Saturday, July 25, 2009

ဖားအောက်တရားစခန်း (ဂျာမနီ)

နွေရာသီတွင် ကျနော့် စက်ရုံသည် ထုံးစံအတိုင်း (၂) ပတ် ပိတ်ပါသည်။ အလုပ်သမားများကမူ အားလပ်ရက် (၃) ပတ်စီ နားကြရသည်။ ကျနော် ပထမတော့ တခြားလည်း ဘယ်မှ အထူးအထွေ သွားစရာ လာစရာမရှိသဖြင့် စက်ရုံပိတ်သည့် (၂) ပတ်ပဲ နားမည်ဟု စိတ်ကူးသေးသည်။ သုံးပတ်နားလေ့ရှိသော ဒိန်းမတ်များကမူ နွေရာသီအားလပ်ရက်များတွင် နိုင်ငံခြားသို့ခရီးသွားသူသွား၊ Summer house ခေါ် နွေရာသီအနားယူရန် သက်သက် ဆောက်ထားသည့် အိမ်များတွင် သွားရောက် အနားယူသူကယူ၊ မိမိကားနောက်တွင် camping ထွက်သည့် နောက်တွဲကို ဆွဲ၍ နေရာအနှံ့လျှောက်သွားသူကသွား၊ စသည်ဖြင့် အလုပ်များကြပေရော့မည်။
ကျနော်တို့မှာတော့ နိုင်ငံခြားလည်း ခရီးဝေးဝေး မသွားနိုင်၊ Summer house မှာ သွားနေရသည့် အရသာကိုလည်း ဘယ်လိုခံစားရမှန်းမသိ၊ camping နောက်တွဲရော၊ သူ့ကို ဆွဲသည့်ကားပါ မရှိသဖြင့် နွေရာသီအားလပ်ရက်သည် ဘာမှ သိပ်ထူးခြားလှသည်မရှိ။ ဟိုနားဒီနား ခရီးသွားဖို့ကျတော့လည်း ဘတ်ဂျက်ကို ကြည့်ရသေးသည်။
အိမ်မှာနေပြီးတော့ အလုပ်ပိတ်ရက်မှာ တနေကုန် တီဗီကြည့်၊ အင်တာနက်သုံး၊ ညဥ့်နက်မှ အိပ်ပြီး မနက်ကျ မထနိုင်၊ အချိန်တန်တော့ မနက်စာ၊ နေ့လည်စာ၊ ညစာတွေစား၊ လူက လှုပ်လှုပ်ရှားရှား သိပ်မရှိပဲ ကိုယ်အလေးချိန်တိုးပြီး အလုပ်လည်း ပြန်ဖွင့်ရော လေးလံထိုင်းမှိုင်းနေတာမျိုးလည်း မဖြစ်လိုပါ။
ထိုကဲ့သို့ မည်သို့လုပ်ရမည်မသိဖြစ်နေစဉ် ဂျာမနီမှာ တရားစခန်းဖွင့်နေသည့် ဖားအောက်ဆရာတော် အကြောင်း သတိရမိပြီး ဖရန့်ဖုကို လှမ်းဆက်သွယ်တော့ သက်ဆိုင်သည့် ဖုန်းနံပါတ်များနှင့် ၀က်ဘ်ဆိုက်လိပ်စာများကို ရလိုက်သည်။ သို့နှင့် တရားစခန်းဝင်မည်ဟု ဆုံးဖြတ်ကာ အလုပ်ကိုလည်း သုံးပတ်နားမည်ဟု အကြောင်းကြား လိုက်သည်။
