ကမ္ဘာအရပ်ရပ်ရှိ ခန္ဓာ၊ အာယတန၊ ဓာတ်၊ သစ္စာ အစရှိသော တရားတော်များကို စိတ်ဝင်စားသော ဗုဒ္ဓဘာသာ ကလျာဏ အနွယ်ဝင် သူတော်စင်များသည် လန်ဒန်မြို့ရှိ မိုးကုတ်ဝိပဿနာရိပ်သာက လန်ဒန်စံတော်ချိန် ည ၇ နာရီခွဲမှ စတင်ကာ အပတ်စဉ်စနေနေ့တိုင်း ဟောကြားပေးနေသော ၀ိပဿနာတရားကို VZO မှတဆင့် နာယူနိုင်ပါသည်။
တရားနာမည့်ပုဂ္ဂိုလ်သည် VZO တွင် ID တခု ရှိရမည်ဖြစ်ပြီး မိမိကွန်ပြူတာတွင်လည်း VZO ကို အနည်းဆုံး ဗားရှင်း 6.2 အထက် install လုပ်ထားရမည်ဟု ဆိုသည်။ ထို့နောက် မိမိ VZO ၏ Address Book တွင် mogoktalk ကို add လုပ်ရမည်။ တရားပွဲ စီစဉ်သူများက မိမိအား သိရှိနိုင်ရန်အတွက် လန်ဒန် မိုးကုတ်ဝိပဿနာ ရိပ်သာသို့ ဖုန်းဖြင့် ဖြစ်စေ၊ အီးမေးလ်ပို့၍ ဖြစ်စေ မိမိ တရားနာ နာယူလိုကြောင်းနှင့် မိမိ နေထိုင်ရာအရပ်၊ အသက်အရွယ်၊ အမည်နာမ နှင့် VZO ID တို့ကို အကြောင်းကြားထားရန်လိုအပ်ပါသည်။ ဖုန်းနံပါတ်နှင့် ဆက်သွယ်ရန် အီးမေးလိပ်စာများကို လန်ဒန်မိုးကုတ်ရိပ်သာ၏ အင်တာနက် စာမျက်နှာ www.mogok.co.uk တွင် ရယူနိုင်ပါသည်။ သံသရာမှ လွတ်ကြောင်း တရားကောင်းကို အားထုတ်နိုင်သူများ ဖြစ်ကြပါစေ။ ။
No comments:
Post a Comment