(၃၂) ရက်စက်ပါပေ့ကွယ် (ကြေးမုံဦးသောင်း)

အိန္ဒိယပြည်တွင်သာမက ကမ္ဘာ့သမိုင်းမှာပါ နေသို့ လသို့ ထင်ရှားခဲ့သည့် အသောကမင်းကြီး၏ ရာဇ၀င်ထဲတွင် မပါခဲ့သော သမိုင်း၏အပြင်ဘက်မှ ပုံပြင်ကလေးတခု ဖတ်ဖူးခဲ့သည်။
ဘုရင်ကြီးနန်းတက်စကာလက စစ်တိုက်ပြီး တက်ခဲ့ရသဖြင့် ရန်သူများကို ဒဏ်ခတ်ရန် များစွာ ဆိုးသွမ်းရက်စက် သော အကျဉ်းထောင်ကြီးတခု ရှိခဲ့ရသည်။ ထောင်ကျသူ မှန်သမျှ အရှင်မထွက်ရဘဲ သေသည်အထိ ညှဉ်းဆဲသည် ဟု ဆိုသည်။ တနေ့တွင် အကျင့်သီလ ပြည့်စုံသော ဗုဒ္ဓဘာသာ ရဟန်းတပါးထောင်ထဲရောက်လာသည်။ ထိုအခါ ထောင်အမှုထမ်းများက ပြုမြဲအတိုင်း ညှဉ်းဆဲကြသည်။
သံဃာတော်အား မည်သို့ ညှဉ်းဆဲစေကာမူ ပိန်းကြာရွက်ပေါ်တွင် ရေမတင်သကဲ့သို့ ဘေးမရှိ ရန်မရှိ ကြည်လင် နေသည်ကို တွေ့ကြရသည်။ မီးပုံထဲ ချ၍ မသေ၊ ရေနွေးအိုးကြီးထဲ တည့်စေကာမူ မပန်းသည့် ဖြစ်ရပ်ကို သတင်းပို့ ကြသောကြောင့် ဘုရင်ကြီးကိုယ်တော်တိုင် ထောင်ထဲဝင်ပြီး ဘုန်းတော်ကြီးကို ဖူးမြော်သည်ဆို၏။
အံ့မခန်းတန်ခိုးကြီးသော သံဃာတော်၏ တရားကို နာယူပြီးနောက် ဆရာတော်ကို လွှတ်စေဟု အမိန့်ချပြီး ဘုရင်ကြီးထောင်မှ ထွက်တော်မူရန် ပြင်ဆင်သောအခါတွင် ထောင်မှူးက “ဒီထောင်တွင်းဝင်လာသူမှန်သမျှ အရှင် ထွက်ခွင့်မပြုရလို့ ဘုရင် အမိန့်တော်ရှိပါတယ်” ဟု ဆိုကာ ဘုရင်ကြီးကို တားဆီးသည် ဆိုသည်။ ထိုအခါ ဘုရင်ကြီးက အခြား ထောင်မှုထမ်းများကို ဆင့်ခေါ်ပြီး “ဟောဒီ ထောင်မှူးကို ဟောဟို မီးပုံကြီးထဲ ထည့်လိုက်ကြ ဟေ့” ဟု အမိန့်သစ်ပေးပြီး ထွက်လာခဲ့ရလေသည်။ “ထောင်ကြီးကိုလည်း ဖျက်စေ” ဟု အမိန့်ပေးခဲ့သည်။ ထိုနေ့မှ စတင်ပြီး သာသနာပြု မင်းကောင်းမင်းမြတ်တပါး ဖြစ်လာသည်ဟု ဖတ်ရှုရသည်။
ထောင်ဟူသည်မှာ ရန်သူနှင့် ရာဇ၀တ်သားများကို ညှဉ်းပန်းနှိပ်စက်သော ဒေသဖြစ်သည်။ မြန်မာနိုင်ငံကို အင်္ဂလိပ် များ သိမ်းပိုက်စကာလတွင် အင်းစိန်ထောင်ကြီး ဆောက်လုပ်စဉ်က အင်္ဂလန်တွင် အကျဉ်းထောင် ပြုပြင်ရေး လှုပ်ရှားမှုများ အကြိမ်ကြိမ်ပြုခဲ့ပြီ ဖြစ်သောကြောင့် အသင့်အတင့် ကောင်းမွန်အောင် ဆောက်လုပ်ထားလေသည်။
လေ၀င်လေထွက်ကောင်းစေရန် အကျဉ်းသားများ ကျန်းမာရေး မထိခိုက်စေရန် ဆောက်လုပ်ထားခဲ့သည်။ အကျဉ်းသားများကို လူစဉ်မီအောင် ထားရှိသည်။ ‘ရှေးခေတ်က သျှောင်ကြီးဗွေ အကျဉ်းသားများအတွက် အုန်းဆီ ပုံစံပေးရမည်ဆိုသော ဥပဒေရှိသည်’။ တင်မောင်တို့ ထောင်ထဲရောက်သော ၁၉၆၅ ခုနှစ်အထိ အုန်းဆီပေးနေ သေးသည်။ ဆပ်ပြာမှ စပြီး အစစပေးသည်။ ကျန်းမာရေးအတွက် ဆရာဝန်များ ထားရှိပေးသည်။
အင်းစိန်ထောင်အတွက် ဆရာဝန်တဦး ပေးထားသော်လည်း အကျဉ်းသားဦးရေက များပြားလွန်းသောကြောင့် တကြောင်း၊ ဆရာဝန်ကိုယ်တိုင် စေတနာ ခေါင်းပါးသောကြောင့် တကြောင်း အကျဉ်းသားများအဖို့ နာမကျန်း ဖြစ်လျှင် မလွယ်ကြပါ။
ဆရာဝန်က တပတ်တကြိမ် အဆောင်သို့လာသည်။ အကျဉ်းသား (၆၀) တို့ အနက် (၄) ဦးခန့်ကိုသာ ကြည့်နိုင် သည်။ ဆရာဝန်ပြသခွင့်ကို အချင်းချင်း ညှိနှိုင်းပြီး တကယ်ဝေဒနာရှိသူကို ရွေးကြရသည်။ ဆရာဝန်က ကြည့်ခွင့် ရစေကာမူ ၀တ်ကျေဝတ်ကုန်သာ ကြည့်လေ့ရှိသည်။ တခါက ခြေထောက်နာသောကြောင့် ဆရာဝန်ပြခဲ့သည့် လူနာကို ဤတချီ၌ ခေါင်းနာပါသည်ဟု ပြောပြသော်လည်း ဆရာဝန်က Repeat all ယခင်က ပေးသောဆေးကို ဆက်လက်ပေးစေဟုသာ ဆေးစာလွယ်လွယ် ရေးပေးလေ့ရှိသည်။ ရောဂါပြင်းလွန်းသည့် လူနာများကိုသာ ထောင်ဆေးရုံသို့ တင်ရသည်။
ကျန်းမာရေး ဒေါင်ဒေါင်မြည်သည့် တင်မောင်ကိုမူ အထူးအခွင့်အရေးအဖြစ် လူမမာစာကျွေးစေဟု အထူးဆေး လက်မှတ်ရရှိခဲ့သည်။ ထိုဆေးလက်မှတ်မျိုးကို ထောင်သို့ ရောက်လာသော စစ်ဗိုလ်မှန်သမျှတို့ကို ပေးလေ့ရှိသည်။ စစ်အစိုးရတို့၏ မူလမ်းစဉ်ဖြစ်သော မတရားမှုသည် ထောင်ထဲတွင် ပိုမို ကြီးထွားသည်။ ထောင်တွင်းတွင် မည်သည့်အရာမှ မကောင်း။
