(၄) သတင်းစာတို့၏ ပွဲဦးထွက်တိုက်ပွဲ (ကြေးမုံဦးသောင်း)

သတင်းစာတို့၏ ပွဲဦးထွက်တိုက်ပွဲ

၁၉၄၈ ခုနှစ်တွင် မြန်မာနိုင်ငံ လွတ်လပ်ရေးရရှိသောအခါ၌ ၁၈၆၁ ခုနှစ်က၊ အိန္ဒိယပြည်တွင် အင်္ဂလိပ်-အရှေ့အာရှကုမ္မဏီအစိုးရက ရေးသားခဲ့သော ပုဒ်မ ၁၂၄ (က) အကြည်ညိုပျက်စေမှု စသည့် အိန္ဒိယ ရာဇသတ်ကြီးတခုလုံးကို အမွေရရှိခဲ့ရာတွင် ယင်းအမွေဆိုးကို အုပ်ချုပ်သူများက လက်နက်ကောင်းများအဖြစ် သုံးစွဲခဲ့လေသည်။
နိုင်ငံတည်စကာလက ဒီမိုကရေစီစနစ်ကို တည်ဆောက်ခဲ့ကြစေကာမူ လက်စောင်းထက်သူ အာဏာရနိုင်ငံရေးသမားများက ဖောဖောသီသီအသုံးပြုခဲ့ကြပေသည်။ နိုင်ငံရေးခေါင်းဆောင်အများ ထောင်နန်းစံခဲ့ ရသည်။ သတင်းစာဆရာအများပါ ထိကြ၏။ ဒီမိုကရေစီခေတ်က သတင်းစာဆရများလည်း ခံကြရစေကာမူ ထောင်တွင်းတွင် ကြာကြာနေရလေ့မရှိဘဲ ညှာညှာတာတာထားလေ့ရှိသည်။ ဆရာကြီး လူထုဦးလှကိုမူ ကြာမြင့်စွာ ညှဉ်းဆဲခဲ့၏။ စံချိန်တင်ရမည့် ထောင်မင်းသားမှာ ဆရာဗန်းမော်တင်အောင် ဖြစ်သည်။ အသက် (၅၅) နှစ်ခန့်မှာ ကွယ်လွန်ရှာသူ ဗန်းမော်တင်အောင်၏ ထောင်သက်သည် (၂၁) နှစ်ရှိသည်ဟု ဆို၏။
၁၉၆၂ ခု၊ စစ်အစိုးရတက်လာချိန်တွင်မူ ဥပဒေဆိုးများကို လက်လွတ်စပယ် အသုံးပြုလေသဖြင့် ထောင်ပေါင်းများစွာသော နိုင်ငံရေးခေါင်းဆောင်များ၊ သတင်းစာဆရာ၊ စာရေးဆရာများ၊ အရာရှိအရာခံများ၊ အလုပ်သမား၊ လယ်သမားများပါ ဖမ်းဆီးခံခဲ့ကြရ၏။
“ထောင်အပြင် တန်းမရှိ” ဟု ဆိုရိုးရှိသည်။ စစ်အစိုးရများလက်ထက်တွင် ထောင်ထက်ဆိုးသော တကျွန်းထောင်စခန်းများ တည်ဆောက်ကာ ညှဉ်းပန်းခဲ့ကြသည်။
မည်သို့ပင်ရှိကြစေကာမူ မြန်မာတမျိုးသားလုံးသည် ကိုယ်မင်းကိုယ့်ချင်း နေနိုင်ရေးသည်သာ အဓိကဖြစ်သည်။ ယင်းသို့ လွတ်လပ်ရေးအတွက် နှစ်ပေါင်းများစွာ တိုက်ခဲ့ကြရာ၌ တိုက်ပွဲတလျှောက်လုံးတွင် သတင်းစာဆရာများက ဦးဆောင်ခဲ့ပေသည်။
အင်္ဂလိပ်အစိုးရထံမှ မြန်မာ့လွတ်လပ်ရေး ပြန်လည်ရရှိရေး တိုက်ပွဲကြီးတွင် မြန်မာသတင်းစာ များက ဦးဆောင်ပြီး တိုက်ခိုက်ကြရာ၌ ပထမဆုံးတိုက်ပွဲက ဖိနပ်မစီးရသော တိုက်ပွဲ ဖြစ်သည်။