ဂျာမနီတွင် တလဖွင့်ထားသည့် တရားစခန်းကို တတိယပတ်မှ စ၍၀င်ဖြစ်သည်။ တပတ်စာအတွက် စားစားရိတ်၊ နေစားရိတ် ယူရိုငွေ (၃၅၀) သတ်မှတ်ထားသော်လည်း ကျနော့်အား မြန်မာဖြစ်သည့်အတွက် စီစဉ်သူများက (၂၁၀) သာ ယူပါသည်။ တရားစခန်းစီစဉ်သူများမှာ ဖရန့်ဖု အခြေစိုက် ဗီယက်နမ်ဗုဒ္ဓဘာသာ အသင်းမှ ဖြစ်ကြသည်။ သူတို့သည် မြန်မာဆရာတော်ကြီးကို ပင့်ထားခြင်း၊ ဖရန့်ဖုတွင်နေထိုင်သူ မြန်မာများကလည်း တတပ်တအား ပါဝင်ကူညီလုပ်ဆောင်ပေးနေခြင်းကြောင့် ကျနော့်ကို ဈေးလျှော့ယူသည်ဟု ထင်ပါသည်။
တရားစခန်းကျင်းပရာ နေရာသို့ ဖရန့်ဖုမှာ လာလျှင် တောင်ဘက်ရှိ Weinheim ဘူတာသို့ ရထားစီးလာရပြီး ထိုဘူတာမှ ဘတ်စကား ထပ်စီးရပါသေးသည်။ ယခင်က ဟော်တယ်အဖြစ် ဆောက်လုပ်ခဲ့သော အဆောက်အဦးတခုကို ဗီယက်နမ်ဗုဒ္ဓဘာသာအသင်းက ၀ယ်ယူပြီး တရားစခန်းများ စတင်ဖွင့်လှစ်နေခြင်း ဖြစ်၏။ တရားထိုင်သူ ယောဂီငါးဆယ်ခန့် ရှိပြီး အများစုမှာ ဂျာမန်လူမျိုးများ ဖြစ်ကြသည်။
ဖားအောက်ဆရာတော်ကြီး တရားဟောသည့်အခါ အင်္ဂလိပ်လို ဟောပြီး အမျိုးသမီးယောဂီတဦးက ဂျာမန်ဘာသာ ပြန်ပေးပါသည်။ ယောဂီများကို သက်သတ်လွတ်အစားအစာများ ကျွေးမွေးပြီး တနေ့လျှင် လေးကြိမ် တရားထိုင်ရ ပါသည်။
ကျနော် ယခင်က တရားစခန်းဝင်ရာတွင် တရားပြဆရာတော်က နှာသီးဖျားတွင် ထိခိုက်ဝင်ထွက်နေသော ၀င်လေ ထွက်လေကို ပုံသေမှန်ရန် အားမပေးပါ။ ၀င်လေ၊ ထွက်လေ အပြင် ၀မ်းဗိုက်ပိန်မှု ဖောင်းမှု၊ ထိုင်မှုထိမှု၊ တွေးကြံသိမှု၊ အသံကြားခြင်း၊ နာကျင်ကိုက်ခဲခြင်းများမှ ထင်ရှားရာ အာရုံကို ပြောင်း၍ မှတ်ခိုင်းပါသည်။
ယခု ဖားအောက်ဆရာတော်ကြီးကမူ ထိုင်နေစဉ်ကာလရော ကျန်သည့်အချိန်များ၌တွင်ပါ အာနာပါနကိုသာ သင်ပေးသဖြင့် ကျနော်လည်း ယခင်နည်းကို စွန့်လွှတ်ပြီး နည်းသစ်ကို ပြောင်းမှတ်ပါသည်။
တရားစခန်းကာလအတွင်း ရှစ်ပါးသီလ ဥပုသ်စောင့်ခဲ့ခြင်း၊ ဘာဝနာ တရားပွားများနိုင်ခဲ့ခြင်းတို့အား ဘလော့ဂ် ဖတ်သူမိတ်ဆွေများကို အမျှပေးဝေအပ်ပါသည်။ အမျှ ရကြသည်ဖြစ်၍ သူတော်ကောင်းတရားကို အားထုတ်နိုင် သူများ ဖြစ်ကြပါစေ။
နောင်နှစ်နွေရာသီများတွင်လည်း ဂျာမဏီကဲ့သို့ ဥရောပနိုင်ငံများတွင် တရားစခန်းများရှိခဲ့ပါက ယခုထက်ပို၍ အချိန်ကြာကြာ တရားစခန်းဝင်ချင်ပါသေးသည်။ ။

4 comments:

မေဓာဝီ said...