ကိုလိုနီခေတ်က အကျဉ်းထောင်စနစ်ဆိုးရွားပုံကို ဖွဲ့ဆိုခဲ့သော ‘ရက်စက်ပါပေ့ကွယ်’ ၀တ္ထုကြီးသည် ‘စာရေးဆရာ သခင်နု’ ၏ အကောင်းဆုံးလက်ရာ ဖြစ်၏။ စာရေးဆရာ ၀န်ကြီးချူပ်ဖြစ်လာသောအခါတွင် မြန်မာနိုင်ငံ အကျဉ်းထောင်ပြုပြင်ရေးကို ဆောင်ရွက်ခဲ့ပ့ါသည်။ အကျဉ်းထောင် ပြုပြင်ရေး စတင်လုပ်ဆောင်ခိုက်တွင် ၁၉၅၈ ခုနှစ်၊ အိမ်စောင့်အစိုးရ တက်လာသောခေတ်တွင် ရပ်ဆိုင်းသွားပြီး အကျဉ်းထောင်များမှ နှိပ်စက်မှုများ ပိုမိုဆိုးရွား လာသည်။ ကိုကိုးကျွန်းနှင့် ပုသိမ်ကျွန်းတွင် အကျဉ်းထောင်ကြီးများ လုပ်ပြီး စစ်အစိုးရအား ဆန့်ကျင်သူ နိုင်ငံရေး ခေါင်းဆောင်များကို လွန်လွန်ကျူးကျူး နှိပ်စက်ခဲ့လေသည်။
ရက်စက်ပါပေ့ကွယ် ၀တ္ထုအပြင် ‘ထောင်အရသာ’ အမည်နှင့် စာအုပ်တအုပ် ထွက်ခဲ့သေးသည်။ ‘လူထုဦးလှ’ ၏ ‘ထောင်နှင့်လူသား’ စာအုပ်နှင့် ‘ထောင်မှတ်တမ်းများ’ သည်လည်း သမိုင်းဝင်စာပေအဖြစ် ကျန်ရစ်ခဲ့သည်။ စစ်အစိုးရ ဆက်တိုက်တက်နေသဖြင့် ကိုကိုးကျွန်းထောင်စာပေ နည်းပါးနေပါသည်။
ထောင်အကြောင်း၊ ထောင်သတင်းကြားလေတိုင်း တင်မောင်၏စိတ်သည် တုန်လှုပ်ချောက်ချားလေ့ ရှိပါသည်။ အကြောင်းမှာ တင်မောင်၏ နဂိုဗီဇဉာဉ် ထောင်ကို ကြောက်တတ်သူဖြစ်နေသည်။ ထောင်ကို ကြောက်သည်ဟု ဆိုသည်နှင့် သတ္တိနည်းသည် မဆိုသင့်ပါပေ။ ထောင်ကို ကြောက်စေကာမူ စစ်အစိုးရများ ဓားမိုးနေသောခေတ် တွင် ထောင်နှုတ်ခမ်းပေါ် လျှောက်ပြေးနေရသည့် စာပေ၀န်ထမ်းလုပ်ငန်းကို စွန့်လွှတ်ခြင်း မပြုခဲ့ပါ။ အရေးအသား ဆန့်ကျင်လျော့ပေ့ါ ရေးသားသည် ရှိစေကာမူ ထောင်ကို ကြောက်သောကြောင့် စစ်အစိုးရ ဖက်ဆစ်စနစ်ကို ထောက်ခံရေးသားမှု မပြုခဲ့။
တင်မောင် ကြောက်အားပိုပုံမှာ တဘာသာဖြစ်သည်။ လူသားတို့တွင် ကြောက်လန့်သော အရာတခု ရှိတတ်သည်။ အချို့က အမြင့်တက်ရန် ကြောက်သည်။ တချို့က ရေကို ကြောက်၏။ စက်ဘီးစီးရန် ကြောက်သူ၊ လေယာဉ်ပျံ စီးရန် ကြောက်သူ … စသည်ဖြင့် ရှိတတ်သည်။ တင်မောင်ကြောက်ရွံ့သည်မှာ ပိတ်ပင်ချုပ်ချယ်မှု ဖြစ်သည်။ ငယ်စဉ်ကစပြီး ခေါင်းမြီးခြုံကာ မအိပ်ဝံ့သူဖြစ်သည်။ ပိတ်ခြင်ထောင်ကို ကြောက်သည်။ အလုံပိတ်ထားသည့် အခန်းကို ကြောက်သည်။ ချုပ်နှောင်ပိတ်ပင်ထားလျှင် မွန်းတတ်သည်။ အသက်ရှုကျပ်သည်။
၁၉၅၈ ခုနှစ်က ဟံသာဝတီ ဦးပေါ်ဦး၊ မန်းသူရိယ ဦးသန်းမောင်နှင့်အတူ သတင်းစာ လေ့လာရေးအဖွဲ့အဖြစ် ဘိလပ်သွားခဲ့သည်။ အိမ်ရှင်များက ရေတပ်သား (၅)ဦးသာ စီးနင်းနိုင်သော နောက်ဆုံးပေါ် ရေငုပ်သင်္ဘောကို ပြသသောအခါ အမှတ်တမဲ့ ရှေ့ဆုံးမှ ၀င်ကြည့်မိသည်။ အထဲရောက်မှ နောက်သို့ ပြန်လှည့်ကြည့်လိုက်သည့် အခါ၌ ပြသသူ ဧည့်ကြိုနှင့် မိမိတို့အဖွဲ့ဝင် သုံးယောက်က ပိတ်နေသည်ကို မြင်တွေ့ရသဖြင့် ချွေးစီးပြန်လာပြီး အသက်ရှုရပ်သွားသည်။ “လုပ်ကြပါဦး၊ ကျနော်မူးနေပြီ၊ ခင်ဗျားတို့ထွက်ပေးပါ။ ကျနော် ထွက်ပါရစေ” ဟု အော်ဟစ်မိသည်။ ပြသသူရော အဖွဲ့ဝင်များပါ နားမလည်နိုင်ဘဲ ထွက်ပေးကြမှ တင်မောင် ထွက်လာနိုင်သည်။ အသက်ပြန်ရှုနိုင်သည်။
၁၉၆၁ ခုနှစ်က ၀န်ကြီးချုပ်ဦးနု အီဂျစ်ပြည်သို့ ခရီးထွက်စဉ်က တင်မောင်သည် အဖွဲ့ဝင် တဦးအဖြစ် လိုက်ပါခဲ့ရသည်။ တနေ့တွင် ကြီးမားသော သုံးချွန်းထောင့် ပိရမစ်သင်္ချိုင်းဂူကြီးတခုသို့ သွားရောက်ကြည့်ကြသော အခါ ဧည့်သည်တော် မြန်မာဝန်ကြီးချုပ်ကို သာမန်ခရီးသည်များ မ၀င်ရသည့် ဂူတွင်းသို့ ၀င်ရောက် ကြည့်ရှုရန် ပြသသည်။
မြန်မာအဖွဲ့ဝင်ရော အိမ်ရှင်တွေပါ လူသုံးဆယ်ခန့် တန်းစီပြီး ဂူတွင်းသို့ ၀င်ကြသည်။ စောစောက ဂူပေါက်တွင် ဓာတ်ပုံရိုက်နေသည့် တင်မောင်မှာ ရှေ့ဆုံးမှ ရောက်နေသည်။ ပေနှစ်ဆယ်ခန့် ဂူတွင်းဝင်မိလျှင် ဂူလိုဏ်လမ်း ကြောင်းမှာ ပိုမိုကျဉ်းမြောင်းသွားသည်ကို တွေ့ရသည်။
ရှေ့သို့ လှမ်းကြည့်သောအခါ လျှပ်စစ်မီးထွန်းထားသည့် ဂူလမ်းက ပိုမိုကျဉ်းသည်ကို မြင်ရသည်။ နောက်သို့ ပြန်ကြည့်သောအခါ ငါးပေခန့်အကွာမှ ဦးနုလိုက်လာသည်ကိုသာ မြင်ရကာ သူ၏ နောက်မှ အခြားအဖွဲ့ဝင်များက ဂူဝကို ပိတ်နေသည်ကို တွေ့ရသည်။ ဤတွင် တင်မောင်၏ အကြောက်ရောဂါ ထလာသည်။ ကြောက်စိတ်မွှန် လာပြီး ဇောချွေးပြန်လာသည်။ တပ်ဦးက ချီခဲ့သည့် တင်မောင်က စိတ်မထိန်းနိုင်ဘဲ ၀ရုန်းသုန်းကား ပြန်လှည့်ပြီး ၀န်ကြီးချုပ်ရော၊ အဖွဲ့ဝင်တွေကိုပါ တိုးဝှေ့ကာ ထွက်ပြေးသောကြောင့် ပွဲပျက်ခဲ့ရဖူးသည်။
