အဖေလည်းဒီစာ၊ သားလည်းဒီစာ

၂၀၀၄ ခုနှစ် မလေးရှားနိုင်ငံ ကွာလာလမ်ပူမြို့ရှိ ကမ္ဘာ့ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး UNHCR မှာ ဒုက္ခသည်အဖြစ် အသိအမှတ် ပြုခံရတော့ အပြာရောင်စာရွက်တရွက်ကို ရုံးက ထုတ်ပေးပါတယ်။ အဲဒီစာရွက် ထုတ်ပေးတဲ့နေ့မှာ ယူအမ်မှအမျိုးသမီးအရာရှိ ပြောလိုက်တာက “မင်းဟာ ဒုက္ခသည် တဦးမို့ ဒီရုံးရဲ့ အကာအကွယ်နဲ့ အစောင့်ရှောက်ကို ခံယူခွင့်ရှိတယ်၊ ရဲအဖမ်းခံရရင်၊ နေမကောင်းဖြစ် ရင် တို့ကို အကြောင်းကြားပါ၊ ပြီးတော့ မင်းကို တတိယနိုင်ငံတခုမှာ အခြေချနေထိုင်ခွင့်အတွက် လည်း စီစဉ်ပေးမယ်၊ ဒါပေမယ့် ဘယ်နိုင်ငံကို ဘယ်တော့သွားရမလဲ ဆိုတာ ခုချိန်မှာ မပြောနိုင်သေး ဘူး” တဲ့။
ယူအမ်က ထုတ်ပေးလိုက်တဲ့ လက်မှတ်ဟာ မလေးရှားလို နိုင်ငံထက် ပိုပြီး အဆင့်မြင့်တဲ့ နိုင်ငံတခုကို ရောက်နိုင်တဲ့ လက်မှတ်တစောင်ပဲ ဆိုတာ ကျနော်သိတာပေါ့။
ဒါနဲ့ မြန်မာပြည်က မိသားစုကို ပြည်ပခေါ်ထုတ်ဖို့ စီစဉ်ရပါတယ်။ အဲဒီအချိန်မှာ သမီးကြီးက မြောက်ဥက္ကလာပမှာရှိတဲ့ ဆေးဝါးတက္ကသိုလ်ဆိုလား တက်နေတယ်။ သမီးငယ်က ကိုးတန်းနဲ့ သားငယ်က လေးတန်း တက်နေကြတယ်။ ကျနော့် မိသားစုက မွန်ပြည်နယ်မှာ နေကြတာပါ။ သူတို့နဲ့ ဆုံဖို့ ချိန်းလိုက်တဲ့နေရာကတော့ မြ၀တီနယ်စပ်က မဲဆောက်ဖက်ခြမ်း တံတားထိပ်မှာပါပဲ။
ကျနော်လည်း ကွာလာလမ်ပူကနေ မဲဆောက်ဆင်းဖို့ လိုအပ်တာတွေ ပြင်ဆင်ရပါတယ်။ အဓိက ကတော့ လိုအပ်တဲ့ ငွေကြေးစုဆောင်းရတာပါ။ ကျနော့်ဇနီးက ပြည်တွင်းကနေ ငွေနဲနဲပါးပါး ပြန်လွှဲ ပေးသလို၊ မလေးရှားမှာ ရှိတဲ့ သူငယ်ချင်းတွေနဲ့ သြစတေလျနိုင်ငံ ဆစ်ဒနီမှာ နေကြတဲ့ သူငယ်ချင်းတွေ ကလည်း ငွေပို့ပေးကြပါတယ်။
ကျနော့် ခရီးစဉ်က ကွာလာလမ်ပူကနေ ထိုင်းနယ်စပ်ကို ဖြတ်၊ အဲဒီကနေ ဘန်ကောက်ကိုရောက်။ ပြီးတော့ မဲဆောက်ကို ညကားစီးမယ်ပေါ့။ မဲဆောက်ရောက်တော့ ကားဂိတ်မှာ ကျနော့်ကို လာကြိုသူက ကျောင်းသားတပ်မတော်က ဘိုကျောက် (ကိုမိုးကျော်ဦး) ပါ။ မဲဆောက်မှာ ကျနော် တည်းခဲ့တာက ကိုလွမ်းဏီတို့အိမ်မှာပါပဲ။ မဲဆောက်ရောက်တဲ့ မနက် ကားဂိတ်မှာ စောစောစီးစီး ရဲက ရောက်နေပါပြီ။ မဲဆောက်မှာ ရဲတွေက မြန်မာပဲ လိုက်ရှာနေကြပါတယ်။ နောက်မှ သိရတာက ရဲတွေ လည်း မဲဆောက်ကို ပြောင်းခွင့်ရဖို့ အထက်ကို လာဘ်ငွေတွေ ပေးခဲ့ရတာပဲတဲ့။ အဲဒီတော့ သူတို့လည်း ပြန်ရှာနိုင်မှ တန်ကာကြမယ်လေ။ အဲဒီ မနက်မှာတော့ ဘိုကျောက်နဲ့ ကျနော် ရဲမေးတာ မခံခဲ့ရပါဘူး။
ကျနော့် မိသားစုက လမ်းမှာ ရေကြီးနေလို့ဆိုပြီး မြ၀တီကို ချိန်းထားတာထက် တရက်နောက်ကျ ပြီး ရောက်လာပါတယ်။ သူတို့ မြ၀တီမှာ တညအိပ်၊ နောက်နေ့မနက် တံတားကူးလက်မှတ်လုပ်ပြီး ထိုင်းဖက်ကမ်းကို ရောက်တော့ ကျနော်နဲ့ ဆုံကြပြီပေါ့။ ကိုလွမ်းဏီတို့ အိမ်မှာ တည်းရင်း သူတို့ကို ဘန်ကောက်ခေါ်ဖို့ စီစဉ်ရပါတယ်။ အဓိက စီစဉ်ပေးသူကတော့ မအေးအေးမာပါ။ ကျနော်ကတော့ မဲဆောက်ရောက်တုံး အေအေပီပီရုံး၊ NLD (LA)၊ မိုးကြိုးသတင်းစာ စတဲ့ မြန်မာအဖွဲ့အစည်းတွေကို လိုက်လည်ရင်း အလုပ်ရှုပ်နေပါတယ်။
ကျနော်တို့ မိသားစု တတိယနိုင်ငံ သွားတဲ့ အခါ စကင်ဒီနေးဗီးယား နိုင်ငံတွေဖက်ရောက်ရင်တော့ သူတို့စာကို အေဘီစီဒီကနေ ပြန်သင်ရတာမို့ “ဖအေလည်းဒီစာ၊ သားလည်းဒီစာ” ဖြစ်လိမ့်လို့ မဲဆောက်က အဖွဲ့တွေက တင်ကြိုဟောကိန်းထုတ်ပါတယ်။ မဲဆောက်က လူတွေက တတိယနိုင်ငံ တွေအကြောင်း ကောင်းကောင်းသိနေကြပြီလေ။