မြန်မာမင်းများခေတ်က အင်္ဂလိပ်သံတမန်များအား ရှေ့တော်သို့ ၀င်ခွင့်ပေးသည့်အခါတွင် ဖိနပ်ချွတ် မှသာ ၀င်ရောက်ခစားခွင့် ပေးလေ့ရှိသည်။ သံအမတ်ကြီးအဆက်ဆက်တို့က မြန်မာမင်းများရှေ့သို့ ၀င်ရာ၌ ဖိနပ် စီးနင်းခွင့်ကို အကြိမ်ကြိမ်တောင်းဆိုကြသော်လည်း မြန်မာမင်းများက လိုက်လျောခြင်းမပြုခဲ့ပေ။ မြန်မာမင်းဆက် ကို ဖြုတ်ပြီးနောက် သူတို့အနိုင်ရသောအခါတွင်မူ နန်းတော်တွင်းသာမက ဘုရားကျောင်းကန်များတွင်ပါ အင်္ဂလိပ်တို့က ဖိနပ်စီးနင်းကာ ၀င်ရောက်ကြသဖြင့် မြန်မာများတို့ စိတ်မချမ်းမသာ ဖြစ်ခဲ့ကြရသည်။
၁၉၁၇ ခုနှစ်တွင် ပဲခူးမြို့ ၌ ငလျင်လှုပ်သောအခါ ရွှေမော်ဓောစေတီတော်လည်း ငလျင်ဒဏ်သင့် ခဲ့လေသည်။ ထို့ကြောင့် အင်္ဂလိပ်ဘုရင်ခံ ဆာရယ်ဂျီနယ် ကရက်ဒေါက်နှင့် ဇနီးတို့က သွားရောက်ကြည့်ရှုသော အခါတွင် စေတီတော်ရင်ပြင်ပေါ်၌ ဖိနပ်မချွတ်ခဲ့စေကာမူ ဘုရားလူကြီးများက ကြိုဆိုခဲ့ကြသည်။ ထိုအခင်းကို အခွင့်ကောင်းယူကာ မူလက မြန်မာများမကျေမနပ်ဖြစ်နေသော ဖိနပ်ကိစ္စကို သူရိယသတင်းစာက ဖော်ထုတ်ကာ တိုက်ပွဲဝင်ခဲ့လေသည်။ ဘုရင်ခံက ဘုရားပေါ်၌ ဖိနပ်စီးသည်ကို ဝေဖန်သရော်သော ရုပ်ပြောင်နှင့် ကဗျာကို သတင်းစာတွင် ဖော်ပြပြီး ပြစ်တင်ဝေဖန်လေသည်။ ကာတွန်းဆရာကြီး ရွှေတလေးက မျက်နှာဖြူဘုရင်ခံနှင့် ဘုရင်ခံကတော်ကို ဘုရားလူကြီးများက ကုန်းပေးပြီးကျောပိုးနေသည့်ပုံကို ရေးဆွဲထားကာ “သူတို့ ဖိနပ်မချွတ်လျှင် ဘုရားလူကြီးတွေ ကျောပိုးပါလား” ဟု လှောင်ပြောင်ထားလေသည်။ ရုပ်ပြောင်ကို “ဘကြီး မေတ္တာတုံးရဲ့ သစ္စာတုံး ဒီပနီတေးထပ်” ဟု ပြောင်မြောက်သော ကဗျာနှင့် သရုပ်ဖော်ပြန်ပါသေးသည်။
“ဖိနပ်ကို မစီးရငယ်လို့၊ နည်းကျကျဆွဲဆင်။
ကမ္ဗည်းသ အကဲတင်သည်၊ မရဲချင်လေကော။
နှစ်ပါးလုံး ဗိုလ်မောင်မယ်မှာ၊ ဟိုတောင်စွယ် ကုန်းမြင့်သာမော။
တကျွတ်ကျွတ် ဘွတ်ရွှတ်ဆင်သည်၊ မချွတ်ချင်ဟူသော။
ထွဋ်သခင် သူပြောတော့၊ ဂေါပကဖြစ်အင်။
ပုခုံးမှာ ကုန်းကာပို့မယ်ပ၊ ပြုံးပါလို့ ဦးချပန်ဆင်။
ကျွန်တော် (မျိုးကြီး) တို့ ကျောပြင်ကို၊ ဝေါယာဉ်လို ထင်မှတ်လို့။
သခင်မြတ် ကုန်းမြင့်သည်တောင်၊ ရုန်းပင့် ချီဆောင်၊