‘ကျဉ်းကျပ်မှုကို ကြောက်သော စိတ်ရောဂါ’ ဟု ဆရာဝန်တဦးက ဆိုသည်။ ယခင်ဘ၀က မသေမီ ဂူပိတ်ခံရပြီးမှ သေခဲ့ဟန်တူသည်ဟု အချို့က မှတ်ချက်ချသည်။ မည်သည့် အကြောင်းကြောင့် ဖြစ်စေ တင်မောင်သည် ပိတ်ဆို့မှု ကို ကြောက်သည်။ ရုပ်ရှင်ကြည့်တိုင်း မီးနီကလေး ပြထားသော ထွက်ပေါက်ကို သတိထားလေ့ရှိသည်။
ထိုကဲ့သို့ တံခါးအပိတ်ခံရသည်ကို ကြောက်လန့်သူ တင်မောင်မှာ ထောင်တွင်းသို့ရောက်သောအခါ ကျယ်ဝန်းသည့် အခန်းကြီးမှာ နေရစေကာမူ ပိတ်လှောင်ထားခြင်းခံနေရသည် ဟူသော အသိကို သတိရမိတိုင်း အသက်ရှုမှား မိသည်။ ထောင်မှူးများက သံသော့ကြီးများကို ကောင်းစွာ ခတ်မခတ် ဂျိုင်းကနဲ ရိုက်ကာ စစ်ဆေးလေတိုင်း အသက်ရှုမှားရသဖြင့် ကြီးစွာ စိတ်ဆင်းရဲရသည်။ ဘိန်းစားခြင်းအတူတူ တမူးသားပိုရှုသည် မဟုတ်ပါ။ ‘ကြောက်ပါ တယ်ဆို ကြောင်ကလေးနဲ့ အတို့ခံရသူ’ ဖြစ်ပါသည်။
တင်မောင်အဖို့ ထောင်ချခံနေရသည်က အခြားသူတွေထက် ပိုပြီး ‘နာ’ ပါသည်ဟု ဆိုရပေမယ့် ထောင်ထဲတွင် စစ်အစိုးရက ချမှတ်ထားသည့် စည်းကမ်းဥပဒေများကို ချိုးဖျက်ရသည့် အရသာက ထူးကဲကြီးမားသည်။ စကား မပြောရဟု ပိတ်ပင်ထားသူနှင့် စကားပြောရခြင်း၊ မင်၊ ဖောင်တိန်၊ စက္ကူမကိုင်ရ၊ စာရွက်စာတမ်း ရေးသားဝေငှ သည်ကို တွေ့ရလျှင် တိုက်ပိတ်မည်ဟု ဆိုနေသည့်အကြားမှ သတင်းစာထုတ်ရခြင်း စသည်တို့မှာ သင်တုန်းဓား ပေါ်တွင် လူးထားသော ပျားရည်ကို လျက်ရသကဲ့သို့ အသည်းတလှပ်လှပ်ဖိုကာ အရသာထူးသည်။ ထိုကြောင့် ထောင်ထဲ၌ ပျော်သယောင်ယောင် ဖြစ်လာတော့သည်။ ။

သန်းရွှေ၊ ကြိုင်ကြိုင် တော်လောက်ပြီ

မြန်မာနိုင်ငံက သမိုင်းဝင် ရှစ်လေးလုံးအရေးအခင်းကြီး စတင်ကာနီးအချိန်မှာ ထူးခြားတာလေးတခု ပေါ်လာတာကို ကျနော် မှတ်မိနေပါသေးသည်။ ကျနော်နေသည့် နယ်မြို့လေးတခုက အထက်တန်း ကျောင်းသားလေးတွေ မဆလအစိုးရ ဆန့်ကျင်ရေး ဆန္ဒပြသည့် ကားပေါ်မှာ တင်လာသည့် စာတန်း တခု ဖြစ်သည်။ ထိုစာတန်းမှာ ရေးထားသည်က “လမ်းစဉ်ပါတီ တော်ပါပြီ” ဟူ၍ ဖြစ်၏။
ထို့နောက် လျှင်မြန်လှသော အရှိန်အဟုန်ဖြင့် ကျောင်းသားများဦးဆောင်သည့် လူထုလှုပ်ရှားမှုများ ပေါ်ပေါက်လာကာ လှည်းနေလှေအောင်း မြင်းဇောင်းမကျန် လူထုကြီး ဆန္ဒပြကြသဖြင့် တိုင်းပြည်ကို ၂၆ နှစ်ကြာ တလွှဲ အုပ်ချုပ်လာသော အာဏာရှင်ဦးနေ၀င်း၏ မဆလ အစိုးရ ပြုတ်ကျခဲ့ရသည်။
ယခုလည်း လူထုကို ဖိနှိပ်လျှက် ပျဉ်းမနားတွင် စစ်မင်းနေပြည်တော် ထူထောင်နေသော စစ်အာဏာရှင်တို့သည် ပြည်သူတို့၏ အလင်းရောင်၊ ကမ္ဘာကပင် လေးစားရသော လူထု ခေါင်းဆောင် ဒေါ်အောင်ဆန်းစုကြည်ကို အလိမ်ညာ မုသားများဖြင့် အင်းစိန်ထောင်သို့ ပို့ရန် စီစဉ်နေလေပြီ။
လူထု လှုပ်ရှားမှု အစပျိုးသည့် မီးပွားသည် မည်သည့်နေရာတွင် မည်ကဲ့သို့ ပေါ်လာမည်ကို ကြိုတင်ခန့် မှန်းရန် ခက်ခဲသော်လည်း လူထုအနေဖြင့် “သန်းရွှေ၊ ကြိုင်ကြိုင် တော်လောက်ပြီ” ဟု ဆုံးဖြတ်လိုက်ပါက မကြာခင် ပေါ်ပေါက်လာမည့် လူထုအုံကြွမှု အထွေထွေသပိတ်ကြီးသည် မြန်မာ့သမိုင်းတွင် စာမျက်နှာ သစ်ဖွင့်ရန် အဆင့်သင့် ဖြစ်နေလောက်ပြီဟု ထင်မြင်မိပါသည်။ ။

(၃၁) နင်လားဟဲ့ နေ၀င်း (ကြေးမုံဦးသောင်း)

‘အရှင့်အာဏာ ကျေးကျွန်၌ တည်စေရမည်’ ဟု ဆိုရိုးရှိသည်။ အာဏာစက်ပြင်းသော ဖက်ဆစ်တို့ ခေတ်တွင် ပိုမို အာဏာတည်ရသည်။ အင်းစိန်ထောင်အဖို့ ဖက်ဆစ်အစိုးရ၏ အရေးပါဆုံးသော ဖိနှိပ်မှု စက်ကိရိယာကြီး ဖြစ်လေရာ အာဏာစက် အဆက်ဆက် တည်စေရသည့် ဒေသဖြစ်၏။
အကျဉ်းသားတဦးကို အထက်က “ဒီကောင်ကို ကောင်းကောင်းထားလိုက်” ဟု အမိန့်ပေးမှာထားလျှင် ထိုသူကို ဟိုတယ်နီးပါးကောင်းစွာ ပြုစုသည်။ မျက်နှာတော် လွှဲထားသည့် အကျဉ်းသားတို့ အဖို့၊ အဆက်အသွယ်မရှိသူ အကျဉ်းသားတို့ အဖို့ ၀ဋ်ရှိသမျှ ‘ခံ’ ကြရလေသည်။
အင်းစိန်ထောင်ထဲသို့ ပထမဦးစွာရောက်လာသော တော်လှန်ရေးကောင်စီဝင် ထိပ်သီး စစ်ဗိုလ်ကြီးမှာ ဗိုလ်မှူးကြီး ကြည်မောင် ဖြစ်သည်။ အနောက်တောင်တိုင်း စစ်ဌာနချုပ် တိုင်းမှူးအဆင့်နှင့် တာဝန်ထမ်း ဆောင်နေရာက အာဏာသိမ်းခေတ်မှာ စိုက်ပျိုးရေးဝန်ကြီး ဖြစ်လာသည်။ သူက စစ်အာဏာရှင်စနစ် ကို မယုံကြည်လေသဖြင့် မှန်သည်ဟု ထင်သည့် ကိစ္စများကိုသာ လုပ်ဆောင်သောကြောင့် ဗိုလ်နေ၀င်းက မကျေနပ်ဟု သိရသည်။ တော်လှန်ရေးအစိုးရက ဒူးယားရွာတွင် နှီးနှောဖလှယ်ပွဲ ကျင်းပသည်ကို တက်ရောက်ခြင်း မပြုသောကြောင့် ချက်ချင်း ရာထူးကချပြီး အင်းစိန်ထောင်သို့ ပို့လိုက်ခဲ့သည်။