ကျနော့် မိသားစုဟာ ပထမဆုံးအကြိမ် ပြည်ပမြေနင်းရတာမို့ အစစအရာရာ ကျနော်က ဦးဆောင်ရ ပါတယ်။ ထိုင်းစကားကို သူတို့ နားမလည်သလို မလေးရှားရောက်တော့လည်း မလေးတွေဘာပြော နေလဲ သူတို့ မသိပါဘူး။ ယူအမ်က အင်တာဗျူးတွေ ဒိန်းမတ်မစ်ရှင်က အင်တာဗျူးတွေမှာလည်း သူတို့က ငုတ်တုတ်ပါပဲ။ ကျနော်ကပဲ ဦးဆောင်ခဲ့ရတာပါ။
အဲ… ဒိန်းမတ်ရောက်လို့ ဒိန်းမတ်စာစသင်ကြတော့ မဲဆောက်က ပြောလိုက်သလို ပါပဲ။ သူတို့လည်း a for apple နဲ့ ကျနော်လည်း a for apple ကနေ စသင်ကြပါတယ်။ ကျောင်းတော့ မတူပါဘူး။ ကျနော်ရယ်၊ ဇနီးရယ် နဲ့ သမီးကြီးရယ်က လူကြီးတွေတက်ရတဲ့ ဒိန်းမတ်စကားသင်ကျောင်းကို သွားရပြီး အငယ်နှစ်ယောက်ကတော့ အိမ်နားက အထက်တန်းကျောင်းကိုပါ။ သမီးကြီးက ဒိန်းမတ် စကားသင်တဲ့ကျောင်းကို တနှစ်ခွဲနဲ့ ပြီးသွားသလို အငယ်လေးတွေကလည်း စာသင်ကျောင်းမှာ ဒီက ကလေးတွေနဲ့ အတူတူ ဆော့ကစားရင်း အပေါင်းအသင်း လုပ်ရင်း သင်သွားကြတာမို့ ကျနော်တို့ထက် ကို ဒိန်းမတ်လို အများကြီး တတ်လို့ နေပါပြီ။
အခုတော့ ဒီရောက်တာလည်း သုံးနှစ်ခွဲရှိသွားပြီဆိုတော့ ဒိန်းမတ်တွေ နဲ့ ဆက်ဆံရမယ့် ကိစ္စတွေ ဆိုရင် သူတို့ပဲ ကောင်းကောင်း နားလည်တာမို့ သူတို့ကိုပဲ …
“ ဟဲ့.. တို့ကို ကူညီနေတဲ့ Birte ဆီ ဖုန်းဆက်လိုက်စမ်း”
“ဟဲ့.. ဟိုမှာဒိန်းမတ်တယောက်၊ အသစ်ပြောင်းလာတဲ့ အိမ်နီးချင်းနဲ့တူတယ်၊ ဘာတွေလာမေးနေလဲ မသိဘူး၊ စကားသွားပြောလိုက်စမ်း”
“ဒီမှာ မြို့နယ်ရုံးက စာလာတာ ဘာရေးထားမှန်းမသိဘူး၊ လာဖတ်ကြည့်စမ်း”
စသည်ဖြင့် ခိုင်းရပါတယ်။
အဲလိုတွေ ဖြစ်လာတယ်ဆိုတော့ တဖြည်းဖြည်းနဲ့ သူတို့တွေက ဦးဆောင်နေပြီး ကျနော်က နောက်ကို ရောက်နေပါပြီ။
အဲဒါကြောင့် မဲဆောက်က အဖွဲ့တွေနဲ့ ခုနေ ပြန်ဆုံရင် “ဖအေလည်းဒီစာ၊ သားလည်းဒီစာ” ဆိုတာ ကျောင်းတက်ခါစမှာပဲ စာတူပြီး နှစ်ကြာလာတာနဲ့အမျှ သားတွေ သမီးတွေက မိဘတွေထက် ပိုတတ်၊ ပိုနားလည်လာတယ်ဆိုတဲ့ အကြောင်း ပြောပြလိုက်ချင်ပါသေးတယ် ခင်ဗျာ ။ ။

ဓါတ်ပုံ (အပေါ်) ဒိန်းမတ်စာသင်ကျောင်းနှင့် ဆရာမတဦး

(၁၃) သတင်းစာအသစ်တခု တည်ထောင်ခြင်း (ကြေးမုံဦးသောင်း)

ကြေးမုံသတင်းစာ စတင်ထုတ်ဝေသော ၁၉၅၇ ခု၊ ဧပြီလ (၁၆) ရက်နေ့သည် ကမ္ဘာကြီး အဖို့ပါ ထူးခြားသော နေ့တနေ့ ဖြစ်သည်ဟု ဆိုပါလျှင် ကားလွန်းသည်၊ ကြွားလွန်းသည်ဟု အပြစ်မတင်နိုင် ပါပေ။ သဒ္ဒါစာပေ ဖွဲ့စည်းမှုစည်းကမ်းအရလည်း ဒေါသမသင့်ပေ။ ထိုနေ့က မြန်မာနှစ်ဆန်း (၁) ရက် နေ့ ဖြစ်၏။ ကြေးမုံနှင့်အတူ ဖွားဘက်တော်များအဖြစ် အထောက်တော်သတင်းစာနှင့် ပြည်တော်စိုး သတင်းစာတို့ပါ သတင်းစာ (၃) စောင် ပြိုင်တူ ထွက်လာခဲ့သည်။ မြန်မာပြည်တွင်မက ကမ္ဘာမှာပင် သတင်းစာအသစ်တစောင် စတင်ထုတ်ဝေသည့်နေ့ ဟူ၍ များများမရှိခဲ့ပေ။ ယခုကဲ့သို့ သတင်းစာ အသစ် (၃) စောင် တပြိုင်တည်းထွက်သောနေ့ဟူ၍ ကမ္ဘာတွင် မရှိသေးပေ။ နောက်နောင်ကာလများ တွင်လည်း ရှိရန်မလွယ်ပါပေ။
အမေရိကန်နှင့် ရုရှအုပ်စု စစ်အေးကြီးကြောင့် မြန်မာစာနယ်ဇင်းလောကကြီး ယိုယွင်းသွားသည်ကို ၀မ်းနည်းဖွယ် ကြုံတွေ့ရသဖြင့် ကြေးမုံကို ပျိုးထောင်ခဲ့သည်။ မြန်မာသတင်းစာများမှာ အမေရိကန် သြဇာခံ လက်ျာသတင်းစာများနှင့် ရုရှသစ္စာခံ လက်ဝဲသတင်းစာများ ဟူ၍ (၂) မျိုးသာရှိနေသည်။ လက်ဝဲသတင်းစာများက အမေရိကန်ဟူသော ဝေါဟာရစာလုံးကို အသုံးပြုတိုင်း “အမေရိကန် နယ်ချဲ့သမား” ဟု ဂုဏ်ထူးဝိသေသန တပ်ဆင်ရေးသားလေ့ ရှိသည်။ လက်ျာသတင်းစာများကလည်း လက်ဝဲနိုင်ငံများ၏ အနယုတ္တသတင်းများကို ပုံကြီးချဲ့ကာ ရေးသားကြသည်။
