ဒိန်းနစ်ရှ် - ဘားမားကော်မတီနှင့် ချစားမှုများ

ဒိန်းနစ်ရှ် - ဘားမားကော်မတီသည် မြန်မာနိုင်ငံဒီမိုကရေစီရရှိရေးနှင့် အမျိုးသားပြန်လည်ရင်ကြားစေ့ရေး တို့အတွက် အကူအညီပေးနေသော ဒိန်းမတ်နိုင်ငံ၏ ထောက်ပံ့ငွေများဖြင့် ထိုင်းနိုင်ငံ၏ လာဘ်စားသော ရဲအရာရှိများအတွက် မော်တော်ကားနှင့် အရက်စသည်များ ၀ယ်ယူပေးနေကြောင်း ဒိန်းမတ်နိုင်ငံထုတ် Ekstra Bladet သတင်းစာမှ ၂၀၁၀ ခုနှစ် ဇန်န၀ါရီလ ၁၀ ရက်နေ့တွင် ရေးသားလိုက်သည်။
၂၀၀၉ ခုနှစ် အောက်တိုဘာနှင့် နိုဝင်ဘာလများအတွင်းက ထိုင်းနိုင်ငံဘန်ကောက်မြို့ရှိ ဒိန်းမတ်သံမတ်ကြီးထံ တင်ပြရသည့် အစီရင်ခံစာ (၂) စောင်၌ ဒိန်းမတ်နိုင်ငံမှ ကူညီသည့် ခရိုနာ (၄၅) သန်း (အမေရိကန်ဒေါ်လာ ၉ သန်းခန့်) သည် ချစားမှုများနှင့် ပြည့်နှက်နေကြောင်း ရေးသားထားသည်ကို အထောက်အထားပြု၍ သတင်းစာမှ ဖော်ထုတ်ဝေဖန်လိုက်ခြင်း ဖြစ်သည်။
ထိုအစီရင်ခံစာများကြောင့် ဒိန်းနစ်ရှ် - ဘားမားကော်မတီမှ ထပ်မံတောင်းဆိုထားသော ခရိုနာ (၂၅) သန်း (အမေရိကန်ဒေါ်လာ ၅ သန်းခန့်) ကို ဒိန်းမတ်နိုင်ငံခြားရေးဝန်ကြီးဌာနမှ ပယ်ချထားကြောင်းလည်း သတင်းစာတွင် ဖော်ပြထားသည်။
ဒိန်းနစ်ရှ် - ဘားမားကော်မတီသည် ဒိန်းမတ်နိုင်ငံ၏ အလုပ်သမားသမဂ္ဂအချို့ စုပေါင်းဖွဲ့စည်းထားသော LO နှင့် ပူးပေါင်းပါဝင်ထားပြီး အထွေထွေအတွင်းရေးမှူးအဖြစ် ဦးဆောင်သူ Anette Berentzen ကမူ စွပ်စွဲချက်များကို ငြင်းဆိုထားသည်။ ။

News source: http://ekstrabladet.dk/nyheder/samfund/article1280354.ece