တော်လှန်ရေးကောင်စီတွင် အဆင့် (၉) အထိ ချီးမြှောက်ပါလျက် သူက ခိုင်းသမျှ မလုပ်ကောင်းလား ဆိုကာ ဗိုလ်နေ၀င်းက ရွှေစိတ်တော်ဆိုးသောကြောင့် ဗိုလ်မှူးကြီးကြည်မောင်အား ‘ခွေးထောင်ချောက်’ ဟု နာမည်ကြီးသော ထောင်အိမ်မှာ ထားသည်။ မတ်တပ်ပင် ရပ်ခွင့်မပြုဘဲ ညှဉ်းဆဲသည်။
အကျဉ်းသားတို့အား ထိန်းသိန်းရာ၌ တိကျသောအမိန့်ကို အဆင့်ဆင့်ပေးကာ အုပ်ချုပ်သည်။ ထောင်မှူးက “ဒီကောင်ကို ရေတခွက်သောက်စေ” ဟု ဆိုလျှင် ထောင်ကြပ်က ရေတခွက်သာ ပေးသည်။ နှစ်ခွက်မပေး၊ တ၀က်ပဲ သောက်ပါရစေဟု ဆိုလျှင်လည်း လက်မခံ။ အမေမှာတဲ့ ဆန်တခွဲကို သုံးစိတ်နှင့် လဲလေ့မရှိ။
တင်မောင်နှင့်အတူ နေကြရသော မာကျောက်တရုတ် (၄၄) ဦးတို့တွင် ပေါ့ပိပို့ အမည်ရှိသော အကျဉ်းသားကြီး တဦးပါဝင်သည်။
ပေါ့ပိပို့ခမျာမှာ ထောင်ထဲရောက်မလာမီကပင် မကျန်းမာသူ ဖြစ်သည်။ ရောဂါက တခု၊ နှစ်ခုမဟုတ်ဘဲ (၉၆) ပါးသော ရောဂါ ဝေဒနာအမျိုးမျိုး စွဲကပ်နေသောကြောင့် ထောင်ထဲ ရောက်လာချိန်မှ စတင်ကာ ထောင်ဆရာဝန်က နေ့စဉ်လိုလို ကြည့်ရှုကုသ ပေးနေရသည်။ ထောင်အာဏာပိုင်တို့က တခုတည်းသော အမိန့်ကို တိကျစွာ နာယူကြရသည်။ အကျဉ်းသား မှန်သမျှ သေစေသော၊ သေလောက်သော လက်နက်များ ကိုင်တွယ်ခြင်း မပြုကြရ။ အကျဉ်းသားမှန်သမျှ ခါးပတ် မပတ်ရ၊ ရှူးဖိနပ်ကို ကြိုးချည် စီးခွင့်မရ။ ခက်ရင်းနှင့် ဓားမသုံးရ … စသည်ဖြင့် ကန့်သတ်ထားသည်။ မုတ်ဆိတ်ရိတ်သော ဓားက သေစေလောက်သော လက်နက်ဖြစ်သဖြင့် မုတ်ဆိတ်ရိတ်လိုပါက ထောင်ကြပ်၏ ရုံးခန်းသို့ သွားပြီး ထောင်ကြပ်အစောင့်နှင့် ရိတ်ကြရသည်။
ပေါ့ပိပို့၏ ကြီးမားသော ရောဂါတခုမှာ အိပ်မရသော ဝေဒနာဖြစ်စဉ်ကြောင့် အပြင်လောကတွင် လွတ်လပ်စွာ နေထိုင်စဉ်ကပင် ညစဉ် အိပ်ဆေးတလုံးသောက်ကာ အိပ်ရရှာသူ ဖြစ်သောကြောင့် ပေ့ါပိပို့ အား ညတိုင်း အိပ်ဆေးတလုံးပေးစေဟု ထောင်ဆရာဝန်က ဆေးစာရေးပေးထားသည်။
အိပ်ဆေးဟူသည်မှာ သေဆေးတမျိုးပင် ဖြစ်သည်။ နည်းအမျိုးမျိုးနှင့် ညှဉ်းဆဲနေသည့် ဖက်ဆစ်တို့ လက်အောက်မှ လွတ်မြောက်မည်ဆိုပါက သေလိုပါသည်ဟု သေချင်နေသူတို့မှာ အင်းစိန်ထောင်တွင်း၌ မရေတွက်နိုင်အောင် ပေါလှသည်။ အကယ်၍များ ပေါ့ပိပို့က မိမိရရှိသည့် အိပ်ဆေးလုံးကို ထောင်မှောင်ခို ဈေးသို့ ထုတ်ရောင်းပါက သေလိုသူတို့ သေခွင့်ရလေနိုင်မည် ဖြစ်သည်။
ထိုကြောင့် ဆေးပြားကို ထောင်ကြပ်က ခွံ့ပေးရမည်ဟု ထောင်စစ်ဗိုလ်က အမိန့်ထုတ်ထားသည်။ အိပ်ဆေးလုံးကို ညစဉ် ညတိုင်း (၁၁) နာရီတိတိတွင် ထောင်ကြပ်တဦးက ယူလာကာ ပေ့ါပိပို့၏ ပါးစပ် အာခေါင်တွင်းသို့ ထည့်ရမည်။ ရေမျောချသည်အထိ စစ်ဆေးစေရမည်ဟု အမိန့်ထုတ်ထားသည်။ ထိုအမိန့်ကို ထောင်မှူးကြီးမှ ထောင်မှူး၊ ထိုမှတဖန် အဆင့်ဆင့်သော ထောင်အရာရှိ ထောင်ကြပ်တို့သို့ ထပ်ဆင့် အမိန့်ပေးထားသည်။
အိပ်ဆေးခွံ့စေ အမိန့်သည် အလုပ်ဖြစ်သည်။ ညစဉ် (၁၁) နာရီတိတိ၌ ထောင်ကြပ်တဦးသည် အခန်း၏ သံတိုင်ပြူတင်းသို့ ရောက်လာလေ့ရှိသည်။ ပေ့ါပိပို့က ရေတခွက်နှင့် အသင့်စောင့်နေရကာ ထောင်ကြပ်က ခွံ့ပေးသည့် ဆေးလုံးကို ရေနှင့်မျောချကာ မျိုပြပြီးမှ မိနစ်အနည်းငယ်အတွင်း ငြိမ်းချမ်းစွာ အိပ်ပျော်ရရှာလေ့ ရှိသည်။
တနေ့သော တနေ့တွင်မူ ပြဿနာပေါ်ပါတော့်သည်။ ထိုနေ့က ၀က်သားဟင်းကျွေးသောနေ့ ဖြစ်၏။ ထောင်ဝက်သားဟင်းမှာ အသားပါလေ့မရှိ။ အဆီတထပ်၊ အခေါက်တထပ် အတုံးများသာ ဖြစ်ကြသည်။ မိုးကလည်း တစိမ့်စိမ့် ရွာနေပါသေးသည်။ တဆောင်လုံး မိုးအေးအေး အဆီယစ်ကာ စောစီးစွာ အိပ်စက် နေကြရှာသည်။
ပေါ့ပိပို့က အခန်းလူကြီးအား တောင်းပန်ရှာသည်။ “၀က်သားဟင်းကတော့ တကယ့်ကို အဆီတွေချည်း ပါပဲ။ ကျနော်မနေနိုင်တော့ဘူး။ အိပ်ချင်လှပါပြီ၊ အိပ်ပါရစေတော့။ ထောင်ကြပ်လာတဲ့အခါမှာ အခန်းလူကြီးပဲ ပြောပေးပါ။ ဒီညအဖို့ အိပ်ဆေးမလိုတော့ပါဘူး။ ကျနော့်ကို အိပ်ရာက နှိုးမနေပါနဲ့” ဟု မှာကြားရင်း အိပ်ပျော်သွားရှာသည်။