ဗမာ့ခေတ်သတင်းစာသည် ကွန်မြူနစ်ဆန့်ကျင်ရေး သတင်းစာဖြစ်သည်။ သို့ငြားလည်း တင်မောင် အဖို့ ဗမာ့ခေတ်တွင် အယ်ဒီတာချုပ်အဖြစ်အထိ တာဝန်ယူ လုပ်ကိုင်ခဲ့စဉ်က များစွာ လွတ်လပ်သည်။ ဗမာ့ခေတ်၏ မဟာမိတ်ဖြစ်သူ အမေရိကန် ဒီမိုကရေစီကို ဝေဖန်ရေးသားနိုင်သည်။ သို့သော် အမေရိကန်သံရုံးမှ ပို့ပေးသော ကွန်မြူနစ်ဆန့်ကျင်ရေး သတင်းဆောင်းပါးများကို အများအပြား ဖော်ပြပေးရသည်ကိုမူ ဘ၀င်မကျ ဖြစ်မိသည်။
ဗမာ့ခေတ်မှာ မပျော်နိုင်သည့် အချက်တခု ရှိပါသေးသည်။ လစာနှုန်းထားကို မကျေမနပ်ဖြစ်မိသည်။ မြန်မာသတင်းစာလောကမှ အယ်ဒီတာချုပ်များကို ပေးသော လစာနှုန်းမှာ နေရှင်းအယ်ဒီတာချုပ် ဦးလောရုံ ရယူသော လစာ၏ လေးပုံတပုံသာ ရှိသည်ကိုလည်း မခံချင် ဖြစ်မိသည်။
ထိုအချိန်က တင်မောင်၏ ကိုယ်ပိုင် အပိုလုပ်ငန်းအဖြစ် သောကြာဟာသစာစောင်ကို ဆရာဇ၀နနှင့် ရှုမ၀ဦးကျော်၏ အကူအညီနှင့် ထုတ်ဝေရာ ရောင်းမလောက်အောင် လူကြိုက်များသည်အထိ ထူးထူး ခြားခြား အောင်မြင်မှု ရခဲ့သည်။ သတင်းစာတစောင်အရွယ် စက္ကူကို (၄) ခေါက် ခေါက်ကာ ချူပ်ပြီး တအုပ်တကျပ်နှုန်း ရောင်းခဲ့သည်။ စာမူအများကို မိမိဘာသာ ရေးသောကြောင့် ဆရာဇ၀န၏ စာမူအတွက် ဘီယာပုလင်းဖိုးမှ တပါး စရိတ်မကုန်လေသဖြင့် အချိန်အနည်းငယ်အတွင်းတွင် ငွေအစုလိုက် အပုံလိုက် ကိုင်နိုင်ခဲ့သည်။
ငွေကလေး ကြေးကလေး အိတ်ထဲရှိလာသောအခါတွင် ပြောရဲဆိုရဲ ရှိလာသည်။ ပိုင်ရှင် ဦးအုန်းခင် ထံ အရေးဆိုသည်။ ဗမာ့ခေတ်အမှုထမ်း အားလုံး လစာနှုန်း နိမ့်နေပါသည်။ ထိုကြောင့် တင်မောင်ကို သာမက စာစီကစပြီး သတင်းထောက်များ၊ အယ်ဒီတာများအထိ လစာတိုးပေးပါဟု လစာစာရင်းသစ် ကို တင်ပြကာ အရေးဆိုသည်။ တင်မောင်၏ လစာကို လက်ရှိ တလ (၄၀၀) နှုန်းမှ (၁၀၀၀) ကျပ် အထိ တက်ပေးရမည်ဟုလည်း တောင်းသည်။
“တယ်ဆိုတဲ့ ကောင်ပါလားကွ။ လစာ (၄၀၀) ကျပ်ရတဲ့ သူတယောက်က ပိုတောင်းနိုင်လှ (၅၀၀) ကျပ် ပေါ့” ဟု ဆရာကြီး ရွှေဥဒေါင်းက မှတ်ချက်ချသည်။
“နောက်ပြီးတော့ အမှုထမ်းအားလုံးအတွက် မင်းက လူမိုက်လုပ်တာကိုး” ဟု ပြောသေးသည်။ ဆရာကြီး ယူဆသည့်အတိုင်း ပိုင်ရှင်ဦးအုန်းခင်က လစာကို (၅၀၀) ကျပ်အထိ တိုးပေးရှာသည်။ လစာနှုန်းကို ထိုက်သင့်သလို ပေးပါဟု တောင်းစဉ်က မပေးလျှင် ဘာလုပ်မည်ဟု အစီအစဉ်မရှိ စေကာမူ မိမိတောင်းသည့်အတိုင်း မရသောအခါ တင်မောင်က လက်မခံဘဲ ဗမာ့ခေတ်အယ်ဒီတာချုပ် ရာထူးမှ ထွက်လိုက်မိသည်။ မိမိတွင် ၀င်ငွေရှိနေပြီဖြစ်သော်လည်း တန်ခိုးသြဇာကြီးမားသော အကြီးဆုံးသတင်းစာ၏ အယ်ဒီတာချုပ်ရာထူးမှ ထွက်လိုက်သောအခါတွင် မိမိကိုယ်မိမိ သိမ်ငယ်သူ တဦးအဖြစ် ခံစားမိသည်။ ထွန်းနေ့စဉ်နှင့် အိုးဝေတို့တွင် ၀င်ရောက်ပြီး ဆောင်းပါးများ ရေးမိရာမှ ဖြေသာသည်။
ဗမာ့ခေတ်မှ ထွက်ခြဲ့ပီးနောက် လအနည်းငယ်အတွင်းတွင် ကြေးမုံဂျာနယ်ကို စတင် တည်ထောင် သည်။ စောင်ရေ (၄၀၀၀) အထိ ရောင်းရသဖြင့် အောင်မြင်စေကာမူ သတင်းများ၊ ဆောင်းပါးများကို (၇) ရက် စောင့်ဆိုင်းပြီးမှ ရေးသားရသည်မှာ အားမလို အားမရ ဖြစ်လာသည်။ သတင်းကောင်းများ ရှာနိုင်ပါလျက် မရေးနိုင်သည်မှာ ခြေတုပ်ထားသကဲ့သို့ ခံရခက်သည်။
ကြေးမုံဂျာနယ်ထွက်ပြီး မကြာမီအတွင်း ဂျာနယ်မှတဆင့် နေ့စဉ်သတင်းစာသို့ ကူးပြောင်း တည်ထောင်ခဲ့လေသည်။
သောကြာစာစောင်က ရရှိထားသည့် ငွေရင်းအပြင် ဆွေမျိုးမိတ်ဆွေ (၅) ဦးနှင့် အိုးဝေကြော်ငြာ မန်နေဂျာ ဦးသော်ထံမှ ငွေရင်းအနည်းငယ် တောင်းခဲ့ပြီး ငွေရင်း အစုစု ကျပ်သုံးသောင်းမျှနှင့် တည်ထောင်သောအခါတွင် ဆရာဇ၀နနှင့် ကိုခင်မောင်ရီတို့ကိုလည်း အစုဝင် လာနိုင်ရန် လစာပိုပေးပြီး အစုရှင်များအဖြစ် ပါဝင်စေသည်။ ပထမဆုံးသော အယ်ဒီတာများ စုပေါင်းပိုင်ဆိုင်သည့် သတင်းစာဖြစ်ပြီး ထိုအချိန်က အတော်ဆုံး သတင်းထောက်များကို စည်းရုံးခေါ်ယူထားသဖြင့် တဟုန်ထိုး တိုးတက်ရောင်းချရတော့သည်။