ကိုသက်ဦးရေ ..
ညီမဟိုးငယ်ငယ်တုန်းက အဘိုးသင်ပေးလို့ အာနာပါနနဲ့ မှတ်တာကို ပိုအားသန်ခဲ့တယ်။
ဆယ်တန်းအောင်လို့ ရိပ်သာဝင်ချိန်မှာ ချမ်းမြေ့ရိပ်သာကို ၀င်ဖြစ်တော့ မဟာစည်ဆရာတော်ဘုရားကြီးရဲ့နည်း ပိန်ဖောင်းနဲ့ မှတ်ရတာမို့ ရုတ်တရက် မမှတ်နိုင်ဘဲ အခက်အခဲ ဖြစ်ခဲ့တယ်။ ဒါပေမဲ့ တရားပြတဲ့ ဘုန်းဘုန်းက နှာသီးဖျားတွေ ပိန်ဖောင်းတွေ မဟုတ်ဘဲ ထင်ရှားတဲ့ အာရုံကိုသာ မှတ်ခိုင်းပါတယ်။ အဲဒီနောက်ပိုင်းမှ အဆင်ပြေသွားခဲ့တယ်။
ခုတော့ နှာသီးဖျားမှတ်တဲ့ အာနာပါနလဲ မှတ်နိုင်သလို ပိန်ဖောင်းနဲ့လဲ မှတ်လို့ရနေပြီ။ တကယ်တော့ သတိပဋ္ဌာန်တရားတွေထဲက ကိုယ်နဲ့ ကိုက်ညီတာကို ရွေးချယ် အားထုတ်နိုင်ရင် အဆင်ပြေမယ် ထင်တာပါပဲ။

ကိုသက်ဦးရော နှာသီးဖျားမှာမှတ်တော့ ဘယ်လိုနေလဲ။ အဆင်ပြေခဲ့လား။

ကိုသက်ဦးပြုခဲ့တဲ့ ကုသိုလ်တွေကို ၀မ်းမြောက်စွာ သာဓု သုံးကြိမ် ခေါ်လိုက်ပါတယ်။

သူတော်ကောင်းတရားလဲ အားထုတ်နိုင်ချင်ပါတယ်။

မိစံ said...

ဟုတ်ပါတယ် ကိုသက်ဦးရေ ..နွေရာသီ အားလပ်ရက်မှာ ဘတ်ဂျတ်တွက်ပြီး ခရီး မထွက်ဖြစ်ပဲ ကိုသက်ဦးပြောသလို အိမ်မှာ်နေရင်း အင်တာနက်နဲ့နေ့မှန်းညမှန်းမသိ နပန်း လုံးနေတာ ၀ိတ်တက်ပြီး ထိုင်းမှိုင်းလာတယ်၊ တရားစခန်း ၀င်ဖိုို့ကျတော့လဲဈေးကမနဲဘူးနော်။ အိမ်မှာပဲ တရားခွေဖွင့်ပြီးထိုင်မှထင်တယ်၊ အဆိုးကြီးတော့လဲ မဟုတ်ပါဘူးလေ ၂ပတ်အတွင်း အပြင်းအထန်
လေ့ကျင့်လိုက်တာ မြန်မာစာလက်ကွက်ကို
လုံးဝကြည့်စရာမလိုပဲေ၇းနိုင်သွားပြီ၊ ဒါအမြတ်ပဲပေါ့လေ။

Anonymous said...

Very interesting. Can you explain to me What's Ar-Nar-Par-Na and how to apply it. Thanks

Thet Oo said...

နှာသီးဖျားက ၀င်လေထွက်လေကို မှတ်တော့လည်း စိတ်က ပျံ့လွှင့်တာပါပဲ။ အလေ့အကျင့်တော့ အများကြီး လုပ်ရပါအုံးမယ်... မေဓာဝီ...
မြန်မာစာရိုက်တာ လေ့ကျင့်ပြီး ဘလော့ဂ်ပါဆက်ရေးနိုင်အောင် ကြိုးစားပေါ့ .. မိစံ...
Hello Anonymous! Thanks for your insteresting...