ည (၁၁) နာရီတိတိတွင် “ပေါ့ပိပို့၊ ပေါ့ပိပို့” ဟု ခေါ်ဟစ်ပြီး ထောင်ကြပ်ရောက်လာသောအခါ အခန်းမှူးက ဖြေရရှာသည်။ “ပေါ့ပိပို့ - အိပ်ပျော်နေပါပြီ”
“ဘာတယ်”
“သူအိပ်ပျော်နေပြီ”
“ဘာလို့ အိပ်ရမှာလဲ။ အိပ်ဆေးမှ မစားရသေးဘဲ၊ အိပ်ခွင့်မရှိဘူး”
“၀က်သားဟင်းကလဲ တယ်ကောင်းကိုး။ ဒီတော့ အားလုံးအိပ်ကြပြီ။ ကျုပ်မှာသာ တာဝန်ရှိလို့ စောင့်နေရတာ”
“ဒီလို ဘယ်ဖြစ်မလဲ”
“ဘာလို့ မဖြစ်ရမှာလဲ၊ အိပ်ဆေးမှ မလိုဘဲဟာ၊ တညတလေ အိပ်ပါစေဗျာ … ကျုပ်လည်း အိပ်ချင်ပါပြီ။ ပြန်ပါတော့ ထောင်ကြပ်ကြီးရယ်၊ ဂွတ်နိုက်၊ ဂွတ်နိုက်”
“ကျုပ်က ဒီအိပ်ဆေးကို ဘယ်သွားထားရမှာလဲ”
“အိမ်သာထဲ လွှင့်ပစ်လိုက်ပေါ့”
“ခင်ဗျားက ကျုပ်ကို ထောင်ကျအောင် လုပ်တာလား။ အိပ်ဆေးဖျောက်ဖျက်မှုက ထောင်ဒဏ်ဗျ၊ ထောင်ဒဏ်”
“ဆေးရုံပြန်ပို့လိုက်ပေါ့”
“ဆေးထုတ်ပြီးရင် ပြန်သွင်းလို့ မရဘူး”
“အင်း မလွယ်ပါလား”
“လွယ်ပါတယ်။ ပေါ့ပိပို့ကို နှိုးပေးပါ”
“သူ့ခမျာ သိမ်းသိမ်းမောမော အိပ်နေရှာပါပြီဗျာ”
“အိပ်ဆေးမသောက်ဘဲ အိပ်တာ သူ့အပြစ်ဗျ။ ကဲပါ နှိုးပေးပါ။ ပေါ့ပိပို့၊ ပေါ့ပိပို့ ထထ အိပ်ဆေးသောက် လှည့်ဦး”
ထောင်ကြပ်က ပူညံညံ လုပ်နေသောကြောင့် ပေ့ါပိပို့သာမက တဆောင်လုံး နိုးကြရပါတော့သည်။ ပေါ့ပိပို့ ခမျာမှာ အိပ်ချင်မူးတူးနှင့် အိပ်ရာမှ ထလာရှာပြီး ဆေးပြားကို ရေနှင့်မျောပြီး မျိုချရရှာသည်။
ထိုသို့ ဆေးမျိုပြီးသောအခါတွင် အိပ်ဆေးလုံးအဖို့ ဆေးအာနိသင် ဆေးစွမ်းမထက်တော့ပါ။ ပေါ့ပိပို့ မျက်လုံးကျယ်သွားရှာပါပြီ။ အိပ်မရတော့ပါ။ တော်တော်နှင့် အိပ်မရရှာပါ။ ပေါ့ပိပို့က တညလုံး အိပ်မရ တော့သောကြောင့် ဒေါသူပုန်ထပြီး ဆဲရေးပါတော့သည်။
“မအေ--ိုး ထောင်ကြပ်၊ မအေ--ိုး ထောင်မှူး၊ မအေ--ိုး ထောင်စစ်ဗိုလ်၊ မအေ--ိုး ဗိုလ်နေ၀င်း” ရာထူး အဆင့်အလိုက် တဦးပြီးတဦး တန်းစီကာ ပျစ်ပျစ်နှစ်နှစ် တညလုံးဆဲလေတော့သောကြောင့် တင်မောင် အပါအ၀င် တဆောင်လုံး အိပ်ရေးပျက်ကြရပါတော့သည်။ ။

အရှေ့နှင့်အနောက်

အရှေ့နှင့်အနောက်၊ အာရှနှင့် ဥရောပ မတူညီတာတွေထဲက ကိုယ်တွေ့ကြုံရတာလေးတခု ပြန်လည် ပြောပြ ချင်ပါသည်။
၁၉၈၀ ပြည့်လွန်နှစ်များဆီက ကျနော် မွန်ပြည်နယ်၊ သထုံမြို့ရှိ တာယာနှင့် ရာဘာပစ္စည်းစက်ရုံမှာ အလုပ်လုပ် ခဲ့သည်။ ထိုစက်ရုံတွင် ကျနော်တို့အရပ်သား (ကစလ) နှင့် အခြားစစ်သား (ကပစ) ၀န်ထမ်းများ အတူ ပူးတွဲ အလုပ် လုပ်ကြသည်။ ထိုအထဲတွင် စက်မှုလုပ်ငန်းသုံး ကုန်တင်ကုန်ချဝန်ချီစက် ဖြစ်သည့် ဖောက်ကလစ် fork lift truck မောင်းသည့် ကပစ ရဲဘော်တဦးကို အမည်နှင့် တကွ ကျနော်မှတ်မိနေသည်။ သူ့ကို အများက ‘ယင်ကောင်’ ဟု ခေါ်ကြသည်။ ကပစရဲဘော် ယင်ကောင်နှင့်အတူ ကျနော့်အလုပ်ဆိုက်မှာ လိုအပ်သည့် ကုန်သေတ္တာများ အတူသယ်ယူနေရင်း ကျနော် ဖောက်ကလစ် မောင်းကြည့်ချင်သောကြောင့် သူ့ထံမှ ခွင့်တောင်းကာ စမ်းမောင်းကြည့်သည်။ အဆင်မပြေပါ။ ဖောက်ကလစ်သည် လမ်းပေါ်မှာ တည့်တည့် မသွားပဲ လမ်းဘေးကို ထိုးဆင်းသွား၏။ ထို့နောက် ကျနော်လည်း နောက်ထပ် ဖောက်ကလစ် မမောင်းဖြစ်တော့။
၁၉၉၀ ပြည့်လွန်နှစ်များတွင် ကျနော် စင်္ကာပူနိုင်ငံ Woodland industrial park ရှိ အလုပ်ရုံတခုတွင် အလုပ်ရသည်။ ထိုစက်ရုံမှာ သူဌေးညီအကိုက တွင်ခုံကိုင်သည်။ သူဌေးညီမက တဦးတည်းသော ရုံးစာရေးမ၊ သူဌေးယောက်ဖရယ်၊ မလေးရှားက တရုတ်လေးတယောက်ရယ်၊ ကျနော်ရယ်က အလုပ်သမားမို့ ၀န်ထမ်းဦးရေ က အားလုံးပေါင်းမှ ၆ ယောက်ပဲ ရှိသည့် အလုပ်ရုံလေး ဖြစ်၏။
ထိုအလုပ်ရုံတွင် သံထည်ပစ္စည်းများ မမည်ဆိုလျှင် ဖောက်ကလစ်ကို ကြုံသည့်သူက မောင်းသည်။ သီးသန့် ဖောက်ကလစ်မောင်းသမားမရှိ။ ကျနော်လည်း ထိုစက်ရုံမှာ စမ်းမောင်းကြည့်ရင်း၊ သူတို့ကလည်းသင်ပြပေးသဖြင့် ဖောက်ကလစ် မောင်းတတ်သွားသည်။
ထို့နောက်ပိုင်း မလေးရှားမှာ အလုပ်ခဲ့သည့် စက်ရုံများမှာလည်း လိုအပ်လျှင် လိုအပ်သလို ဖောက်ကလစ် မောင်းခဲ့ရသည်။