နှစ်ဆန်း (၁) ရက်၊ ပထမနေ့က ကြေးမုံစောင်ရေ (၇၀၀၀) ပုံနှိပ်သည်ကို (၃၀၀၀) ရောင်းရသည်။ ဒုတိယနေ့တွင် (၃၈၀၀) ရောင်းရပြီး၊ တတိယနေ့တွင် (၄၅၀၀)၊ ပဉ္စမနေ့၌ (၇၀၀၀) ရောင်းရသဖြင့် (၅) ရက်အတွင်း သတင်းစာကြီးများနှင့် ရင်ပေါင်တန်းလိုက်နိုင်ခဲ့သည်။ တလကြာသောအခါတွင် စောင်ရေ (၁၃၀၀၀) ရောင်းရကာ သုံးလအကြာတွင် စောင်ရေ (၂၀၀၀၀) ရောင်းရသောကြောင့် မိခင် ဗမာ့ခေတ်ကို ကျော်လွန်ပြီး အကြီးဆုံး သတင်းစာ ဖြစ်လာခဲ့သည်။
ကြေးမုံကို လူထုက လက်ခံအားပေးသည်မှာ သတင်းထူး သတင်းဦးကို ရဲဝံ့စွာ ဖော်ပြနိုင်ခြင်းနှင့် မြန်မာ့ရှုထောင့်ကို ရှေ့ရှုသောမူဝါဒကြောင့် ဖြစ်သည်ဟု စာနယ်ဇင်းလောကက ယူဆကြသည်။ ထိုခေတ်က ဗမာ့ခေတ်မှတပါး သတင်းစာအများကို ငွေရှင်ကြေးရှင်များက ပိုင်ဆိုင်ပြီး သတင်းစာ လုပ်ငန်းကို ရှေးခေတ်ပုံစံအတိုင်း လုပ်ကိုင်ကြလေသည်။ အန္တရာယ်များမည့် သတင်းဆောင်းပါးများ ကို ရှောင်လေ့ရှိ၏။ ကြေးမုံနှင့် ဗမာ့ခေတ်ကမူ လူထုသိသင့်သည့် သတင်းကို ရရှိကြပါက မိမိတို့ ရင်ဆိုင်ကြရမည့် ဘေးရန်များကို သိကြပါလျက် တာဝန်ကျေပွန်စွာ ပုံနှိပ်ဖော်ပြလေ့ ရှိကြသည်။ ထို့ကြောင့် ကြေးမုံနှင့် ဗမာ့ခေတ်က ရှေ့က ပြေးခဲ့သည်။
“ဦးထုပ်နီကြီးတွေ အများကြီး၊ ကြယ်တွေ ကြွေကုန်ကြပြီ” ဟု မိတ်ဆွေ အယ်ဒီတာတဦးက သတင်းစ တခုကို ပေးသည်။ သူက စစ်တပ်ပိုင် သတင်းစာတွင် လုပ်ကိုင်သောကြောင့် သတင်းကို ဖော်ပြရန် မသင့်သဖြင့် တင်မောင်အား ပေးသည်။ တင်မောင်အဖို့ ထိုသတင်းကို ပုံနှိပ်ရန် မ၀ံ့မရဲဖြစ်ပြီး တရက် နှစ်ရက်တိုင်တိုင် ဆိုင်းငံကာ စဉ်းစားရပါသည်။
သတင်းမှာ “တပ်မတော် ထိပ်သီးစစ်ဗိုလ်ကြီး (၁၂) ဦးတို့ကို တပ်မတော်က အနားယူကြစေ။ တဦးကိုမူ ပြည်ပသို့ သံအမတ်အဖြစ် ထွက်စေ” ဟု ဗိုလ်ချုပ်ကြီးနေ၀င်းက ပြစ်ဒဏ်ခတ်သည့် သတင်းဖြစ်သည်။
၁၉၅၈ ခုနှစ်က ပထမဆုံး စစ်တပ်က အာဏာသိမ်းခဲ့သည်။ ထိုစဉ်က ၀န်ကြီးအမည်မခံဘဲ ၀န်ကြီးရာထူးများကို ထမ်းရွက်ကြရသူ ဗိုလ်မှူးကြီးများ အပါအ၀င် ထိပ်သီးစစ်ဗိုလ်ကြီး အများကို ဗိုလ်ချုပ်ကြီးနေ၀င်းက မကျေနပ်သောကြောင့် အရေးယူသည်။ သူက နောက်တကြိမ် အာဏာသိမ်း ရန် အစီအစဉ်ကို အကွက်ရိုက်နေရာ၌ အာဏာသိမ်းချိန် ပိုင်ပိုင်နိုင်နိုင် ရှိစေရန်အတွက် သူ့ကို ပြန်ပြောဝံ့သူ စစ်ဗိုလ်ကြီးများကို ဖယ်ရှားသည်လည်း ဖြစ်၏။
ဗိုလ်ချုပ်နေ၀င်း၏ လုပ်နည်းလုပ်ဟန်မှာ လက်အောက်မှာရှိသော စစ်ဗိုလ်ကြီးအားလုံးကို သူ၏ လူယုံတော်၊ သူ့ကိုယ်ပိုင် စစ်စုံထောက်များနှင့် စောင့်ကြည့်နေလေ့ ရှိသည်။ သူက ကျေနပ်နေသည့် အချိန်တွင် မည်ရွေ့မည်မျှပင် ကြီးလေးသော ရာဇ၀တ်မှုကို ကျူးလွန်မိစေကာမူ မှတ်တမ်းမှာသာ တေးထားပြီး မည်သို့မျှ အရေးမယူဘဲ စောင့်ကြည့်နေလေသည်။ ထိုပုဂ္ဂိုလ်ကို သူမလိုလားသော အခါကျမှ အမှုတွဲကို လှန်ပြပြီး အရေးယူလေ့ရှိသည်။
တပ်မှူးများ ညီလာခံတွင် ဗိုလ်မှူးကြီးတဦးပြီးတဦး စင်မြင့်ပေါ်ခေါ်ပြီး မင်းက စစ်ဆင်ရေး ရန်ပုံငွေ တွေ ပြန်မအပ်ဘူး။ မင်းက ရွေးကောက်ပွဲမှာ ဘက်လိုက်တယ်။ မင်းက အမေရိကန် စီအိုင်အေနဲ့ ပလူးတယ် … စသည်ဖြင့် အသေးစိတ်ပြောပြပြီး တပ်မှ ထုတ်လေသဖြင့် အထုတ်ခံရသူများ မည်သူမှ ပြန်မလှန်နိုင်ဘဲ ခံကြရသော သတင်းကို အစုံရခဲ့သည်။
