉ်ပေးထားတာပါ။ ကောင်းမှုကုသိုလ်တခုကို လွယ်လွယ်နဲ့ ပြုလို့ရအောင် စီမံထားတာလေးကို တွေ့ရလို့ နတ်လူ သာဓု ခေါ်နိုင်ဖို့ ရေးသားတင်ပြလိုက်ပါတယ်။



ဓါတ်ပုံ (အပေါ်ပုံ) ပုလင်းခွံသွင်းသည့်နေရာ၊ (အောက်ပုံ) ပုလင်းခွံလက်ခံသည့်စက်