၂၀၀၅ ခုနှစ် ကျနော်တို့ မိသားစု ဒိန်းမတ်ရောက်ပြီးနောက် တနှစ်ခွဲအကြာ ယခု ကျနော် အလုပ်လုပ်နေသည့် စက်ရုံမှာ အလုပ်ရသည်။ တနေ့ ကျနော့်အလုပ်မှာ လိုနေသည့် သံပြားများမရန် ပထမဆုံး အကြိမ်အဖြစ် ဖောက်ကလစ်ကို မောင်းသွားပြီး သံပြားများ သွားယူသည်။ ကျနော့်နေရာကိုပြန်မောင်းအလာ ဒိန်းမတ်အလုပ်သမားတယောက်က လမ်းမှာ ရပ်ခိုင်းပြီး ‘မင်းမှာ ဖောက်ကလစ်မောင်းသင်တန်းဆင်း လက်မှတ် ရှိသလား’ ဟု မေးပါသည်။ ကျနော်ကလည်း မရှိပါပေါ့။ ကိုယ်လည်း ဒီလိုပဲ မောင်းတတ်ခဲ့တာ၊ ဘာမှသင်တန်းမှလည်း မတက်ခဲ့ဘူးလေ။
‘ဒါဆိုရင်၊ မင်းဆက်မမောင်းနဲ့တော့ အန္တရာယ်ဖြစ်လိမ့်မယ်’ ဟု ဆိုလေသည်။ ကျနော်က ‘ဒါလေးတော့ တလက်စတည်း ငါ့နေရာကို ယူသွားလိုက်မယ်လေ’ ဆိုတော့ ‘ကိစ္စမရှိဘူး၊ ငါမောင်းပို့ပေးမယ်၊ မင်းသာ ဖောက်ကလစ်ပေါ်က ဆင်းလိုက်ပါ’ တဲ့။
နောက်ပိုင်းလည်း အခုထိ ကျနော် ဖောက်ကလစ် မမောင်းဖြစ်တော့ပါ။ ရာဟူး မက်ဆင်ဂျာ အွန်လိုင်း စီအက်ဖ်တွင် စကားစပ်မိ၍ ဥရောပ၏ စည်းကမ်းဥပဒေများကို ပြောကြရာ ဆွီဒင်ရောက် မြန်မာတယောက်က ‘ဟုတ်တယ်ဗျ၊ ဒီမှာက ဘာလုပ်လုပ် သင်တန်းတက်ထားလား၊ အောင်လက်မှတ် ရှိလားပဲ မေးနေကြတာ။ ကျနော်တောင် အိမ်ရှေ့မှာ အမှိုက်တွေပွနေတာ တံမြက်စည်း ထွက်မလှည်းရဲဘူး။ တော်ကြာ မင်းမှာ certificate ရှိလား လာမေးနေမှာ စိုးလို့’ ဟု ပြောလေသည်။
တခုတော့ရှိသည်။ ဒီမိုကရေစီထွန်းကားသော နိုင်ငံများတွင် လိုအပ်၍ထုတ်ထားသော ဥပဒေများကို အများပြည်သူက လိုက်နာလျှင် ဘေးရန်ကင်းသည်မို့ ကျနော်တို့ လိုက်နာရန် လိုအပ်သော်လည်း မတရားသဖြင့် ထုတ်ပြန်ထားသော အမိန့်အာဏာများကိုတော့ ဖီဆန်ဖို့ လိုအပ်သည်ဟု ကျနော် ထင်မြင်မိပါသည်။ ။

(၃၀) အကြံအဖန် (ကြေးမုံဦးသောင်း)

ထောင်တွင်း၌ လိုအပ်သလို သုံးစွဲကြရာက ပေါ်ထွန်းလာသော ဝေါဟာရများ အများရှိကြသည်။ ထောင်မှူး ထောင်ကြပ်များက အကျဉ်းသားများထံတွင် ဥပဒေပြင်ပမှ ပစ္စည်းများ ရှိသလောဟု ရှာဖွေသည်ကို “တလာစီတယ်” ဟု ခေါ်ဝေါ်သည်။ ကုလားစကားမှ လာသည်ဟု ဆိုလေသည်။ ဝေပုံကျပေးသည့် အစားအစာ၊ ဆပ်ပြာစသော ပစ္စည်းများ၏ အတိုင်းအတာကို “ပုံစံ” ဟု ခေါ်သည်။ တဖန် အကျဉ်းသားအသစ် ဦးကျိုးအောင် နှိပ်သည်ကိုလည်း “ပုံစံပြတယ်” ဟု ခေါ်ပြန်သည်။ ထောင်ဝေါဟာရများထဲတွင် “အကြံအဖန်” ဟူသော ဝေါဟာရ သည် လှပပြည့်စုံပြီး လူသုံးများသော စကားလုံး ဖြစ်လေသည်။
တင်မောင် အိမ်မှာ ယူလာသည့် အော်ဒီကလုံး ရေမွှေးပုလင်းကို ထောင်က သိမ်းထားရာမှ ပြန်ပေးသောအခါ အရက်အိုး စာရေးဆရာတစုက သူတို့ကို လှူပါဟု တောင်းရာတွင် အကြံအဖန်လုပ်ချင်လို့ပါဟု ပြောကြသည်။ သေသေချာချာမေးမှ ရေမွှေးတွင် ပါရှိသော အရက်ဓာတ်ကို နုတ်ပြီး အရက်ချက်ကြမည်ဟု ဆိုသည်။ သရက်သီး အချဉ်ရည်ကို မြေမြှုပ်လိုက်၊ နေလှန်းလိုက်နှင့် ချက်ကြသည်။ တင်မောင်၏ အခန်းထဲမှ တရုတ်များကမူ သံပုရာသီးသနပ်၊ သရက်ချဉ်အကောင်းစားတို့ကိုပင် ထုတ်လုပ်နိုင်နေကြလေပြီ။
ရှေးမြန်မာသူပုန်များကို ချုပ်နှောင်သော ခေတ်က ထောင်ဥပဒေအရ ဆံရှည်မြန်မာများ သျှောင်ချောရန် အုန်းဆီပုံစံ များကို ယနေ့တိုင် အကျဉ်းသားတိုင်းကို အပတ်စဉ် မှန်မှန်ထုတ်ပေးသည်။ အကျဉ်းသားများက နို့ဆီခွက်မီးဖို ကလေးများ တီထွင်ကာ လောင်စာအဖြစ်သုံးကြသည်။ ဟင်းနွေးကြသည်။ ဟင်းချက်ကြသည်။
ပထမနှစ် တနှစ်လုံး တင်မောင်အဖို့ တဘက်ခန်းများမှ စာပေရဲဘော်များ၊ နိုင်ငံရေး မိတ်ဆွေများနှင့် ဆက်သွယ်မှု မပြုရဟု အမိန့်ထုတ်ထားလေရာ စကားပြောခြင်း၊ ဆက်သွယ်ခြင်းကို ဖမ်းမိလျှင် တင်မောင်ရော၊ တဘက်လူကိုပါ တိုက်ပိတ်မည်ဟု ခြောက်လှန့်ထားသည်။ မည်သို့ပင် ပညတ်သည်ဖြစ်စေ ရောက်သည့်နေ့မှ စတင်ပြီး စကားပြော ကြသည်။ ထောင်သတင်းစာကို ထုတ်ဝေနေကြလေသဖြင့် စကားမပြောလျှင် မဖြစ်နိုင်။ ထောင်မှူး၊ ထောင်ကြပ် များကလည်း အမြဲလမ်းလျှောက်ကာ စောင့်ကြပ်နေကြသဖြင့် ကြုံရာ အကျဉ်းသားက သူတို့မြင်တိုင်း “လာနေပြီ၊ လာနေပြီ” ဟု သတိပေးကြသည်။ သတိပေးသံကြားသည်နှင့် လူချင်းခွဲရလေ့ရှိသည်။