သတင်းအပြည့်အစုံကို ကြေးမုံမှာ တစောင်တည်း ဖော်ပြနိုင်ခဲ့သောနေ့က အစိုးရအဖွဲ့ဝင် ၀န်ကြီးများ ပင် မသိကြသေးသောကြောင့် ၀န်ကြီးများက လူယုံတော်များကို စာရေးသူထံ စေလွှတ်ပြီး မေးကြရှာ သည်။ သတင်းမှန်၏ အောင်ပွဲနှင့်အတူ ဆက်တိုက်လာနိုင်သည့် ဂယက်ကို မြင်မိသောကြောင့် တင်မောင့်အဖို့ ရင်လှိုက်သည်းဖို တုန်လှုပ်ချောက်ချား ရပါသည်။ ဤသို့သော ခံစားချက်မျိုး ကြုံရ ခဲတော့သည်။
၁၉၅၈ ခုက အိမ်စောင့်အစိုးရ အမည်နှင့် စစ်တပ်က အာဏာသိမ်းစဉ်က ၀န်ကြီးချုပ် ဗိုလ်ချုပ်ကြီး နေ၀င်း၏ မိန့်ခွန်းကို သူပြောသည့်အတိုင်း လုံးစေ့ပတ်စေ့ ပုံနှိပ်ဖော်ပြခြင်း မပြုဘဲ အတိုချုပ်ကာ ရေးသား ဖော်ပြခဲ့သည်။ ယင်းသို့ ဖော်ပြသဖြင့် တပ်မတော်အရာရှိများ စိတ်ဓာတ်ကျစေသည်ဟု ရုံးတော်သို့ အမှုတင်ကာ ကြေးမုံကို ပိတ်စေ၊ စက်သိမ်းစေ၊ အယ်ဒီတာ ထောင်ဒဏ်ကျခံစေဟု တရားစီရင်ခဲ့သည်။ ရွေးကောက်ပွဲအပြီး ဒီမိုကရေစီ အစိုးရတက်လာမှ အမှုပြယ်သွားပါသည်။ ခဲမှန်ဖူး သည့် စာသူငယ်ဖြစ်သဖြင့် ဤတချီမှာ ဗိုလ်ချုပ်ကြီး စိတ်ဆိုးလျှင် မသက်သာဘူးဟု တွေးမိသော ကြောင့် များစွာ တုန်လှုပ်ခဲ့မိလေသည်။
ဗိုလ်ချုပ်ကြီးနေ၀င်းက တုန်နေအောင် စိတ်ဆိုးစေကာမူ သတင်းက မှန်သောကြောင့် တကြောင်း၊ ဖယ်ရှားလိုက်သူ စစ်ဗိုလ်ကြီးများက ပြန်တိုက်နိုင်သည့် အခွင့်အလမ်း ပေါ်လာမည်ကို စိုးရွံ့သဖြင့် တကြောင်း၊ ရာသက်ပန် အာဏာသိမ်းရန် မဟာစီမံကိန်းကြီး ရေးနေချိန်ဖြစ်သောကြောင့် တကြောင်း၊ ရွေးကောက်ပွဲအပြီးတွင် အာဏာပြန်ပြီး ရယူသည့် သန့်ရှင်းဖဆပလ အစိုးရနှင့် ပဋိပက္ခ မဖြစ်လိုသော ကြောင့် တကြောင်းတို့ကြောင့် အရေးမယူရဲဘဲ အံခဲနေသည်ဟု ကြားသိရသည်။
ကြေးမုံအာဘော်နှင့် ပတ်သက်၍ မြန်မာ့ရှုထောင့်က မြင်ကြည့်သည့် သတင်းစာဖြစ်ရမည်။ ဘက်မလိုက်သည့် သတင်းစာ ဖြစ်ရစေမည်ဟု ကြိုးစားစေကာမူ သတင်းဖြစ်ပေါ် သမျှကို တင်ပြ ဝေဖန်ရာ၌ လွတ်လွတ်လပ်လပ် ရေးလေသဖြင့် လက်ဝဲ လက်ျာအင်အားစု (၂) ဘက်စလုံးက မကြည် ကြပါပေ။ “မင်းတို့က အနောက်အုပ်စုကို အသားပေးလွန်းတယ်” ဟု ဆရာ ဦးသိန်းဖေမြင့် က ဝေဖန်သည်။ ဆရာဦးညိုမြက တဖန် “ကြေးမုံက လက်ဝဲဘက်ကို ဘေးတီးပေးတယ်” ဟု အပြစ်တင် ပြန်သည်။ ။

ကိုပင်ဟေဂင်

အမေရိကန် သမ္မတ ဂျော့ခ်ျဘုရ်ှတို့ ဇနီးမောင်နှံ မြန်မာ့အရေး အားပေးဆောင်ရွက် နေကြတယ် ဆိုတာ အားလုံးသိကြပါတယ်။ ဒါပေမယ့် အမေရိကန် သမ္မတကြီး ဒိန်းမတ်ကို လာသွားတုံးက သူ့ကို ဆန္ဒပြတဲ့ အုပ်စုထဲ မြန်မာပြည် ဒီမိုကရေစီရဖို့ လိုလားတဲ့ ကျနော်ပါသွားခဲ့ဘူးပါတယ်။ ဖြစ်ပုံက ဒီလိုပါ။
UNHCR ရဲ့ အစီအစဉ်နဲ့ ဒိန်းမတ်အစိုးရက လက်ခံတဲ့ ဒုက္ခသည်တွေကို ဒိန်းမတ်နိုင်ငံရဲ့ လူစည်ကား တဲ့ မြို့တော်နဲ့ မြို့ကြီးတွေမှာ နေရာ ချထားပေးလေ့ မရှိပါဘူး။ လူနေကျဲပါးတဲ့ ဒေသတွေမှာ သုံးနှစ် အနည်းဆုံးနေပြီးမှ ကိုယ်ပြောင်းချင်တဲ့နေရာကို ပြောင်းရမယ်ဆိုတဲ့ စည်းကမ်းရှိပါတယ်။ အဲဒါကြောင့် ဒိန်းမတ်ကိုရောက်ပြီး လအတန်ကြာတဲ့အထိ မြို့တော်ကိုပင်ဟေဂင် ကို ကျနော် မရောက်ဘူးသေးပါ။ မြို့တော် နဲ့ ကျနော့်နေရာက ကီလိုမီတာ ၂၆၄ ဝေးကွာပြီးတော့ ပုံမှန်ပြေးဆွဲတဲ့ ဘတ်စကားလိုင်း မရှိပါဘူး။ အမြန်ရထားနဲ့သွားရမှာ ဖြစ်ပြီး အသွားအပြန် ရထားခ Kr. 600 (Danish Crown) နီးပါးရှိပြီး ယူအက်စ်ဒေါ်လာနဲ့ ဆို ၁၀၀ ကျော်ပါတယ်။ ဒိန်းမတ်ရောက်ခါစဆိုတော့ အလုပ်ကလည်း မရှိသေး၊ အစိုးရပေးတဲ့ ထောက်ပံ့ကြေးကလည်း နေရေးစားရေးအတွက်ပဲ လုံလောက်တာမို့ သွားရေးလာရေး အတွက် အပိုအလျှံမရှိပါ။