ဘိနပ်ချွတ်လှည့်နည်းပြောင်သည်၊ ၀ိနည်းရှောင် ကုန်းပုံတဲ့လေး။”
သူရိယသတင်းစာတွင် ထိုကဗျာနှင့် ကာတွန်းပါလာသောအခါတွင် အင်္ဂလိပ်ပုလိပ်မင်းကြီး မစ္စတာ ရှပ်တယ်လ်ဝပ်က အယ်ဒီတာ ဦးဘဘေနှင့် ဦးလှဘေတို့ကို ဆင့်ခေါ်ကာ “ဘုရင်ခံ၏ ဂုဏ်သရေကို ပျက်စေသော ကဗျာကို ဘာကြောင့် ပုံနှိပ်သနည်း” ဟု မေးတော့လေသည်။
ပုလိပ်မင်းကြီးက သူ၏ ရုံးစားပွဲတွင် ကုလားထိုင်နှင့် ထိုင်နေပြီး အယ်ဒီတာများကို ကုလားထိုင် မပေးဘဲ ကြမ်းပေါ်မှာ ခင်းထားသည့် သင်ဖြူးကို ညွှန်သည်ဆို၏။ ထိုအခါ အယ်ဒီတာများက ကြမ်းပေါ်သို့ဆင်းကာ မထိုင်ကြဘဲ မတ်တပ်ရပ်ပြီး ရှင်းပြောကြလေသည်။ “အင်္ဂလိပ်ဘုရင်ခံကို ရည်ရွယ်ရေးသည်မဟုတ်ပါ၊ ဂေါပက လူကြီးများကို ဝေဖန်သည်သာ ဖြစ်သည်။ ဂေါပကလူကြီးများ မကျေနပ်လျှင် အသရေပျက်မှုနှင့် တရားစွဲနိုင်သည်” ဟု ဖြေကြားသည်ကို ပုလိပ်မင်းကြီး အရေးမယူနိုင်ဘဲ လက်ပိုက်ကျန်ရစ်ရရှာတော့သည်။
သတင်း၏ ဂယက်မှာ ဆက်တိုက်ဖြစ်ပေါ်လာသည်။ ဗုဒ္ဓဘာသာကလျာဏယုဝ အသင်းကြီးက ဦးစီးကာ လူထုအစည်းအဝေးများ ကျင်းပပြီး ရွှေမော်ဓောကုန်းတော်ပေါ်တွင် ဖိနပ်စီးမှုကို ကန့်ကွက်ကြောင်း အဆိုများ ဆုံးဖြတ်ကာ တိုက်ပွဲဆင်ကြသည်။ လူထုဆန္ဒပြပွဲအစည်းအဝေးများ၏ သတင်းများကို သူရိယတွင် ဓာတ်ပုံများနှင့်တကွ ဖော်ပြကာ ၀ါဒဖြန့်ပေးသဖြင့် စည်းဝေးပွဲများ အမြို့မြို့တို့တွင် ဆက်တိုက်ကျင်းပကြတော့ သည်။ အစည်းအဝေးအကြိမ်ကြိမ် ကျင်းပတောင်းဆိုကြသဖြင့် အင်္ဂလိပ်အစိုးရက ဘုရားကျောင်းကန်များတွင် “ဖိနပ်မစီးရ” ဟု တရားဝင်ဆိုင်းဘုတ်များ ဆွဲချိတ်ကာ တားဆီးစေဟု လိုက်လျောခဲ့ရတော့သည်။
ယင်းတိုက်ပွဲသည် အင်္ဂလိပ်အစိုးရအပေါ် မြန်မာလူထုက ပထမဆုံး အနိုင်ရရှိလိုက်သည့် အောင်ပွဲ ဖြစ်၏။ ကာရန်တဆက်၊ စုတ်တချက်နှင့် တိုက်ခဲ့သော ထိုတိုက်ပွဲမှ စတင်ကာ သတင်းစာတို့၏ သြဇာနှင့် လူထုကြီး၏ အင်အားကြီးမားပုံကို မြန်မာများတို့ နားလည်သိရှိကာ ဆက်လက်တိုက်ခိုက်ကြရာမှ လွတ်လပ်ရေး တိုက်ပွဲများကို အစဉ်တဆက် ဆင်နွှဲဖြစ်ခဲ့ကြလေသည်။