“လာနေပြီ၊ ထောင်မှူးလာနေပြီ” ဟု သတိပေးသည်ကို ထောင်မှူးတို့ ကြားသွားလျှင် သတိပေးသောသူကို အရေးယူနိုင်သည်။ အန္တရာယ်ရှိသောကြောင့် သတိပေးရန် ဝေါဟာရကို တီထွင်ရန် အကြံအဖန် လုပ်ကြသည်။ မာကျောက်တရုတ်ကြီးတယောက်က အကြံပေးသည်။ စစ်ပြီးကာလက တရုတ်တန်းတွင် အင်္ဂလိပ်ပစ္စည်းတွေ အပါအ၀င် မှောင်ခိုဈေးတန်းကြီး ရှိခဲ့သည်။ ဦးထုပ်နီဆောင်းသော အင်္ဂလိပ်စစ်ပုလိပ်များက မကြာခဏ လာရောက် ဖမ်းဆီးလေ့ရှိသည်။ ထို့ကြောင့် စစ်ပုလိပ်မြင်တိုင်း တရုတ်ဘာသာဖြင့် ဦးထုပ်နီလာပြီ “အန်တောင်း လိုင်လော” (သို့မဟုတ်) “လိုင်လောလိုင်လော” လာပြီလာပြီဟု သတိပေး အော်ဟစ်လေ့ရှိကြောင်း ပြောပြသည်။ တင်မောင်တို့ အခန်းတွင် ထိုသတိပေးဝေါဟာရကို စတင်အသုံးပြုခဲ့သည်။ နောက်ပိုင်းတွင်မူ အင်းစိန်ထောင်တခု လုံး ထောင်မှူး၊ ထောင်ကြပ်များလာသည်ကို မြင်ရသူတိုင်းက တဦးကိုတဦး သတိပေးသော ဝေါဟာရ ဖြစ်လာလေသည်။
အန်တောင်းလိုင်လော ဟူသည့် လျှို့ဝှက်ဝေါဟာရကြောင့် တင်မောင်တို့ သတင်းစာလုပ်ငန်း တွင်ကျယ်လာသည်။ တလတကြိမ် အိမ်နှင့် စာရေးဆက်သွယ်ခွင့် ရရှိသူများ စာရေးသည့်အချိန်တို့၌ မင်၊ စက္ကူ စသည်တို့ကို စိတ်ချ လက်ချ ခိုးယူနိုင်ကြသည်။ လျှို့ဝှက်ကာ အသုံးပြုရသည့် ပစ္စည်းအားလုံးကို လျှို့ဝှက်စကားလုံး သုံးကြသည်။ မင်ကို “ငှက်ပျောသီး”၊ ဖောင်တိန်ကို “ထန်းလျှက်” ဟု စကားဝှက် တီထွင်ထားကြသည်။
များမကြာမီကာလတွင် အိုးဝေဦးညိုမြ ရောက်လာသောအခါ သတင်းစာဘက်မှာ ပိုပြီး ဝေဆာလာသည်။ တင်မောင်တို့ သတင်းစာတွင် ဓာတ်ပုံသတင်းများကိုလည်း ဖော်ပြသည်။ ထောင်ပေးသော သတင်းစာများနှင့် မဂ္ဂဇင်းများမှ ပုံတို့ကို ညှပ်ပြီးကပ်ကာ ဖော်ပြသည်။ မျက်နှာဖုံးတခုမှာ ဗိုလ်နေ၀င်းတရားဟောနေသော ပုံနှင့် မီးလောင်မှုသတင်းမှ ပုံကို အတူဖော်ပြပြီး “မီးတွေလောင်ကုန်ကြပြီလေ၊ တို့လုပ်တာတွေ အောင်ပြီဟေ့” ဟု ဗိုလ်နေ၀င်းက ပြောနေပုံဟု စာရေးသည်။ တနေ့တွင် ဗိုလ်ချုပ်ကတော် ဒေါ်ခင်မေသန်း၏ဓာတ်ပုံကို “မြန်မာပြည် မှာ နောက်ဆုံးတွေ့သော ရေနံတွင်းကြီး” ဟု ဦးညိုမြက ပြောင်မြောက်စွာ စာရေးသည်။ ထောင်ထဲ၌ လူကြိုက်များ လှသော သတင်းစာဖြစ်လာသည်။
ဦးညိုမြအား သီးသန့်အခန်းတခုတွင် သူဌေး ဦးဇော်ညွန့်နှင့်အတူ ထားရှိသည်။ တင်မောင်တို့နှင့် စကားပြောခွင့်၊ ဆက်သွယ်ခွင့် ပိတ်ထားသည်။ စာတိုကလေးများ ရေးပို့ကာ လျှို့ဝှက်ရလေ့ရှိသည်။
တနေ့တွင် ထောင်မှူးက တင်မောင်ထံသို့ ပေါက်လာပြီး “ခင်ဗျားတို့တတွေ လုပ်တာတွေ လွန်လာပြီ။ စစ်ဗိုလ်ကို တင်ပြရပါတော့မယ်။ အားလုံးကို တဆောင်စီခွဲထားဖို့ အကြံပေးရပါတော့မယ်” ဟု ပြောသည်။ ရောက်စကာလက အာဏာပြသည့် ထောင်မှူးဖြစ်စေကာမူ နောက်ပိုင်း၌ စာပေအကျဉ်းသားများအဖို့ အပြစ်မရှိဘဲ အဖမ်းခံထိနေကြ သူများ ဖြစ်သည်ကို သိရှိနားလည်လာဟန် တူသည်။ တင်မောင်တို့အစုကို သက်သက်ညှာညှာ ကူညီရှာသည်။
“ကျနော်တို့တတွေ ဘာမှ အပြစ်မလုပ်ပါဘူး” ဟု တင်မောင်က ဘာမသိ၊ ညာမသိနှင့် ငြင်းရသည်။
“ဦးညိုမြက ခင်ဗျားဆီပေးတဲ့ စာမိထားတယ်” ဟု ထောင်မှူးက ပြောသောအခါ ဆရာကြီးကို လျှို့ဝှက်စာနှင့် စာရေးဆက်သွယ်ရန် မှာထားပြီးဖြစ်သဖြင့် စိတ်ချလက်ချ ပြန်ပြောမိသည်။
“ဗျာ … ဆရာကြီးက ငှက်ပျောသီးကလေး၊ ထန်းလျက်ကလေး စားချင်လို့ စာရေးတာလောက်တော့ ခွင့်ပြုသင့် ပါတယ်ဗျာ”
“ငှက်ပျောသီး တောင်းတာဆို အရေးမကြီးပါဘူး၊ အဖိုးကြီးရဲ့စာကို ဖတ်ကြည့်ပါဦး” ဟု ထောင်မှူးက ပေးပြသည်။ “တင်မောင်ရေ… ငါ့မှာ မင်ကုန်နေပြီ။ နစ်ကောင်းတဲ့ ဖောင်တိန်လည်း လိုချင်တယ်။ စက္ကူပါ ရှာပေးပါဦး” ဟု ရေး ထားသော စာကို တွေ့ရသည်။ “ဖြစ်မှ ဖြစ်ရလေ ဦးညိုမြရယ်” ဟု ညည်းညူပြီး ထောင်မှူးကို ၀န်ချတောင်းပန် ရတော့သည်။
ကိုတွမ်အိ အမည်ရှိ မာကျောက်တဦးက နို့ဆီဘူးခွံကို မီးဖိုလုပ်ပြီး ညတိုင်း စားစရာတခုခု ချက်သည်။ ငါးကြော် ကျွေးသော နေ့များတွင် အဖော်များထံမှ ငါးရိုးများကို တောင်းပြီး စုဆောင်းရရှိသည့် ငါးရိုးတို့ကို ကွေကားအုပ် သံဘူးမှ မုရောစပါးနှင့် ပြုတ်ကာ တိုက်သည်။ အပြင်တရုတ်တန်းက ဘဲသားဆန်ပြုတ်ထက် ကောင်းသော ဆန်ပြုတ်ကို သောက်ရသည်။ ဓာတ်ဘူးနှင့် လက်ဆင့်ကမ်းပြီး တခြားအခန်းက ငါးရိုးပေးသူတွေကိုပါ ဝေငှပြီး တိုက်ကျွေးနိုင်သည်။