ဒီလိုနဲ့ ၂၀၀၅ ခုနှစ် ဂျူလိုင်လ ၅ ရက် ၆ ရက်တွေမှာ အမေရိကန်သမ္မတကြီးနဲ့ ဇနီးမောင်နှံ ဒိန်းမတ်ကို လာလည်မယ့် ခရီးစဉ်ရှိကြောင်း အင်တာနက်ကနေတဆင့် သိရပါတယ်။ တဆက်တည်းမှာပဲ အင်တာနက် ပေါ်က Group တွေက တဆင့် အမေရိကန်သမ္မတကို ဆန္ဒပြကြမယ်ဆိုတဲ့ စည်းရုံးလှုံ့ ဆော်မှုတွေကိုလည်း ဖတ်ရပါတယ်။ အဲဒီမှာ နိုင်ငံအနှံ့အပြားကနေ လာကြမယ့် ဆန္ဒပြသူတွေဟာ ဘယ်နေရာမှာ ဆုံကြမယ်၊ ဘယ်လိုလာကြမယ် ဆိုတာတွေလည်း သိနေရပါတယ်။ သူတို့တွေက ဘတ်စကားစုငှားပြီး မြို့တော်ကို သွားကြမှာ၊ ကားခကလည်း သက်သာတယ်ဆိုတော့ ကျနော်လည်း စိတ်ဝင်စားတာနဲ့ ကျနော့် မိတ်ဆွေကိုမိုက်ကယ်နဲ့ တိုင်ပင်တော့ သူကလည်း လိုက်မယ်လို့ ဆိုပါတယ်။ အဲဒါနဲ့ တောမှာ နေတဲ့ ကျနော်တယောက် မြို့တော်ကို ပထမအကြိမ်ရောက်ဘူးပါတော့ တယ်။ ဆန္ဒပြသူတွေနဲ့ အတူသွားတာမို့ ဘတ်စကားက အမေရိကန်သံရုံးနဲ့ အနီးဆုံးနေရာမှာ သွားရပ် ပါတယ်။ ကားပေါ်က ဆင်းပြီး နဲနဲပဲ လမ်းလျှောက်ရသေးတယ်၊ စက်ဘီးအတိုက်ခံရတော့မလို့ဖြစ်သွား ရသေးတယ်။ တောသားမြို့ရောက်တာဆိုတော့ ဒီလိုပဲပေါ့နော်။ စက်ဘီးတွေကလည်း ဥဒဟိုသွား နေတယ်၊ စက်ဘီးလမ်း သီးသန့်ပေးထားတယ် ဆိုတာလည်း သတိမထားလိုက်မိဘူးလေ။ ကျနော် တို့ တောပိုင်းမှာက အဲလိုမှ မဟုတ်တာ။
သူတို့ဆီက ဆန္ဒပြတာကလည်း ကျနော်တို့မြန်မာပြည်မှာ တန်ဆောင်တိုင်မီးထွန်းပွဲလိုပါပဲ။ စတိတ်ခုံနဲ့ တီးဝိုင်းနဲ့ပါ။ အမေရိကန်သံရုံးရှေ့မှာ လူစုနေကြတာပါ။ အဲဒီမှာ အခုဧရာဝတီမှာ ဆောင်းပါးရေးနေတဲ့ ဝေမိုး၊ ကိုပင်ဟေဂင်မှာ နေကြတဲ့ ဘီးထော်နဲ့ ကိုဗညားတို့နဲ့လည်း ဆုံကြပါတယ်။ လွတ်လပ်စွာ ဆန္ဒထုတ်ဖော်ခွင့်ရှိတဲ့ နိုင်ငံတွေဆိုတော့ လုံခြုံရေးရဲတွေ အသင့်အနေအထား ရှိနေသည့်တိုင် ဆန္ဒပြသူ တွေက အကြောက်အလန့်မရှိ ဥဒဟို သွားလာလှုပ်ရှားနေကြတာပါပဲ။ (ရွှေဝါရောင်တော်လှန်ရေး နှိမ်နှင်းစဉ် ရန်ကုန်မြို့က မြင်ကွင်းတွေနဲ့တော့ တခြားစီပါ)သတ်မှတ်ထားတဲ့ အချိန်ကိုရောက်တော့ အမေရိကန်သံရုံးရှေ့နေကနေ လွှတ်တော်အဆောက်အဦးဆီကို စီတန်းလမ်းလျှောက်ကြပါတယ်။ လွှတ်တော်ရှေ့ က ရင်ပြင်ရောက်ရင် စစ်ဆန့်ကျင်ရေးတရားပွဲတွေ လုပ်ကြပါလိမ့်မယ်။ ကျနော်တို့က အဲဒီတရားတွေနာဖို့ထက် မြို့တော်ကို လိုက်ကြည့်ချင်စိတ်က များနေတာမို့ လူအုပ်ကြီးနဲ့ လမ်းခွဲလိုက် ကြပါတယ်။ ကျနော်တို့ နဲ့ အတူပါလာတာက Danish Burma Committee မှာ လုပ်အားပေးလုပ်နေ တဲ့ ဒိန်းမတ်လူငယ် သောမတ်စ် ပါ။ သူက အင်္ဂလိပ်လို ကောင်းကောင်းပြောနိုင်တာမို့ သူရှင်းပြတာ နားထောင်ရင်း ကိုပင်ဟေဂင်ကို အချိန်ရသလောက် လည်ခဲ့ကြပါတယ်။ အသွားအပြန်ကားခ သက်သာတယ်ဆိုပေမယ့် အဲဒီနေ့က နေ့ချင်းပြန် ခရီးနှင်ရတာမို့ လူလည်း အတော်ပင်ပန်းသွားခဲ့ရ ကြောင်းပါ ခင်ဗျား ။ ။

ဓါတ်ပုံ (အပေါ်) ကိုပင်ဟေဂင် အမေရိကန်သံရုံးရှေ့ (သောမတ်(စ်)၊ ကိုဂျွန်၊ ဒိန်းရှစ်ရ်ှဘားမားမှ လူငယ်တဦး၊ ကိုဗညား၊ ကိုဘီးထော်၊ ကိုမိုက်ကယ်)
ဓါတ်ပုံ (အောက်) Google map direction (from my house to Copenhagen)



View Larger Map

(၁၂) စစ်အေးစစ်ပွဲကြီးနှင့် ပြည်မြန်မာ (ကြေးမုံဦးသောင်း)

အဖြေကို ရှာကြစို့ဟု ဆိုရလျှင် မြန်မာနိုင်ငံပျက်စီးရသည်မှာ အမေရိကန်အုပ်စုနှင့် ရုရှအုပ်စုတို့ တိုက်ခိုက်ကြသော စစ်အေးတိုက်ပွဲကြီးသည် အဓိက အကြောင်းရင်းတရပ် ဖြစ်ပေသည်။ ဖဆပလ အစိုးရက အမေရိကန်အုပ်စုဘက်ကို ယိမ်းလေသဖြင့် စစ်တပ်ကို အမေရိကန်က အားပေးပြီး ရုရှနှင့် တရုတ်က ကွန်မြူနစ်သူပုန်များကို အားပေးသောကြောင့် နှစ်ဘက်စလုံး အပြုတ်မတိုက်နိုင်ဘဲ ပြည်တွင်းစစ်မီးကြီး ကြာရှည်ခဲ့ရကာ တိုင်းပြည်နာပြီး စစ်တပ်က တန်ခိုးကြီးလာ၏။