လူမှုရေး၊ ဘာသာရေး၊ အခွင့်အရေးတောင်းဆိုချက်များမှာ နိုင်ငံရေးတောင်းဆိုချက်များဆီသို့ ပစ်မှတ်ပြောင်းခဲ့ကြလေသည်။ မိမိတို့ ကြမ္မာ မိမိတို့ ဖန်တီးခွင့်ကို ပြည်သူတို့က တောင်းဆိုခဲ့ကြသည်။ ပြည်သူတို့က ရွေးချယ်တင်မြှောက်သော ကိုယ်စားလှယ်များ အုပ်စိုးခွင့်ကို တောင်းကြသည်။ အင်္ဂလိပ်တို့က ပါလီမန်ဒီမိုကရေစီစနစ်ကို စတင်အုတ်မြစ်ချပေးစေကာမူ လူထုသို့ အာဏာလွှဲပေးရေးလုပ်ငန်းတွင် များစွာ နှေးကွေးလှသည်။ အင်္ဂလိပ်ဘုရင်ခံက အတိုင်ပင်ခံကောင်စီလူကြီး (၉)ဦးပါသော အဖွဲ့ကို ၁၈၉၂ ခုမှာ စတင်ဖွဲ့ခဲ့ရာ တွင် လူထုက ရွေးကောက်တင်မြှောက်ခြင်း မပြုရဘဲ အင်္ဂလိပ်၊ အိန္ဒိယနှင့် မြန်မာများမှ ခေါင်းခေါက်ပြီး ရွေးချယ် ခန့်ထားသည်။ ၁၉၁၅ ခုတွင် ယင်းအဖွဲ့ကို (၁၅)ဦးအထိ တိုးချဲ့ ခဲ့သည်။
ကောင်စီအဖွဲ့ဝင်များကို (၁၅) ဦးအထိ တိုးချဲ့ သည့်အခါ၌ (၁၃) ဦးတို့ကို ဘုရင်ခံက မိမိစိတ်ကြိုက် ခန့်ထားကာ အင်္ဂလိပ် (၂)ဦးကိုမူ ဥရောပကုန်သည်ကြီးများအသင်းက ရွေးချယ်စေဟု သီးခြားအခွင့်အရေးပေး သည်။ ပထမဦးဆုံးပေးသော ရွေးချယ်တင်မြှောက်ခွင့်ကို အင်္ဂလိပ်များကိုသာ ခွဲခြားပေးအပ်သော စနစ်မှ စတင်ပြီး သတင်းစာများက ဝေဖန်ရေးသားကြသဖြင့် မြန်မာများ ကိုယ်စားလှယ် ရွေးချယ်တင်မြှောက်ပိုင်ခွင့်ကို နိုင်ငံရေး အဖွဲ့အစည်းအဝေးများမှ တောင်းဆိုကြပြန်တော့သည်။
မျက်စိပွင့်လာသော မြန်မာလူထု၏ တောင်းဆိုချက်ကို အင်္ဂလိပ်တို့က တစတစ လိုက်လျောကြရ ပေသည်။ ၁၉၂၁ ခုနှစ်တွင် လူထုက ရွေးကောက်တင်မြှောက်သူ (၇၉) ဦးပါဝင်ပြီး အစိုးရခန့် (၂၄)ဦးပါဝင်သော ပါလီမန်စနစ်ကို ရရှိခဲ့လေသည်။ မြန်မာသတင်းစာများက မကျေနပ်နိုင်သေးဘဲ တင်းပြည့်ကျပ်ပြည့် ပါလီမန်စနစ်ကို တောင်းဆိုကြသည်။
ရွေးကောက်တင်မြှောက်သူ အမတ် (၁၃၂)ဦးကို အခြေခံသော ပါလီမန်ကို ၁၉၃၅ ခုနှစ်တွင် ရရှိခဲ့ လေသည်။ ဒီမိုကရေစီစနစ် ပီသစပြုလာသော ထိုအချိန်တွင် ရွေးကောက်ပွဲကျင်းပချိန်မှ စတင်ပြီးပါလီမန်အစည်း အဝေးများ၌ အစိုးရတင်မြှောက်ကြသည်အထိ ဝေဖန်ဆန်းစစ်ရသော ကြီးမားသော တာဝန်ရပ်များကို သတင်းစာ များက ထမ်းရွက်ခဲ့ကြသည်။