တနေ့သားတွင် ဦးကျင်စွိနှင့် ကေဒီယားဆိုသူ ကုန်သည်အကျဉ်းသားနှစ်ဦးက အကြံအဖန် လုပ်ရာက နာနတ်သီး တဘူး ရလာသည်။ ထောင်ကြပ်တဦးထံမှ စီးကရက်ငါးဘူးနှင့် ၀ယ်လာသည်ဟု ဆို၏။ “ဒီည သန်းခေါင်မှာ ဘူးဖောက်မယ်၊ စားလှည့်ပါ” ဟု ဖိတ်ကြားသည်။ မတ်လလယ်ဖြစ်သောကြောင့် ရာသီဥတုက ပူလွန်းသဖြင့် “ရေခဲနှင့်များ စားရလျှင် နိဗ္ဗာန်ပါပဲဗျာ” ဟု ပြောမိသည်။ ကျုပ်တို့လည်း အကြံအဖန် လုပ်ဖို့ စဉ်းစားနေကြသည်ဟု သူတို့ ဖြေသည်။
ည (၁၀) နာရီခန့်တွင်မူ ကေဒီယားက ပါးစပ်မှ အမြုပ်တစီစီထွက်ပြီး ဆီးစပ်ကို နှိပ်၍ အော်နေသည်ကို တွေ့ရသည်။ တင်မောင်အဖို့ ဤညအဖို့ နာနတ်သီး မစားရတော့မည်မှာ သေချာနေသဖြင့် စိတ်ပျက်မိသည်။ ကေဒီယား၏ ဝေဒနာအတွက် ဆရာဝန်ခေါ်ပေးပါဟု ဦးကျင်စွိက အခန်းမှူး ဦးအောင်ကို ပြောသည်။
“ဘာဖြစ်တာလဲ” ဟု ဦးအောင်က မေးသောအခါ “ဟိုဒင်းလေဗျာ၊ ဟိုဒင်း၊ ဂွေးတက်တာဗျ” ဟု ဖြေသဖြင့် အခန်းမှူးမှာ လန့်သွားပြီး “အစောင့်ရဲဘော်၊ အစောင့်ရဲဘော်” ဟု အော်ဟစ်တော့သည်။ အရေးပေါ်ကိစ္စရှိလျှင် အစောင့်ထောင်ကြပ်ကို ခေါ်ကြရသည်။ (၁၅) မိနစ်ကြာမှ ထောင်ကြပ် ရောက်လာသည်။
“ဘာဖြစ်တာလဲ၊ ဘာဖြစ်တာလဲ” ဟု မေးသည်ကို “ဟောဒီမှာ အကျဉ်းသားတဦး အသည်းအသန် ဖြစ်နေလို့ ဆရာဝန် ခေါ်ပေးပါ” ဟု အခန်းလူကြီးက တောင်းဆိုရသည်။
“ခင်ဗျားတို့ သိသားပဲ။ ဆရာဝန်က အရပ်ထဲမှာ နေတာ အရေးကြီးလွန်းမှ စစ်ဗိုလ်ကို တင်ပြပြီး ဆရာဝန် ခေါ်ပေးနိုင်တယ်” ဟု ထောင်ကြပ်က ပြောသည်။
အမြုပ်တစီစီနှင့် ညည်းနေရှာသော ကေဒီယားကို ပြသောအခါ ထောင်ကြပ်ကပါ စိတ်ညစ်သွားတော့သည်။
“နေပါဦး၊ ဖြစ်တာက ဘာရောဂါလဲ” ဟု မေးရာ “ယောက်ျားတွေ ဖြစ်တတ်တယ်၊ ဂွေတက်တာဗျ” ဟု ဦးအောင်က ရှင်းပြရသည်။
“ဆရာဝန်ခေါ်မပေးလျှင် ဆေးမြီးတိုရှိပါတယ်။ အမျိုးသမီးတဦးဦးရဲ့ ဟို-ဟိုအမွေးကို သူ့ရဲ့နှာခေါင်းမှာ တေ့ပေးရသတဲ့” ဟု အကျဉ်းသားတဦးက ပြောသည်။ ထောင်ကြပ်က “ဘာဖြစ်မလဲ။ မိန်းမထောင်ကို ညအခါမှာ ယောက်ျားမ၀င်ရဘူး။ ၀င်လို့ရလျှင်ကော ဘယ်လိုနုတ်မလဲ။ ဘယ်သူကလည်း သူ့ရဲ့အမွေးကို ပေးမှာလဲ” ဟု စိတ်ပျက်သံနှင့် ပြောရှာ၏။
“ဆေးမြီးတိုတခုကတော့ သူ့ဟိုဒင်းကို ရေခဲအုံပေးလျှင် ပြန်ကျတယ်တဲ့” ဟု ဦကျင်စွိက မှင်သေသေပြောပြသည်။
ထောင်ကြပ်ခမျာ တွေဝေသွားဟန် တူသည်။ အတန်ကြာ ငိုင်သွားသည်။ ဆရာဝန် ခေါ်ရမည်လော၊ မိန်းမထောင် သို့ သွားရမည်လော၊ ရေခဲရှာရမည်လော စဉ်းစားရှာသည်။ အလွယ်ဆုံးကို ရွေးပြီး ထောင်ဆေးရုံသို့ ပြေးကာ ရေခဲသေတ္တာထဲမှ ရေခဲတဇလုံ သယ်ပေးတော့သည်။
ဆရာကြီး ရွှေဥဒေါင်းရေးသကဲ့သို့ မှတ်တမ်းတင်ရလျှင် ထိုညက စားရသော ရေခဲစိမ် နာနတ်သီးစိတ်ကလေးသည် တသက်တာတွင် အရသာအရှိဆုံး နာနတ်သီး ဖြစ်ပါတော့သည်။ ။

Frankfurt, Germany

၂၀၀၈ ခုနှစ် သြဂုတ်လအတွင်း ဂျာမနီနိုင်ငံ Frankfurt မြို့ကို ရောက်နေစဉ် မြို့တွင်းလှည့်လည် ကြည့်ရှုအပြီး လိုက်ပြသူ ဂျာမာန်ကြီးက ပို့စကဒ်လေးတွေ ၀ယ်ပြီး ကျနော်တို့ကို ပေးပါတယ်။ သူပေးတဲ့ ပို့စကဒ်က အောက်ကပုံပါပဲ။
Frankfurt မြို့ကိုပဲ ခေတ်သစ်နဲ့ ခေတ်ဟောင်းနှိုင်းယှဉ်ပြထားတာပါ။ ခေတ်ဟောင်းပုံက ၁၉၄၇ ခုနှစ် ဆိုတော့ ဒုတိယကမ္ဘာစစ်ကြီးအပြီး ၂ နှစ်အကြာမှာ ရိုက်ထားခဲ့ပုံဖြစ်ပါတယ်။ ခေတ်သစ်နဲ့ ခေတ်ဟောင်း ပုံတွေမှာ တူနေတဲ့ အဆောက်အဦးနှစ်ခုကြောင့် တနေရာထဲကို ရိုက်ထားတဲ့ ပုံဖြစ်ကြောင်း သက်သေပြနေပါတယ်။




ဒုတိယကမ္ဘာစစ်မှာ စစ်ရှုံးသွားတဲ့ ဂျာမနီကို စစ်နိုင်မဟာမိတ်လေးနိုင်ငံ ၀င်သိမ်းတာကို ခံရပါတယ်။ စစ်အတွင်းမှာဖျက်ဆီး ခံထားရတာလည်း ပုံမှာ မြင်တဲ့အတိုင်းပါပဲ။ အခု စစ်အပြီး နှစ်ငါးဆယ် အကြာမှာ အခုလိုဖြစ်လာအောင် ပြန်ပြီး ထူထောင်နိုင်ကြပါတယ်။
သယံဇာတတွေ ပေါကြွယ်ဝတဲ့ မြန်မာပြည်လဲ မှားယွင်းတဲ့ စနစ်ကို ဖယ်ရှားနိုင်ပြီး အလုပ်ကို ကြိုးစား ကြမယ်၊ အချင်းချင်း မညီညွတ်တာတွေကိုလည်း ဆွေးနွေးခြင်းဖြင့် ဖြေရှင်းနိုင်မယ်ဆိုရင်တော့ ဂျာမနီ လို မဖြစ်တောင် အိမ်နီးချင်း နိုင်ငံတွေမှာ အောက်ကျခံပြီး အလုပ်သွားလုပ်စရာ မလိုတဲ့အဆင့်ကိုတော့ ရောက်လာနိုင်စရာရှိတယ်လို့ မျှော်လင့်မိကြောင်းပါခင်ဗျား ။ ။