စစ်အေးတိုက်ပွဲက အရှိန်အဟုန် ပြင်းထန်လာသည့်အခါတွင် နိုင်ငံကြီးများ၏ တပည့်ရှာ၊ တပည့်မွေး လုပ်ငန်းကလည်း ကြီးထွားလာသောကြောင့် “ကျနော်များရဲ့ ရွှေပြည်တော်ကို လာရောက်လေ့လာ ကြည့်ရှုပါ” ဟု ဖိတ်ကြားကြသည့် ဖိတ်စာများသည် ပလူပျံမျှ ပေါများလာတော့သည်။
အင်္ဂလန်နှင့် အမေရိကန်က မြန်မာကျောင်းသားများအတွက် ပညာတော်သင်ဆုများ တိုးချဲ့ပေးသည်။ စာနယ်ဇင်းဆရာများ၊ ပညာရေးလောကမှ ပညာရှင်များ၊ အနုပညာသည်များ၊ အရာရှိများ စသည်တို့ ကိုလည်း လေ့လာရေးခရီးများ ဖိတ်ကြားကြသည်။ စစ်တပ်မှ စစ်ဗိုလ်အများကိုလည်း စစ်ပညာသင်ဆု အများ ပေးလေသောကြောင့် စစ်ဗိုလ်ကြီးအများတို့လည်း လိပ်ကန်တို့၏ ပညာရင်နို့ကို သောက်စို့ခဲ့ ကြ၏။ စစ်ဗိုလ်ကြီးများသည် ညာဏ်သစ်လောင်း ပညာတော်သင်သွားကြသည်ကို ခပ်လျှိုလျှိုထား သဖြင့် လူသိမများစေကာမူ ဗမာ့တပ်မတော်မှာ လိပ်ကန်သြဇာကြီးမားသည်ကို ဖုံးကွယ်၍ မရပါ။ စစ်ဗိုလ်ကြီးများကို နယ်ချဲ့လက်ပါးစေများဟု လက်ဝဲဆရာများက စွပ်စွဲလေတော့သည်။
တဖန် လက်ဝဲဆရာကြီးများကလည်း သူတို့ကိုယ်တိုင် လက်ဝဲနိုင်ငံများသို့ အိမ်ဦးနှင့် ကြမ်းပြင် ကူးသန်းသွားလာနေကြသည်ကို ခပ်လျှိုလျှို သိုသိပ်ထားလေ့ရှိသည်။ သို့သော် သူတို့အဖို့ ဖဆပလ အစိုးရထံ နိုင်ငံကူးလက်မှတ် လျှောက်ရသေးသဖြင့် အခက်တွေ့ရှိတတ်သည်။
တရုတ်ပြည်နှင့် ရုရှတို့သို့ ပညာသင်သွားကြရန်မှာ ဘာသာစကားအခက်အခဲ ရှိသောကြောင့် သွားလိုသူ နည်းပါးသဖြင့် ပညာတော်သင် မြန်မာကျောင်းသားများ များများစားစား မရလေရာ အကြောင်းအမျိုးမျိုးပြပြီး မြန်မာအများကို ဖိတ်ကြရသည်။ ရုရှနှင့် တရုတ်ပြည်တွင် ကျင်းပသော အစည်းအဝေးကြီးများ၊ ညီလာခံများ၊ နှီးနှောဖလှယ်ပွဲကြီးများသို့ မြန်မာကိုယ်စားလှယ်များ ဖိတ်ကြား လေ့ရှိသည်။ မြန်မာကိုယ်စားလှယ် ဆိုရငြားသော်လည်း သူတို့က မြန်မာမှန်သမျှကို မလိုချင်ဘဲ တပည့်ဖြစ်နိုင်သူ လက်ဝဲ၀ါဒီများကိုသာ လိုချင်သည်ဟူသော အချက်ကို တင်မောင်၏ ကိုယ်တွေ့အရ သိရှိရပါသည်။
၁၉၅၀ ခုနှစ်က အရှေ့ဂျာမနီပြည်၊ အရှေ့ဘာလင်တွင် လူငယ်ပွဲတော် ကျင်းပစဉ်က မြန်မာအမျိုးသား ကော်မတီက တင်မောင်နှင့် လူငယ် (၂) ဦးကို ရွေးချယ်သောကြောင့် နိုင်ငံကူးလက်မှတ်လျှောက်ကြ သည်။ အစိုးရက တင်မောင်တဦးတည်းကိုသာ နိုင်ငံကူးလက်မှတ် ထုတ်ပေးပြီး အဖော် (၂) ဦးကို ပယ်ချသည်။ နိုင်ငံခြားရေးဝန်ကြီး စောခွန်ချိုက သတင်းထောက်တဦးအဖြစ် သိသဖြင့် လက်မှတ် ထုတ်ပေးခဲ့၏။ ထို့ပြင် ဖဆပလ ဆိုရှယ်လစ်အစိုးရက ဆိုရှယ်လစ်ပါတီဝင် လူငယ် (၂)ဦးကို နိုင်ငံကူး လက်မှတ်နှင့် စရိတ်ပေးပြီး ပွဲတော်တက်စေသည်။ ဆရာကိုချစ်လှိုင်တို့ပင် ဖြစ်၏။
တင်မောင်ခမျာမှာ နိုင်ငံကူးလက်မှတ် အိတ်ထဲထည့်ပြီး ရုရှသံရုံးသို့ သွားကာ စရိတ်တောင်းသော အခါတွင် ကွန်မြူနစ်အမာခံမဟုတ်ဟု ဆိုပြီး ငြင်းသောကြောင့် မသွားရပါ။ အသက်အစိတ်သာ ရှိသေးသော တင်မောင်ကို ပယ်လိုက်စေကာမူ အသက် (၆၀) ကျော်သူ လက်ဝဲဆရာကြီးတဦးကို ရုရှသံရုံးက ခရီးစရိတ်ပေးပြီး ဘာလင်လူငယ်ပွဲကို တက်စေသည်။