သတင်းစာတို့ ဆော်သြမှုကြောင့် လူထုကြီးက နိုင်ငံရေးကိစ္စသည် မိမိတို့အရေးကိစ္စဖြစ်သည် ဟု နားလည်လာကြ၏။ ၁၉၂၂ ခုနှစ်က အမတ် (၇၉)ဦး ကို ရွေးကောက်တင်မြှောက်ရစဉ်က မဲပေးခွင့်ရှိသူ (၆.၉၂) ရာခိုင်နှုန်းသာ မဲပေးခဲ့ရာမှ ၁၉၂၅ ခု၊ ရွေးကောက်ပွဲတွင်မူ မဲပေးခွင့်ရှိသူ (၁၆.၂၆) ရာခိုင်နှုန်းအထိ တိုးတက် လာခဲ့သည်။
၁၉၃၇ ခုနှစ်၊ (၉၁)ဌာန အုပ်ချုပ်ရေးခေတ်တွင် အမတ် (၁၃၂)ဦးတို့ကို ရွေးကောက်စဉ်က (၅၀) ရာခိုင်နှုန်းသော မဲဆန္ဒရှင်များက မဲပေးကြသည်။
နိုင်ငံရေးဒီရေ အတက်ဆုံးမှာ တည်မြဲ-သန့်ရှင်းကွဲကြသော ၁၉၆၀ ခုနှစ်၊ ရွေးကောက်ပွဲဖြစ်၏။ ထိုရွေးပွဲတွင် (၅၉)ရာခိုင်နှုန်း မဲပေးခဲ့ကြလေရာ မြန်မာတို့သည် ဒီမိုကရေစီအခွင့်အရေးကို နားလည်သိရှိသုံးစွဲ သော နိုင်ငံသားများဖြစ်ကြသည်ကို သက်သေပြခဲ့သည်။ ထိုရွေးကောက်ပွဲ၌ စစ်တပ်က နိုင်ငံရေးတွင် ၀င်ရောက်စွက်ဖက်မှုရှိသည်ကို ထောက်ခံအားပေးသော တည်မြဲဖဆပလတို့ (၃၁)ရာခိုင်နှုန်းသာ အရွေးခံရပြီး စစ်တပ်က နိုင်ငံရေးလောကတွင်းသို့ ၀င်လာသည်ကို ဆန့်ကျင်သော သန့်ရှင်းဖဆပလတို့ အဖို့ (၅၂) ရာခိုင်နှုန်း အရွေးခံရကာ ကွန်မြူနစ်အနွယ် ပမညတတို့က (၅) ရာခိုင်နှုန်းသာ အရွေးခံရသည်ကို ထောက်ရှုပါက မြန်မာလူထုက အာဏာရှင်စနစ်ကို မည်သည့်အသွင်နှင့်မှ လက်မခံခဲ့ဘဲ ဆန့်ကျင်ခဲ့သည်မှာ သိသာ ထင်ရှားပေသည်။
နိုင်ငံရေးအဖွဲ့များ တည်ထောင်လှုပ်ရှားကြခြင်းမှ ပြည်သူ့လွှတ်တော်အစည်းအဝေး အဆိုများ၊ ဥပဒေများ စသည်ဖြင့် များမြောင်လှသော အရေးကိစ္စများကို သတင်းစာများက ဝေဖန်ရေးသားကြရာတွင် အင်္ဂလိပ်အစိုးရနှင့် ထိပ်တိုက်တွေ့ကြရသည်လည်း ရှိသည်။ ဒီမိုကရေစီအခွင့်အရေး ပေးသည်ဆိုစေကာမူ ကာကွယ်ရေး၊ နိုင်ငံခြားရေး စသည့် အရေးကြီးသော အမှုကိစ္စများကို ဘုရင်ခံ၏ လက်တွင်သာ ထိန်းသိမ်းထား သည်။ အင်္ဂလိပ်၏ ကျွန်နိုင်ငံတခုအဖြစ်ကိုမူ အင်္ဂလိပ်တို့က လက်လွှတ်ပေးရန် ဆန္ဒမရှိသောကြောင့် လွတ်လပ်ရေးကို ဦးတည်သော သတင်းစာများကို အင်္ဂလိပ်အစိုးရက ဖိနှိပ်ချုပ်ချယ်သည်လည်း ရှိသည်။ သို့သော် ကျွန်ဘောင်ကြီးအတွင်းတွင် ရရှိခဲ့သော သတင်းစာလွတ်လပ်ခွင့်မှာ အတိုင်းအဆ ကြီးမားသည်။
