 |
| SuperBrugs |
Monday, June 2, 2008
မြန်မာပြည်ကို မမေ့ပါ။
ဒီနေ့မနက် ၀ယ်နေကျ ရပ်ကွက်ကုန်စုံဆိုင်မှာ ဈေးဝယ်အပြီး ငွေရှင်းကောင်တာအရောက် အထူးအဆန်းတခု မြင်ရပါသည်။ ဘာတုံးဟ… ဆိုပြီး အနားကပ်ကြည့်လိုက်တော့ မြန်မာနိုင်ငံက နာဂစ်လေမုန်တိုင်းဒဏ် ခံရသူတွေအတွက် အလွယ်တကူ အလှူငွေထည့်နိုင်ဖို့ စီစဉ်ထားတာလေးကို သွားတွေ့ပါတယ်။ ဖြတ်ပိုင်းလေးတခုကို ဒိန်းနစ်ရ်ှကရောင်း ၅၀ သတ်မှတ်ထားပြီး လေဘေးဒုက္ခသည်တွေကို ကူညီချင်တယ်ဆိုရင် ကောင်တာမှာ ကိုယ်ဝယ်တဲ့ပစ္စည်းတွေနဲ့အတူ ငွေရှင်းသွားရုံပါပဲ။ ဖြတ်ပိုင်းလေးမှာတော့ “ကူညီသည့်အတွက် ကျေးဇူးတင်ပါသည်။ သင့်အလှူငွေ ကရောင်း ၅၀ (ယူအက်စ် ၁၀ ဒေါ်လာ) သည် ဒုက္ခသည်များအတွက် အစားအစာ၊ သောက်ရေသန့်၊ ဆေးဝါး၊ မိုးကာဖျင်နှင့် အခင်းများ အတွက် ဖြစ်ပါသည်” ဟု ရေးထားပါသည်။ ဒိန်းမတ်နိုင်ငံသားများသည် ဒီမိုကရေစီနှင့် အမှန်တရားကို မြတ်နိုးပြီး ပြည်သူကို ဖိနှိပ်အုပ်ချုပ်သည့် အာဏာရှင်အစိုးရများကို မလိုလားကြပါ။ သူတို့သည်လွတ်လပ်သော မီဒီယာများကြောင့် ကမ္ဘာ့အရေးအခင်းများကို အချိန်နှင့်အမျှ သိရှိနေကြပြီး ဒုက္ခရောက်သူများကို ကူညီရန်လည်း အသင့်ရှိနေ ကြပါသည်။ ။
Subscribe to:
Post Comments (Atom)
No comments:
Post a Comment