စိတ်ဝင်စားဖွယ် ဇတ်လမ်းမှာ ပွဲတော်အပြီးတွင် ငွေပွဲလာ လူငယ်များအားလုံးတို့ကို ရုရှပြည်သို့ လေ့လာရန် ဖိတ်သောအခါတွင် မြန်မာဆိုရှယ်လစ်ပါတီက စရိတ်စက အလုံအလောက်ပေးပြီး စေလွှတ်သည့် ကိုယ်စားလှယ်အဖွဲ့ကို ရုရှပြည်ဝင်ခွင့် ဗီဇာမပေးဘဲ ငြင်းလိုက်သည်။ ထိုအကြောင်း ကြောင့် မြန်မာဆိုရှယ်လစ်လူငယ်တို့သည် မကျေမနပ်ဖြစ်ပြီး မော်စကိုထက် သာယာသော ပဲရစ် မြို့တော်တွင် သောင်တင်နေလိုက်ကြတော့သည်။ အလံနီလူထွက် စောစောက တပိုင်းနီဖြစ်သူ ဆရာ ကိုချစ်လှိုင်သည် နစ်ဆန့်ကျင်ရေးအထက် အဆင့်ရာထူးသို့ တိုးမြှင့်ခန့်ထားလိုက်သည်။ *ထိုစစ်ဗိုလ် လေးမှာ သတင်းစာပညာဘွဲ့ရှိနေပြီဖြစ်ရာ စစ်ဗိုလ်ဖြစ်သဖြင့် ရာထူးတိုးပေးတာ မဟုတ်ပါ။ အရည် အချင်းအလျောက် ရာထူးတက်ပေးရတာပါဟု စစ်ဗိုလ်ဝန်ကြီးက ဆင်ခြေပေး၏။ သတင်းစာလောက တရပ်လုံးက သိထားသည်မှာ ထိုစစ်ဗိုလ်ကလေးသည် အင်္ဂလိပ်စာနှင့် စကားမတတ်သည့်အပြင် ဂျာမန်ဘာသာစကားကို တွေ့ဖူးကြားဖူးသူ မဟုတ်လေသဖြင့် လေးလလုံးလုံး ကွန်မြူနစ်ဂျာမနီပြည်မှာ ဘယ်လိုများ နေထိုင်ပြီး ဘယ်လိုဘွဲ့ရရှိလာပါလိမ့်ဟု အံ့သြကြရသည်။ မသိသော နိုင်ငံသို့သွားပြီး မတတ်သည့် ဘာသာစကားနှင့် ရရှိလာတဲ့ မဟာဘွဲ့ထူးကြီးပိုင်ရှင် စစ်ဗိုလ်လေးအဖို့ တဆင့်ပြီးတဆင့် ရာထူးတက်ရာက အခုဆို ထိပ်သီးအရာရှိကြီးတပါး ဖြစ်နေလေပြီ။
ပြန်ကြားရေးဌာနမှ ဖော်နည်းကားကို သိကြလေသောအခါ အခြားဝန်ကြီး ဌာနအသီးသီးများတွင် ရောက်နေကြသော စစ်ဗိုလ်များကို ရုရှ၊ ပိုလန်၊ ဂျာမနီ စသည့် တက္ကသိုလ်များသို့ ပို့ပြီး ဘွဲ့များယူကြ စေကာ ရာထူးတို့းပေးကြတော့၏။ ထိုမျှမကသေး အပိုဆုအဖြစ် နိုင်ငံခြားတွင် သုံးလထက်ပိုပြီး ကျောင်းနေသူများကို မော်တော်ကားဝယ်ခွင့်ပေးစေ အမိန့်ကို ထုတ်ပြန်သဖြင့် စစ်ဗိုလ်မှန်သမျှ ကားတ၀ီဝီနှင့် မတန်မရာ ရာထူးကြီးများ ရရှိကုန်ကြသည်။ ထို့အပြင် သူတို့တတွေသည် ကွန်မြူနစ် နိုင်ငံများသို့ သွားကြစေကာမူ အပြန်ခရီးမှာ အရင်းရှင်နိုင်ငံများတွင် ၀င်နားပြီး ပစ္စည်းပစ္စယ ၀ယ်ကြ လေ့ရှိသဖြင့် စစ်ဗိုလ်ငယ်များ သုံးထပ်ကွမ်း အပိုဆုများ ရကြလေတော့၏။
စစ်ဗိုလ်များသာမကပါပေ၊ အရပ်သား အမှုထမ်းရာထမ်းများပါ နိုင်ငံခြားသို့ သွားရောက်ခွင့်သည် များစွာ အဖိုးတန်သော အခွင့်အရေးဖြစ်သည်။ ၁၉၅၀ ခုနှစ်လောက်က စတင်ခဲ့သော အခွင့်အရေး သည် ယနေ့တိုင် မပြောင်းလဲသေးချေ။ မြန်မာအများတို့သည် နိုင်ငံခြားသွားရမည်ဆိုပါက ကွန်မြူနစ် နိုင်ငံများထက် အနောက်အုပ်စု အရင်းရှင်စနစ် နိုင်ငံများသို့ ပိုမိုသွားလိုကြသည်။ အရင်းရှင်နိုင်ငံများ မှာသာ ပစ္စည်းကောင်းများ ရရှိနိုင်သောကြောင့် ဖြစ်၏။ လက်ဝဲဆရာကြီးများ၊ ကွန်မြူနစ်နိုင်ငံများသို့ တိုင်းခန်းလှည့်လည်သောအခါများတွင်လည်း အရင်းရှင်နိုင်ငံများကို ဖြတ်သန်းရပ်နားပြီးမှ သွားကြ လေ့ရှိကြသည်။
တခါတွင် ကြေးမုံအယ်ဒီတာ ဦးခင်မောင်ရီ တယောက် ရုရှပြည်ကို သွားခွင့်ကြုံခဲ့သည်။ မသွားမီတွင် ရုရှပြန် လက်ဝဲဆရာကြီးများက လမ်းညွှန်သြ၀ါဒ အမျိုးမျိုး ပေးကြသည်ကို နာခံမှတ်သားပြီးမှ သွားရှာ သည်။ ရုရှတွင် ရောက်ခိုက် လက်ပတ်နာရီတလုံးဝယ်ခဲ့ရာ၌ ရန်ကုန်ပြန်ရောက်လေသည်နှင့် ပျက်သွား သဖြင့် လူရယ်ခံရရှာသည်။
ရုရှ (၃) ခေါက်ပြန် လက်ဝဲစာရေးဆရာကြီး ဦးဘ၀င်းတယောက်မူ မရယ်နိုင်ဘဲ ကိုခင်မောင်ရီကို “မိုက်လိုက်လေ ခင်မောင်ရီရယ် … ငါမှာတဲ့ စကားကို ဘာလို့နားမထောင်ရတာလဲကွာ” ဟု ၀မ်းနည်း ပက်လက် အထပ်ထပ်ပြောပြီး ဆူပူရှာသည်။ ကရုဏာဒေါသောနှင့် သူရဲ့ ဆူသံပူသံကလေးကို ယခုတိုင် ကြားယောင်မိပါသေးသည်။
“ခင်မောင်ရီ၊ မင်းရုရှကို နောက်ထပ်သွားရဦးမှာ သေချာပါတယ်။ အဲဒီတော့ နောက်တခါ ငါထပ်ပြီး ပြောမယ်။ မသေမချင်း မှတ်ထားကွ။ ရုရှမှာ ဘာပစ္စည်းမှ မ၀ယ်လေနဲ့။ ရုရှမှာ ဘာပစ္စည်းမှ ကောင်းတာ မရှိဘူး။ ကွန်မြူနစ်ဝါဒတခုပဲ ကောင်းတာရှိတယ်။ ကွန်မြူနစ်ဝါဒက လွဲလို့ ဘာမှ ကောင်းတာ မရှိဘူးကွ” တဲ့။ ။