Saturday, August 11, 2007

ရာဟူးမက်ဆင်ဂျာ

ကျနော် ဘလော့မလုပ်ခင်က ရာဟူးမက်ဆင်ဂျာမှာ စီအက်ဖ် တက်ပါတယ်။ စီအက်ဖ်ဆိုတာက conference ကို အတိုကောက်ခေါ်တာပါ။ ကွန်ဖရင့်ဆိုတဲ့ အတိုင်း လူအများဝိုင်းစကားပြောကြတာပါပဲ။ ကမ္ဘာအရပ်ရပ်ကို ရောက်နေတဲ့ မြန်မာတွေကို စီအက်ဖ်မှာ တွေ့နိုင်ပါတယ်။ ကျနော် စတက်ခါစက အိုင်ဒီတွေကို ဗလာစာအုပ် မှာချရေးပြီး ဘယ်နိုင်ငံက မောင်ဘယ်သူ မဘယ်သူ ။ အသက်ဘယ်လောက်။ ဘာလုပ်သလဲ။ ရောက်တာ ဘယ်လောက်ကြာပြီလဲ စသဖြင့် မှတ်သားရပါတယ်။ စကားတွေက အကြောင်းအရာ မျိုးစုံကို ပြောကြတာပါ။ မြန်မာနိုင်ငံနဲ့ ပတ်သက်တဲ့ နောက်ဆုံးသတင်းတွေ။ နောက် အတင်းတွေ။ ရုပ်ရှင်အကြောင်း၊ စာအုပ်အကြောင်း၊ သီချင်းအကြောင်း အစုံပြောကြပါတယ်။ ဘလော့ဂ်မှာ စာရေးကောင်းသူတွေ ရှိသလို၊ စီအက်ဖ်မှာ စကားပြောကောင်းသူတွေ ရှိကြပါတယ်။ ပုံမှန် စီအက်ဖ် တက်သူတွေရှိသလို နောက်ပိုင်းမှာ ပျောက်သွားသူတွေလည်း ရှိကြပါတယ်။

တကယ်တော့ စီအက်ဖ်ဟာလည်း ဘလော့ဂ်လောကလိုပါပဲ။ လူချင်းမြင်ဘူးတာမဟုတ်ပဲ အသံနဲ့ ရင်းနှီးနေကြ တာပါ။ တယောက်ကို တယောက် ၀က်ဘ်ကမ် ပြတာ ဓါတ်ပုံပို့တာတွေတော့ ရှိကြတာပေါ့။

တခါတလေလည်း ပြောစရာအကြောင်းအရာ ထွေထွေထူးထူး မရှိတဲ့အခါ ကာရာအိုကေဆိုသူကဆို ဂစ်တာတီး သူက တီးကြပါတယ်။ အခုနောက်ပိုင်းကြတော့လည်း ပုံမှန်လိုတွေ့နေသူ ရှိလာပြီး သူ့အကြောင်း ကိုယ့်အကြောင်းလည်း စကားပြောရင်း ရင်းနှီးသိကျွမ်းလာကြပါတယ်။

တခုတော့ရှိပါတယ်။ ဘလော့ဂ်ကို မြန်မာပြည်တွင်းက ရေးလို့ရပေမယ့် စီအက်ဖ်ကို မြန်မာပြည်ထဲက တက်လို့ မရပါဘူး။ ရာဟူးမက်ဆင်ဂျာမှာစကားပြောနေသူဟာ ပြည်တွင်းက မဟုတ်တာ သေချာပါတယ်။ အင်တာနက် ရှိရင် အခမဲ့ အဆက်အသွယ်လုပ်လို့ရတဲ့ ရာဟူးတို့ ဟော့မေးလ်တို့ သုံးလို့မရတဲ့ နိုင်ငံဟာ ကမ္ဘာမှာ မြန်မာတနိုင်ငံပဲ ရှိသလားပဲ။

စီအက်ဖ်မှာ ရန်ဖြစ်ကြ၊ ဆဲကြတာတွေလည်း ကြုံဘူးပါတယ်။ ငယ်ရွယ်သူတွေကတော့ အပြန်အလှန် `ကျူ´ ကြပါတယ်။ စီအက်ဖ်မှာပဲ သမီးရည်းစားဖြစ်သွားသူတွေလည်း ရှိပါတယ်။

စီအက်ပုံမှန်တက်တဲ့ ဘိုးတော်တယောက်နဲ့ မိတ်ဆက်ပေးလိုပါတယ်။ စီအက်ဖ်တက်မယ်ဆိုရင်တော့ သူ့ကို မသိလို့ မဖြစ်ပါဘူး။ သူက ဆွီဒင်နိုင်ငံမှာ နေတဲ့ ကိုဘွိုင်းစီ လို့ အများးခေါ်ကြတဲ့ ကိုအင်ဒရူးစိုး ပါပဲ။ သူဟာ အကြောင်းအရာမျိုးစုံကို ဒိုင်ခံပြောနိုင်တဲ့ ထူးခြားတဲ့သူတဦးပါ။ နှစ်ပေါင်းများစွာ စီအက်ဖ် တက်လာသူတဦးဆို တော့ သူ့မှာ မိတ်ဆွေတွေအများကြီးရှိပါတယ်။ သူ့မှာ ထူးခြားတာတွေကတော့ ယောက်ျားလေးဆိုရင် အသံထွက် စကားပြောခိုင်းပြီး မိန်းခလေးတွေဆို ၀က်ဘ်ကမ်ပြခိုင်းတတ်ပါတယ်။ စကားတွေကိုလည်း မနားတမ်း နာရီပေါင်းများစွာ မငြီးတမ်းပြောနိုင်သူတဦးပါ။

စနေ တနင်္ဂနွေ အားလပ်ရက်တွေမှာ လူစီတတ်တာမို့ သင့်အနေနဲ့ စိတ်ဝင်စားလို့ စီအက်ဖ်ကိုလာမယ်ဆိုရင် ကျနော့်ရဲ့ ရာဟူးအိုင်ဒီ kthetoo@yahoo.com ကိုသာ မက်ဆင်ဂျာစာရင်းမှာ add ထားလိုက်ပါ။ စကားတွေ တ၀ကြီးပြောဖို့ မိုက်ခရိုဖုန်းကောင်းကောင်းလေးတခုလည်း အသင့်ဆောင်ထားဖို့ မှာလိုက်ပရစေ။ ဆုံကြမယ်လေ။

ပျော်ပျော်ပါးပါးပေါ့။

1 comment:

Hteink Min said...

ကျွန်တော်လည်း ဆီအက်ဖ်ထည်း ၀င်တယ်။ တစ်ခါ တစ်ခါ ရန်ဖြစ်ကြတာ စိတ်ညစ်ဖို့ ကောင်းလို့ .. အားရင် လာခဲ့ဦးမယ်လေ