ကျောင်းသားမဂ္ဂဇင်းတစောင်တွင် ဖော်ပြခဲ့သော ဆောင်းပါးတပုဒ်က ကြီးမားပြင်းထန်သည့် လူထုအုံကြွမှုကြီးကို ဖြစ်ပေါ်စေခဲ့သည်အထိ ကလောင်သွားထက်ခဲ့၏။
ရန်ကုန်တက္ကသိုလ် ကျောင်းသားများက ထုတ်သော အိုးဝေမဂ္ဂဇင်းတွင် တက္ကသိုလ်အာဏာပိုင် များကို သရော်ထားသော “ငရဲခွေးကြီး လွတ်နေပြီ” အမည်ရှိသည့် ဆောင်းပါးတပုဒ်ကို ဖော်ပြခဲ့သည်။ ထိုစာမူ ရေးသားသူကို သိလိုပါသည်ဟု တက္ကသိုလ်ကျောင်းအုပ်ကြီးက သမဂ္ဂမဂ္ဂဇင်းအယ်ဒီတာ ကိုအောင်ဆန်းအား တောင်းဆိုလေသည်။ ယင်းဆောင်းပါးကို ရေးသူမှာ ညိုမြအမည်ရှိ ကျောင်းသားရေးသည်ကို ကျောင်းအုပ်ကြီးနှင့် တကွ ကျောင်းသားအများက သိရှိပြီးဖြစ်သည်။ ထိုကြောင့် စာရေးဆရာကို မရေးသင့်၊ မရေးအပ်သော စာပေကို ရေးသဖြင့် အရေးယူအပြစ်ပေးရန်အတွက် တရားဝင် တောင်းဆိုခဲ့၏။ အယ်ဒီတာက စာနယ်ဇင်းတို့ ကျင့်ထုံးကို ထိန်းသိမ်းကာ ဆောင်းပါးရှင်ကျောင်းသား၏အမည်ကို ထုတ်ဖော်ပြောခြင်း မပြုနိုင်ဟု ငြင်းဆိုသည်။
တက္ကသိုလ်အာဏာပိုင်များက အယ်ဒီတာကိုအောင်ဆန်းကို ကျောင်းက ထုတ်လိုက်သည်။ ယင်းသို့ အရေးယူလိုက်စဉ်တွင် တက္ကသိုလ်အာဏာပိုင်များကို ဝေဖန်ပြစ်တင် ဟောပြောနေသူ သမဂ္ဂဥက္ကဋ္ဌ ကိုနုကိုပါ ကျောင်းထုတ်ပြန်သဖြင့် အထွေထွေကျောင်းသားသပိတ်ကြီး ပေါ်ပေါက်လာပြီး အလုပ်သမား၊ လယ်သမားသပိတ် များပါ ကူးစက်ခဲ့ကာ နိုင်ငံတခုလုံး လှုပ်ရှားခဲ့သည်။ ၁၃၀၀ ပြည့်အရေးတော်ပုံ အမည်နှင့် ပြည်လုံးကျွတ် ပါဝင်သော ကြီးမားသည့် အရေးတော်ပုံကြီး ပေါ်ပေါက်ခဲ့သည်။
သတင်းစာများ၊ မဂ္ဂဇင်းများ၏ သြဇာက ကြီးမားသဖြင့် လူထုလူတန်းစားတိုက်ပွဲများ အစဉ်အဆက် ဖြစ်ပေါ်စေခဲ့ပါသည်။ တဆူဆူ တပူပူ တိုက်ခိုက်နေကြချိန်တွင် ဒုတိယကမ္ဘာစစ်ကြီးမှ စစ်မီးကြီးသည် မြန်မာနိုင်ငံ သို့ ကူးစက်လာခဲ့လေတော့သည်။
ဤနေရာတွင် အင်္ဂလိပ်နယ်ချဲ့ ဗျူရိုကရက်များ၏ ဖြောင့်မှန်သော လုပ်ဆောင်ချက်များကို မှတ်တမ်းတင်သင့်ပေ၏။ ဆူပူမှုကြီးများ၏ စနက်တံဖြစ်သော ငရဲခွေးကြီးလွတ်နေပြီဟု အာဏာပိုင်ကျောင်းအုပ် ကြီးကို သရော်စာဆောင်းပါးရေးသူ ကိုညိုမြအား အင်္ဂလန်သို့ သတင်းစာပညာတော်သင် စေလွှတ်ခဲ့သည်။ ။